1-р сарын 9
13 цаг 55 минут

"iPhone" 10 нас хүрлээ

ЛАС-ВЕГАС. /Nikkei/. Америкийн “Apple” компанийг үүсгэн байгуулагч Стив Жобс одоогоос яг 10 жилийн өмнө буюу 2007 оны нэгдүгээр сарын 9-нд “iPhone” ухаалаг гар утсыг дэлхий дахинд танилцуулж байлаа.

Анхандаа “iPhone”-ийг хүмүүс үл ойшоож байсан хэдий ч энэ бүтээгдэхүүн өнөөдөр хүмүүсийн амьдралын салшгүй нэгэн хэсэг болж, бусад компаниуд ч ухаалаг гар утас үйлдвэрлэж эхэлсэн билээ. Энэ бүтээгдэхүүн дэлхий ертөнцийг шинэлэг санаануудаараа өөрчилсөн гэж хэлэхэд болно. Одоогийн байдлаар, нэг тэрбум гаруй ширхэг “iPhone”-г хүмүүс ашиглаж байна.

iPhone: Дэлхийг өөрчилсөн 10 арга зам 

1. GPS

Утсанд GPS суулгахаас өмнө бид газрын зураг олох эсвэл танихгүй хэн нэгнээс зам асуух хэрэгтэй болдог байлаа. Бүр муу зүйл ч тохиолдож магадгүй байв. Эхэндээ “iPhone” байршил тогтоох үйлчилгээгүй байсан боловч үйлдвэрлэгдсэний дараа жил нь буюу 2008 онд "iPhone 3G" үйлчилгээг нэвтрүүлсэн юм. 

2. Урсдаг зурвас

Өөр хүн рүү бичсэн мессэж болон өөрийнхөө бичсэн мессэжийг нэг цонхон дээр харна гэдэг нь “iPhone” гарахаас өмнө боломжгүй зүйл байв. Бидний өөр хүн рүү бичсэн мессэжүүд цэсэн дотор тусгай файл болж хадгалагддаг байлаа. Бид өмнө нь бичсэн мессэж эсвэл хэн нэгэн рүү илгээсэн мессэжээ уншихын тулд тухайн цэс рүү буцаж орох хэрэгтэй болдог байсныг та бүхэн санаж байна уу?

Дэлгэцэн дээр бүх текстэн мессэжийг харуулах нь цаг завыг хэмнэсэн төгс шийдлүүдийн нэг гэдэгтэй маргах хүн үгүй биз ээ.

3. Сэлфи

Сэлфи буюу өөрийнхөө зургийг авах хэв маягт үнэлгээ өгөх боломжийг танд үлдээе! Гэхдээ ухаалаг гар утасны нүүрэн дээрх камераар  “сэлфидэх” нь яах аргагүй нийгмийг хамарсан үзэгдэл болоод байна.

2003 оны эхээр гар утаснууд нүүрний камертай болсон. Тэр үед "iPhone4"  нүүрний камертайгаар худалдаанд гарсан юм. Хүмүүс энэ камерыг дүрсээ хараад утсаар ярихад зориулагдсан гэж бодож байсан байх.

Гэвч удалгүй сэлфи моодонд орж, түүнийг зураг авах бусад шийдлээс хамгийн шилдэг нь гэж үзэх болсон билээ.

4. Цэнэгээ нэг хоног барина

Бүхэл өдөржингөө Snake /могой/ тоглосон ч таны хуучин Nokia наад зах тав хоног цэнэгээ барьдаг байсныг та санаж байна уу? Харин одооны гар утаснууд ийм олон хоногоор цэнэгээ барина гэдэг бол бараг боломжгүй.

Мэдрэгчийн өгөгдлүүд болон ухаалаг гар утасны ажиллах процесс нь батарейг байнгын ачаалалтай байлгадаг байна.

