2017 оны 2-р сарын 13
17 цаг 45 минут

Луу бүтээгч Кэйсүкэ Тэшима Кёкшүзан Батбаярт дөрвөн хүчтэний нэг лууг аравнайлан зурж бэлэглэлээ

 
Дорно дахины ард түмэн, тэр дундаа нүүдэлчин Монголчууд лууг эртнээс тэнгэрийн амьтан хэмээн эрхэмлэн дээдэлж ирсэн уламжлалтай. Тэрхүү бэлгэдлийн амьтныг дүрслэх урлагийн Буддист арга ухаанаар зурж бүтээдэг зураач Кэйсүкэ Тэшима өнөөдөр Япон Монголын найрамдалт харилцааны гүүр болсон Кёкшүзан Батбаярт зориулан лууг аравнайлан зурж бэлэглэлээ. Тэрбээр, зөвхөн луу зурдаг бөгөөд бийрийн нэг л таталбараар лууны их биеийг дүрсэлдэгээрээ алдартай нэгэн юм. Луу зурахдаа бийрийн зураасаа таслалгүй, нэг таталбараар гүйцэтгэх нь луу бөгөөд хүн хоёрын дунд амьд холбоо бий болгож, тэдний дунд үүрдийн хувь заяа бий болгож байгаа бэлгэдэлтэй аж.

Тус арга хэмжээний үеэр бид Монголын сумо бөхийн холбооны ерөнхийлөгч Кёкшүзан Батбаяртай цөөн хором ярилцлаа.

-Монголчуудын дөрвөн хүчтэний нэг гэж эрхэмлэн дээдэлдэг лууг таньд зурж өгч хүндэтгэл үзүүллээ. Сэтгэгдлээсээ хуваалцахгүй юу?

-Мэдээж сэтгэгдэл маш өндөр байна. Дэлхийд алдартай зураач өөрийн биеэр Монголд ирээд надад зориулан зураг зурж өгсөнд маш их баяртай байна. Би анх удаа энэ хүнтэй уулзаж байна. 2-3 хан хоногийн өмнө надруу яриад таньд зураг гардуулж өгөх гэсэн юм гэж хэлсэн. Кэйсүкэ Тэшима анх дэлхийн аварга шалгаруулах тэмцээнийг телевизээр хараад Монгол улсад сумог ингэж хүндэлж, ингэж хайрладаг юм байна гэж бодоод Монголд очно, очихдоо Кёкшүзан Батбаяртай уулзаж зургаа зурж өгнө гэж бодсон юм байна лээ. Тэр утгаараа өнөөдөр Монголд ирээд надад энэ сайхан зургийг зурж өглөө.

-Дөнгөж сая таниас зурган дээр бичих үгийг асууж байсан. Та ямар үг бичүүлсэн бэ?

-Нарнаас гарч байгаа Луу учраас би дээр нь Кёкшүзан гэдэг үгийг бичүүлсэн. Кёкшүзан гэдэг нь нар гэсэн утгатай ханз байдаг. Тиймээс би Нар гэсэн ханзыг бичүүллээ.

Харин дараа нь бид Луу бүтээгч Кэйсүкэ Тэшимагаас цөөн асуултад хариулт авсан юм.

-Лууг зурахдаа бийрээ салгахгүйгээр зурдаг тэрхүү аргачлалынхаа талаар та дэлгэрэнгүй ярьж болох уу?

-Луу зурахдаа бийрийн зураасаа таслалгүй, нэг таталбараар гүйцэтгэх нь луу бөгөөд хүн хоёрын дунд амьд холбоо бий болгож, тэдний дунд үүрдийн хувь заяа бий болгож байгаа бэлгэдэлтэй юм л даа. Бийрийн үзүүрээс минь төрөн гарсан луу заримдаа хүчтэй, ширүүн дүр төрхийг ч гаргаж мэднэ. Би зургийн энэ техникийг сурах гэж гурван жилийн турш бие даан суралцсаны эцэст одоогийн амжилтандаа хүрч чадсан.

-Луу таны хувьд ямар утга учиртай амьтан бэ?

-Би луу зурахдаа өөрийн бүтээлээрээ дамжуулан өвөг дээдсээс уламжлагдан ирсэн түүхээ өнөө цаг үетэй уялдуулан холбож, хүмүүст илүү ойр байгаасай гэж хандаж хийдэг. Тиймээс луу миний хувьд өөрийн өв соёлоо Япон улсдаа ч, гадаадын орнуудад ч таниулах гол зүйл минь юм. 

-Таныг зургаа Буддист арга барилаар бүтээдэг гэж хэвлэлүүдэд бичсэн байсан. Энэ нь юуг хэлж байгаа юм бол?

