1-р сарын 9
9 цаг 26 минут

МВЗХ-ны “В” зэрэглэлийн УАШТ баасан гарагт эхэлнэ

Волейболын спортыг сонирхдог залуусыг эрүүл, идэвхтэй амьдралд уриалан, волейболын спортоор хичээллүүлэн багийн ажиллагаанд сургаж, эрүүл чийрэг, шинэ залуу тамирчдыг нээн илрүүлэх зорилготойгоор Монголын Волейболын Залуучуудын холбооноос волейбол сонирхогчдын дунд зохион байгуулдаг “В” зэрэглэлийн УАШТ энэ сарын 13, 14, 15-нд болно.

Тус тэмцээн нь мэргэжлийн тамирчид болон сонирхогчдыг нэгтгэсэн томоохон тэмцээн тул волейбол сонирхогчдын дунд багагүй хүлээлт үүсгээд байгаа юм.

Тиймээс бид тус тэмцээний талаар МВЗХ-ны үүсгэн байгуулагч Ч.Отгонбаяртай ярилцлаа.

-Энэ удаагийн “В” зэрэглэлийн УАШТ-ий онцлог юу вэ?

-Манай холбоо шат дараалалтай тэмцээн уралдаан зохион байгуулах зорилтууд тавьсан. Үүнийхээ хүрээнд Мэргэжлийн тоглогч болохоор хичээллэж байгаа тамирчдад тохирсон тэмцээн зохион байгуулах гэж байна. Энэ нь “B” зэрэглэлийн тэмцээн юм. 2016 оны хамгийн сүүлд зохион байгуулагдсан МВХолбооны цомын тэмцээнд оролцон тоглосон үндсэн тоглогчийн хоёр тоглогчоос гадна сэлгээний  тоглогчид оролцох боломжтойгоороо онцлогтой. Тэгэхээр багууд их жигд бас ур чадварын түвшингээ харах боломж бүрдэх юм.

Мөн Монголын Волейболын тамирчдыг багийн ажиллагаанд сургах, Багш дасгалжуулагчийн уялдаа холбоог сайжруулах, Дасгалжуулагчийн ёс зүйн харилцааг сайжруулах, дасгалжуулагчийн хариуцлагыг нэмэгдүүлэх, дасгалжуулагчийн нэр алдрыг алдаршуулах, багийн зохион байгуулалт болон багийн системтэй үйл ажиллагааг сайжруулах зорилгоор энэ удаагийн “В” зэрэглэлийн тэмцээнээс эхлэн шилдэг дасгалжуулагчдыг шалгаруулан алдаршуулж байхаар болсон гэдгээрээ онцлогтой юм.

-Ямар хүмүүс оролцож байгаа вэ?

-Монголын Волейболын Холбооноос 2016 онд зохион байгуулагдсан Холбооны цомын тэмцээнд оролцсон үндсэн 6 тоглогчийн 2 тоглогч талбай дээр байж болно. Бусад замен буюу сэлгээний тоглогчид шууд оролцох эрхтэй. Үндсэн хоёр тоглогчийн нэг тоглогч нь өндрийн тоглогч байна. Нэг тоглогч нь голын хаагч буюу нам хагасын тоглогч байна. Үндсэн 6-д тоглосон холбон тоглогч багт орох бол өндрийн тоглогчийн оронд байж болно. Бусад оролцогчдын хувьд нээлттэй. “B” зэрэглэлийн тэмцээн учраас шалгуур нь өрсөлдөхүйц хэмжээний баг байх заавартай байгаа. Манай тэмцээнд 35 наснаас дээш туршлагатай мастеруудаа хүндэлж оролцуулдаг уламжлалтай.

-Энэ удаагийн тэмцээнд нийт хэдэн баг оролцох вэ?

-18 багийн 200 гаруй тамирчин оролцоно. Оролцох багууд бүгд гадна, дотны легонер тамирчдаас бүрдсэн байна лээ. Тэгэхээр тоглолт бүр сонирхолтой, өрсөлдөөнтэй болно гэсэн үг.

-Танайхаас зохион байгуулдаг тэмцээнүүд бусад тэмцээнүүдээс юугаараа давуу талтай юм бол. Тамирчдад ямар боломж олгодог вэ?

-МВЗХ-ноос уламжлал болгон зохион байгуулдаг “D”, “C” зэрэглэлийн улсын аварга шалгаруулах тэмцээнүүд зохиогдож эхэлснээсээ хойш маш олон хүнийг хамарч чадсан тэр дундаа хөдөө орон нутгаас Ховд, Завхан, Өмнөговь, Хөвсгөл, Булган, Төв, Говьсүмбэр, Дорноговь, Дархан, Баянхонгор, Архангай, Өвөрхангай, Сүхбаатар, Сэлэнгэ гэх мэт маш олон аймгийн баг тамирчид зорин ирж оролцдогоороо онцлогтой юм байна. Хөдөө орон нутагт сайн тамирчид маш их байна. Тэд боломж байна гэдгийг мэдэрсэн Баянхонгор аймгийн баг С зэрэглэлд Мөнгөн медаль авсан, Д зэрэглэлд Ховд Эрдэнэт гээд ихэвчлэн орон нутгаас оролцож байгаа багууд медальд байранд шалгарч байна. Манайхаас зохион байгуулж байгаа тэмцээн уралдааны гол зорилго нь сонирхогчоос мэргэжлийн тамирчид ангилал бүртээ тэмцээн уралдаантай байх бодлогыг баримтлан ажиллаж байна.

-A, B, C, D зэрэглэлийн тэмцээнүүдийг зохион байгуулж эхэлснээс хойш тамирчдын ур чадварт ямар өөрчлөлт гарч байна?