"iPhone"-ыг танилцуулснаас хойш 10 жил өнгөрөөд байгаа энэ үед ч мөн адил гар утасны зай цэнэгээ удаан барина гэдэг боломжгүй. Зураг авах, утсаар ярих, GPS ашиглах гээд бүхий л үйлдлийг хийх явцад утасны цэнэг секунд тутамд тодорхой хэмжээгээр барагдаж байдаг юм.

5. Гар утсыг ашиглан зөвхөн ярьдаг гэсэн ойлголтыг таягдан хаясан

Гар утас, ер нь бүх утсан харилцуурыг ярихад л ашигладаг байлаа. Харин одоо бол огт өөр. Бид гар утсаар бие биетэйгээ утсаар ярихаас гадна мессэж бичиж, Твиттер зэрэг нийгмийн сүлжээгээр аялж байна.

2015 онд хийсэн нэгэн судалгааны тайланд “ухаалаг гар утас хэрэглэгчдийн дөрөвний нэг нь өнгөрсөн долоо хоногт утсаар яриагүй” гэжээ. Дуут шуудангийн тухай дурсахын ч хэрэггүй. Энэ үйлчилгээний эрин үе аль хэдийн өнгөрсөн.

6. Автомат залруулагч

Мэдрэгчтэй дэлгэцийн ачаар бид алдаагаа засахын тулд заавал товчлуур дээр дарах шаардлагагүй болсон. Өөрөөр хэлбэл, бидний алдааг автоматаар засдаг болсон билээ.

Автомат залруулагч нь хүн биш учраас алдаа гаргах нь мэдээж. Гэхдээ байнга биш.

Мессэжний алдааг залруулснаа харуулдаг программаа “Apple” патентжуулаад байна.

7. Таавар таалгах, мэтгэлзэх нь үеэ өнгөрөөсөн

Та хэзээ ч, хаана ч ямар нэгэн асуултын хариултыг мэдэхгүй байвал утсаа шүүрэн аваад хариултыг нь олох боломжтой. Юуг ч лавлан асууж болно. Галт тэрэгний цагийн хуваарь, үгийн утга ... г.м. Түүнд мэдэхгүй зүйл гэж үгүй.

8. Томруулах

Ямар нэгэн зүйл хийхэд дэлгэц нь хэтэрхий жижиг мэт санагддаг байсан нь “iPhone” гарахаас өмнө гар утас хэрэглэгчдэд тохиолддог байсан түгээмэл асуудлуудын нэг юм. Энэ асуудлыг “zoom”-ын тусламжтайгаар шийдвэрлэх боломжийг “Apple” танд олголоо.

9. Аппликейшн

Одоогоос 10 жилийн өмнө гарч ирсэн “аппликейшн” гэдэг энэ үг хэдэн арван тэрбум долларын бизнесийг бий болгожээ.

“iPhone”-ы амжилт нь аппликейшнтэй салшгүй холбоотой. Мөн аппликейшн нь  “Instagram”-аас эхлүүлээд “Uber” хүртэлх хэдэн зуун томоохон компаниуд үүсэн бий болоход чухал нөлөө үзүүлсэн гэхэд хилсдэхгүй.

“App Store”-ыг анх 2008 онд “iPhone 3G” дээр суурилуулжээ. Одоо “App Store”-т 2 сая гаруй аппликейшн байна. Өнгөрсөн онд хэрэглэгчид iOS аппликейшнд 23 тэрбум доллар зарцуулжээ.

10. iPod-ын мөхөл

“iPhone”-оос өмнө бид mp3 тоглуулагч, гар утас, дижитал камер хэрэглэж байлаа.  Харин энэ бүгдийг орлох “iPod"-ыг "Apple” компани 2009 онд худалдаанд гаргаж, 55 сая ширхгийг борлуулж байв.

Харин одоо нэг “iPhone” зарагдахад нэг  "iPod" хэрэглээнээс гарч байна.

