1-р сарын 11
8 цаг 18 минут

БОАЖЯ: Халдварт мялзан бусад амьтанд халдварлаж болзошгүй байна

Ховд, Говь-Алтай аймгийн зарим сумдад мялзан өвчин бөхөнд олноор халдварласан асуудалд БОАЖЯ онцгой анхаарал хандуулан , бөхөнгийн сүраг нутаглаж байгаа Монгол элсний болон Хар ус нуурын байгалийн цогцолбор газрын удирдлагад зөвлөмж, чиглэл хүргүүлээд байна. Уг зөвлөмжид халдварт мялзан өвчний шинж тэмдгээр бөхөн өвчилсөн голомтын хилийг тогтоож сэжигтэй, хязгаарлалтын эрүүл бүсүүдийг яаралтай тогтоож газрын зурагт оруулахыг чиглэл өгөв. Мөн халдварт мялзан өвчний голомтын бүсүүдэд өвчилж үхсэн бөхөнгийн тоо толгойг нарийн тогтоох, голомтын болон хязгаарлалтын бүсийн бэлчээр дэх малын бууцыг ариутган халдваргүйжүүлэх, өвчний шинж тэмдэг баттай илэрсэн амьтныг устгаж заазлах арга хэмжээг авахыг зөвлөсөн байна. Түүнчлэн заазалсан амьтан болгонд акт үйлдэж баримтжуулах, үхсэн, хорогдсон амьтны сэг зэмийг булаг шанд, нуур, цөөрөм, худаг зэрэгт уст цэг, малын бууцнаас хол зайтай тодорхой нэг гэзэрт тогтоож, халдваргүйжүүлэн булшлах арга хэмжээг авахыг зөвлөмжид тусгаад байна. Газрын хөрс, өвсийг ариутгах арга хэмжээг авах, халдварт мялзан өвчнөөр үхсэн бөхөн болон бусад амьтдын эд эрхтэнг салгаж авах, тээвэрлэх, бусдад дамжуулах, худалдаалахгүй байх талаар иргэдэд урьдчилан сэргийлэх сурталчилгаа хийж, хяналт тавих, мэдээллийг хүргэх шаардлагатайг ч зөвлөмжид тусгалаа. Ард иргэдийг болон холбогдох төрийн байгууллагуудыг цаг тухай бүр шуурхай мэдээллээр хангах асуудлыг мөн чиглэл болгоод байна. Цаашид уг халдварт өвчин бусад амьтанд халдварлаж болзошгүй тул өвчний шинж тэмдэг баттай илэрсэн, цаашид амьдрах чадваргүй болсон бөхөнг устгаж заазлах арга хэмжээг ч авах асуудлыг ярьж байна. Монгол бөхөнд мялзан өвчин бог малаас халдварласан гэдгийг Улсын мал эмнэлэг, ариун цэврийн төв лаборатори тогтоосон.

Өнөөдрийн байдлаар БОАЖЯ, Мэргэжлийн хяналт, Онцгой байдлын газар, “Дэлхийн байгаль хамгаалах сан”, орон нутгийн засаг захиргаа болон орон нутгийн иргэд хамтран ажлын хэсэг байгуулан ажиллаж байна. Ажлын хэсэг үхсэн бөхөнгүүдийн сэг зэмийг цуглуулж устган, ариутгал халдваргүйжүүлэлт хийж байгаа юм.

Нэгдүгээр сарын 9-ний өдрийн байдлаар зөвхөн Ховд аймгийн Чандмань, Дарви сумаас л гэхэд 330 орчим бөхөнгийн сэг зэмийг цуглуулан устгаж ариутгал хийсэн гэх мэдээллийг ажлын хэсэг өглөө. Мялзан өвчний халдвар авсан мал, амьтан ханиах, найтаах үед нян нь гадагшилж, агаар дуслаар бусад амьтдад халдварладаг. Халдвар авсан мал, амьтан 5-10 өдрийн дотор доройтож үхдэг байна.

Дэлхийд цор ганц манай улсад байдаг учраас Монгол бөхөн хэмээн тодотгодог бөхөнгийн тархац нутаг нь манай орны баруун хэсэг тэр дундаа Говь-Алтай, Ховдын нутгууд юм гэж БОАЖЯ-ны Хэвлэл мэдээллийн албанаас мэдээллээ.