-Тамирчдын ур чадвар эрс дээшилсэн. Оролцох багийн тоо нэмэгдсэн, Өрсөлдөөн ч нэмэгдсэн, Нэг баг дараалан 3 удаа түрүүлэх нөхцөлийг тэмцээнд оролцож байгаа тамирчид багуудад олгохгүй байгаа нь өрсөлдөөн их байгаагийн шинж. Нэмж хэлэхэд А зэрэглэлд тоглож байгаа тамирчдын зарим нь тэр хэмжээндээ хүрэх болоогүй тамирчид байдаг энэ нь юу гэсэн үг вэ гэхээр зэрэглэл тогтоосон тэмцээнгүй болохоор замбараагүй орж ирж байгаа юм. Бид энэ байдлыг арилгах ёстой. Ингэснээр тэмцээн чанартай бол үзэгчдээ хүндэл буй хэрэг юм.

-Та Монголын волейболын спортын ирээдүйг ямар байгаасай гэж хүсч байна вэ?

-Монголын Волейболын тамирчид юунд хүрэх нь ойлгомжтой байгаасай гэж хүсч байна. Бүх шатанд хөгжөөсэй гэж хүсдэг. Доороос төрөн гарч ирэх тамирчдыг маш олон болгомоор байна. Багш дасгалжуулагчдыг зэрэглэл бүрт нь ур чадварыг нь сайжруулах, дотоодын өрсөлдөх чадвар сайжраасай гэж л хүсч байна.

-Тийм болоход хэдий хэр хугацаа шаардах вэ?

-Зөв баг ажиллавал маш хурдан хөгжих боломжтой.

Т.Гэрэл

 

 

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Сэтгэгдэл бичих

Шинэ мэдээ

Баяр баясгалан, ажлын амжилт, сэтгэл ханамжийг авч ирнэ2 минут 27 секундын өмнөОУХМ боксчин Ж.Отгонжаргал БНСУ-д бусдад зодуулж, биеийн байдал нь хүнд байна3 минут 23 секундын өмнөМодель Амгаа жүжигчин Бямбаатай учир ургуулсан уу7 минут 19 секундын өмнөТрампад зүтгэх болсон Хоуп Хикс гэж хэн бэ12 минут 37 секундын өмнө13 жилийн өмнө гээсэн бөгжөө луувангийн ачаар олжээ16 минут 37 секундын өмнөУсайн Болт хөлбөмбөгт хүч үзэх үү?23 минут 3 секундын өмнөБ.Обамагийн жиргээ дээд амжилт тогтоов28 минут 35 секундын өмнөУлаанчулуутын хогийн цэгийг битүүмжиллээ32 минут 4 секундын өмнөМонголыг мөхөөх таван өгөөшийн арга36 минут 49 секундын өмнөАНХААР: Амь шигээ хайрладаг үр тань, амиа хорлох талаар бодож байгаа юм биш биз37 минут 22 секундын өмнө“Галт шорон” зоогийн газар38 минут 49 секундын өмнө10 мянга орчим сурагч гурван ээлжээр хичээллэнэ43 минут 51 секундын өмнөИрэх сарын нэгэнд хүлээлгэн өгөх зам засварын ажлын гүйцэтгэл дуусчээ45 минут 25 секундын өмнөБ.Хангай Япон улсын Парламентын дээд танхимаас зохион байгуулсан тэмцээнд түрүүлжээ50 минут 19 секундын өмнөШ.Алтанбагана "Цагдаагийн олимп"-ийн наадмын рекорд амжилтыг эвдлээ54 минут 56 секундын өмнөУдирдах Зөвлөлийн хурал дээр У.Хүрэлсүх буулт хийжээ1 цаг 1 минутын өмнөД.Лүндээжанцан: Үндсэн хуулийн өөрчлөлтийг Ард нийтийн санал асуулгаар шийдвэрлэнэ1 цаг 6 минутын өмнөӨнөөдөр цахилгаан шугам тоноглолд засвар үйлчилгээ хийх хуваарь1 цаг 10 минутын өмнөШуурайн Солонго: Цооногт1 цаг 13 минутын өмнөНэймарын шинэ хамгаалагч1 цаг 16 минутын өмнөШэрон Стоун эрс өөрчлөгдөв1 цаг 22 минутын өмнөЗасгийн газрын ээлжит хуралдаан 11.00 цагаас болно1 цаг 26 минутын өмнөМ.Шарапова-д US Open-д оролцох эрх олгожээ1 цаг 33 минутын өмнөЗүүн гар тийш эргэх хөдөлгөөнийг зөв "залж" болно1 цаг 43 минутын өмнөТэнгэр аргадаж, нутгийнхныг царайлчилсан нүүдлийнхэн1 цаг 53 минутын өмнө"Эмнэг сургагч" баримлыг бүтээсний 70 жилийн ой тохиож байна2 цаг 3 минутын өмнөСХД-ийн 22-р хороо хоёр шинэ цэцэрлэгтэй боллоо2 цаг 13 минутын өмнөҮс шинээр үргээлгэх буюу засуулахад тохиромжгүй2 цаг 23 минутын өмнөУлаанбаатарт өдөртөө 26 хэм дулаан байна2 цаг 33 минутын өмнөМАН-ын УЗ-ийн хурлаас сонгуулийн үр дүнд үнэлэлт өгөх ажлын хэсэг байгуулав8 сар 16. 21:58
© 2008 - 2017 он. Зохиогчийн эрх хуулиар хамгаалагдсан. "ЭДИМVVН" ХХК.