Гэхдээ “Apple” компани “iPod”-оо борлуулсаар байгаа хэдий ч сүүлийн жилүүдэд огт шинэчлээгүй юм.

Г.Доржханд Эх сурвалж: МОНЦАМЭ

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Сэтгэгдэл бичих

Шинэ мэдээ

М. Цэрэндолгор (Rihanna & Eminem- Love the Way you Lie)5 минут 8 секундын өмнөЧ. Очгэрэл (Mary J. Blige- Family Affair)10 минут 8 секундын өмнөЦ. Тэмүүлэн (Тэнгэр- Би Монгол хүн)15 минут 8 секундын өмнөБейонсе 850 мянган доллараар сүм худалдаж авчээ20 минут 8 секундын өмнөИракийн парламентын сонгуульд Ас-Садрын удирдсан эвсэл ялжээ25 минут 8 секундын өмнөДАШТ-2018-ын үеэр таксины үнийг хянана30 минут 8 секундын өмнөШХАБ-ын 3 дахь марафон гүйлт 12 дугаар сард болно35 минут 8 секундын өмнөLG группын захирал Ку Бон Му таалал төгсчээ40 минут 8 секундын өмнөӨнөөдөр болох үйл явдлууд45 минут 8 секундын өмнө“Эдийн засгийн форум-2018” Төрийн ордонд өнөөдөр эхэлнэ50 минут 8 секундын өмнөӨнөөдөр цахилгаан шугам тоноглолд засвар үйлчилгээ хийх хуваарь55 минут 8 секундын өмнөО. Тэмүүжин (Andrea Bocelli- Time to say Goodbye)1 цаг 1 минутын өмнөБ. Нацагдорж (Д. Жаргалсайхан- Чингисийн баатрууд)1 цаг 6 минутын өмнөЖүжигчин Нарансолонго: Энхрийлэлд минь удаан жаргаарай1 цаг 11 минутын өмнөЖ. Энэрэл (Alicia Keys- If I ain't got you)1 цаг 16 минутын өмнөО. Билгүүн (Tarkan- Dudu)1 цаг 21 минутын өмнөГ. Сүндэрмаа (Jessie J- Bang Bang)1 цаг 26 минутын өмнөУИХ дахь намын бүлэг, ажлын хэсгүүдийн хуралдаан болно1 цаг 36 минутын өмнөЭнэ өдрийн зурхай1 цаг 46 минутын өмнөЦаг агаарын аюултай үзэгдлээс сэрэмжлүүлэх мэдээ1 цаг 56 минутын өмнөМаурис Слапак: Монгол эмч нарын хүнээ гэсэн сэтгэл, хариуцлагатай чанар нь сэтгэгдэл төрүүлсэн2 цаг 26 минутын өмнөАялал жуулчлалын нөөц бололцоог хөгжүүлэхийн тулд нэгдсэн цахим сүлжээ байгуулна5 сар 20. 15:00Японы Ерөнхий сайд Шинзо Абэ Орост айлчилна5 сар 20. 14:55Автомат жолоодлоготой “DEVBOT” автомашины мэргэжлийн нисгэгч Райн Таэрктай уралджээ5 сар 20. 14:50Мэргэжлээ хэрхэн сонгох вэ5 сар 20. 14:45Шакил О’Нил Супермэнтэй харшаа худалджээ5 сар 20. 14:40“Wi-Fi” төхөөрөмжийг яагаад шөнө унтраах хэрэгтэй вэ5 сар 20. 14:35Хаврын тариалалт талдаа орлоо5 сар 20. 14:30Женнифер Энистон АНУ-ын ерөнхийлөгч болж, эмэгтэй хүнтэй гэрлэнэ5 сар 20. 14:25Эссэн таргаар үснийхээ өнгийг сэргээж болно5 сар 20. 14:20
© 2008 - 2018 он. Зохиогчийн эрх хуулиар хамгаалагдсан.