 

1
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

1 сэтгэгдэлСэтгэгдэл бичих

202.21.116.2Зочин   • 1 сарын 11. 8 цаг 48 минут

Зандаахүүгийн Энхболдын 1998 онд устгасан монголын мал эмнэлэг дахин сэргэж, хөгжихгүй л бол бөхөн байтугай бүгд ч үхэж мэднэ. ЭНЭ БОЛ АЮУЛ. ардчилагчдын балаг, Ардчилагчид МОНГОЛД мөн ч их гай тарьж байна даа.

Шинэ мэдээ

”Ливерпүүл” сенсаац дэгдээх үү?7 минут 11 секундын өмнөЦ.ШИЖИР: “Иргэдийн ухамсар-Эрүүл хоггүй орчин” аян есдүгээр сарын 1 хүртэл үргэлжилнэ13 минут 25 секундын өмнөНэймар багтаа үлдлээ17 минут 35 секундын өмнөМонголын хамгийн хамгийн /Цуврал-1/27 минут 30 секундын өмнөОнгоцны аваарын гарцыг нээхээр оролдсон эрийг баривчилжээ37 минут 49 секундын өмнөТэмцээнд анх удаагаа оролцсон залуу дэлхийн аварга боллоо57 минут 43 секундын өмнөГ.Оргил: Гадаадын иргэд ямар ч тохиолдолд өөрийн бичиг баримтаа биедээ авч явах үүрэгтэй1 цаг 3 минутын өмнөЗагвар өмсөгч Кара Делевинь анхны дуугаа гаргажээ1 цаг 8 минутын өмнөБороонд норохсон, болзоонд зогсохсон1 цаг 18 минутын өмнөТом оврын 102 автобусанд сэрэмжлүүлэг байршуулжээ1 цаг 19 минутын өмнө100 дахь хором1 цаг 28 минутын өмнөЗураг түүх өгүүлнэ1 цаг 38 минутын өмнөУлсын цолтой бөхчүүдийн эрэмбэтэй танилцаарай1 цаг 42 минутын өмнөШвейцарын уулсыг чимсэн монгол гэр /фото/1 цаг 43 минутын өмнөН.Энхбаяр: Валютын сан дөрвөн зүйлийг анхааралтай ажиглаж байгаа. Хэрвээ...1 цаг 54 минутын өмнөТөвийн бүсийн хурдан морины уралдаан болно2 цаг 1 минутын өмнөХоолоо сойхгүйгээр богинохон хугацаанд хэрхэн жингээ хасах вэ?2 цаг 8 минутын өмнөЦаг хожих аргууд2 цаг 13 минутын өмнө"Хөгжлийн банк хариуцлагатай хяналттай болсон"2 цаг 13 минутын өмнөБи нутгаасаа явахгүй2 цаг 23 минутын өмнө16 түймрийг бүрэн унтраагаад байна2 цаг 32 минутын өмнөНисэх онгоцны сүйрлээс амьд гарсан охин2 цаг 38 минутын өмнөТөрсний дараах гам барих монгол ёс2 цаг 38 минутын өмнөАялагчдийн мөрөөдөл болсон үүлэн дундах хот2 цаг 46 минутын өмнөХоёр сартай хүүгийн үхэлд буруутган нэгэн хосыг баривчилжээ2 цаг 58 минутын өмнөЕрөнхийлөгчийн Тамгын газрын дэд дарга хэн  бэ3 цагийн өмнөӨвдөгний үений өвчинг гэрийн нөхцөлд эмчлэх арга3 цаг 8 минутын өмнөВенесуэлийн Дээд шүүхийн бүх гишүүнийг шоронд хийнэ3 цаг 18 минутын өмнөЗочины өрөөндөө хүнд ширээ битгий тавиарай. Учир нь...3 цаг 28 минутын өмнөЦэцэрлэгийн хүүхдүүдийн цахим бүртгэл өнөөдөр эхэлнэ3 цаг 36 минутын өмнө
© 2008 - 2017 он. Зохиогчийн эрх хуулиар хамгаалагдсан. "ЭДИМVVН" ХХК.