-Буддист арга барил гэдэг нь хүмүүсийг аливаа сөрөг муу зүйлээс хамгаалах сахиус болог гэж лууг аравнайлж зурдаг тэр онцлогийг хэлж байгаа юм. Сонирхуулж хэлэхэд Япон улсын газрын зураг лууны дүрстэй их ижил харагддаг. Бид эрт дээр үеэс л байгаль дэлхийг арвин ургац өгөөсэй гэж гуйж, аливаа үйл хэрэг маань үр өгөөжтэй бүтээсэй гэж лууг сахиус болгон тахиж, шүтдэг байсан. Яг л түүнтэй адилаар би хүмүүст жинхэнэ сахиус болж чадах луу бүтээх гэж зургаа аравнайлж бүтээдэг. Хүмүүс лууг өөрийн хамгаалагч хэмээн итгэн, бэлгэшээж чадвал тэр хүний аз хийморь гийнэ гэдэг. Ерөнхийдөө луу дээшээ болон доошоо харсан дүрслэл нь хоёр өөр утга, бэлгэдэлтэй. Өөдөө тэмүүлсэн луу ажил хэрэг бүтэх, аз хийморь дуудах агуулгатай байдаг бол уруу харсан луу нь эзнээ сөрөг энерги, хар цагаан хэл амнаас хамгаалах сахиус болно гэж үздэг. 

 

 

 

 

 


 

 
 
0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Хаитигийн эрх баригчид АНУ-аас хүнсний тусламж хүсжээ10 сар 22. 18:00Хүүхдээ төрүүлэхдээ л жирэмсэнээ мэджээ10 сар 22. 17:55Хэдхэн минутын дотор унтах цэргүүдийн арга10 сар 22. 17:50“Hyundai” автомат жолоодлоготой, цахилгаан хөдөлгүүртэй автомашинууд үйлдвэрлэнэ10 сар 22. 17:45Намар-өвөл 2019 трендүүд10 сар 22. 17:40Хүйтний улиралд нүүрээ хэрхэн арчлах вэ10 сар 22. 17:35Нисдэг цахилгаан такси10 сар 22. 17:3070 нас хүрсэн Арсен Венгерийн амьдралын дүрэм10 сар 22. 17:25“Maleficent” шилдэг кинонуудын жагсаалтыг тэргүүлжээ10 сар 22. 17:20Тайландын хаан хатны байр сууринд санаархсан бага эхнэрийнхээ цол тэмдгийг хураав10 сар 22. 17:15Намар болсныг илтгэх найман зүйл10 сар 22. 17:10Британийн олон хүүхэдтэй эх 22 дахь хүүхдээ төрүүлэхээр зэхэж байна10 сар 22. 17:05Парис 2024 оны Олимпийн логог танилцууллаа10 сар 22. 17:00Цагаан ордонд сэтгүүлчийн дээрээс хулгана унажээ10 сар 22. 16:55Өмнөд Солонгосын 10-16 насны хүүхдийн 30 хувь нь ухаалаг утаснаас хэт их хамааралтай10 сар 22. 16:50Тайландын хаан хатны байр сууринд санаархсан бага эхнэрийнхээ цол тэмдгийг хураав10 сар 22. 16:45“БНСУ-д сэтгүүлч шийтгүүлэх тохиолдол гурван жилд нэг удаа л гардаг”10 сар 22. 16:40Зимбабвегийн 55 заан үхжээ10 сар 22. 16:35“Уран жиргээ”-д оролцогч хүүхдүүдийн тоо нэмэгджээ10 сар 22. 16:30Та аугаа хүн болох чадвараа олсон уу10 сар 22. 16:25Махидевран хатны бодит түүхээс10 сар 22. 16:20“Сэгс цагаан богд” найраглалд Гэрэлт хөшөө босголоо10 сар 22. 16:15Цукерберг: АНУ-ын сонгуульд ОХУ, Иран, БНХАУ нөлөөлөхийг оролдож байна10 сар 22. 16:10Цаг агаарын аюултай үзэгдлээс сэрэмжлүүлж байна10 сар 22. 16:07М.Горбачёв: Хүйтэн дайн бүгдийнх нь ялалтаар дууссан10 сар 22. 16:05Ил задгай үнс нурам асгахгүй байхыг анхааруулж байна10 сар 22. 16:00Орост ам.долларын тэрбумтнуудын тоо нэмэгджээ10 сар 22. 15:55Дуншиж дуншиж хэвлэгдсэн сурах бичиг алдаатай  байжээ10 сар 22. 15:52“Дураараа биш ээ Дүрмээрээ” аяны хүрээнд зам тээврийн осол 16.3 хувиар буурчээ10 сар 22. 15:50Нью-Йоркоос Сидней хүртэлх шууд нислэгийн туршилт амжилттай боллоо10 сар 22. 15:45
© 2008 - 2019 он. Зохиогчийн эрх хуулиар хамгаалагдсан.