2-р сарын 16
13 цаг 46 минут

Л.Амармөрөн: Цагдаагийн эргүүл гэр хороолол руу чиглэн үүрэг гүйцэтгэж байна

Сар шинийн баяр болоход 10 гаруйхан хоногийн хугацаа үлдлээ. Баяр болох гэж байгаатай холбогдуулан цагдаагийн байгууллагаас "Сар шинэ" нэгдсэн арга хэмжээг зохион байгуулж байна. Энэ талаар Улаанбаатар хотын Цагдаагийн газрын тасгийн дарга, цагдаагийн дэд хурандаа Л.Амармөрөнтэй ярилцлаа.

-“Сар шинэ” нэгдсэн арга хэмжээний хүрээнд ямар ажлууд өрнөж байна вэ. Гэмт хэргийн дуудлага мэдээлэл буурсан гэсэн мэдээлэл байна.

-Нийслэлийн хэмжээнд “Сар шинэ” нэгдсэн арга хэмжээ өнгөрөгч нэгдүгээр сарын 23-ны өдрөөс эхэлсэн. Энэ хугацаанд гэмт хэргийн дуудлага мэдээлэл 41, согтуугийн дуудлага 51 хувиар буурсан байна, өмнөх оны мөн үетэй харьцуулахад. Өнгөрсөн жил “Сар шинэ” нэгдсэн арга хэмжээг хоёрдугаар сарын эхээр эхлүүлж байсан бол энэ удаа нэгдүгээр сард эхлүүлсэн. Арга хэмжээ эхэлснээс хойш хулгайлах гэмт хэргийн гаралт, хаяг, шошго тодорхойгүй согтууруулах ундаагаар үйлчилж байгаа бөөний, хүнсний дэлгүүр, аж ахуй нэгжүүдэд хяналт, шалгалт хийсэн. Цагдаагийн алба хаагчид 70 гэмт хэрэг ирүүллээ. 61 гэмт хэргийг нь халуун мөрөөр, есыг нь үйлдэл дээр нь таслан зогсоож, илрүүлсэн. Согтууруулах ундаа хэтрүүлэн хэрэглэж гэр орон, нийтийн амгалан иайван байдлыг алдагдуулдсан 165 иргэнийг шүүхийн шийдвэрээр баривчлуулж, 25 иргэнийг албадан эмчилгээнд, 35 хүнийг сайн дурын эмчилгээнд хамруулсан.

-Энэхүү нэгдсэн арга хэмжээ хэдий хугацаанд үргэлжлэх вэ. Цагаан сарын баярын үеэр хулгай, дээрэм, булаалтын хэргээс урьдчилан сэргийлэх чиглэлээр иргэдэд сэрэмжлүүлэг хүргэвэл?

-“Сар шинэ” нэгдсэн арга хэмжээ гуравдугаар сарын 3 буюу Цагаан сарын шинийн 3-ны өдрийг хүртэл үргэлжилнэ. Арга хэмжээний хүрээнд нийслэлийн хэмжээнд 1200 гаруй цагдаагийн алба хаагч үүрэг гүйцэтгэж байна. Тэдний 400 орчим нь нэмэгдлээр үүрэг гүйцэтгэж байгаа цагдаагийн төрөл мэргэжлийн алба хаагчид байгаа юм. Иргэд сар шинийнхээ бэлтгэлийн базаах, худалдаа үйлчилгээний цэгүүдээр үйлчлүүлэхдээ хулгайн гэмт хэргээс урьдчилан сэргийлж, сонор сэрэмж, анхаарал болгоомжтой байж, эд зүйлсээ хулгайд алдахаас сэрэмжлэх хэрэгтэй.

-Арга хэмжээний хүрээнд иргэжд, аж ахуй нэгж, байгууллагуудтай хэрхэн хамтарч ажиллаж байна вэ?

-Цагаан сарын үзэсгэлэн худалдаа явагддаг Аса цирк, Мишээл экспо, МҮЭТСО , Дүнжингарав, Нарантуул, Хүчит шонхор, Хархорин зэрэг худалдааны төвийн орчимд баярын өмнөх амралтын өдрүүдэд хөдөлгөөн эрс нэмэгддэг. Мөн энэ үеэр гэмт хэргийн гаралт нэмэгдэх магадлалтай. Тиймээс иргэд сонор сэрэмжтэй байж, болзошгүй гэмт хэргийн хохирогч болохоос сэргийлэх хэрэгтэй. Цагдаагийн байгууллагаас ч дээрх аж ахуй нэгжүүдтэд, гэмт хэргээс урьдчилан сэргийлэх чиглэлээр албан мэдэгдэл, шаардах хуудас өгч хариуг нь аван үр дүнг тооцон ажиллаж байгаа.

-Эргүүлийн чиглэлийг яаж зохицуулж байгаа вэ?

-Иргэдийн баяртаа зориулж бэлтгэсэн базаасан тавгийн идээ, бууз, баншийг хулгайлах хэргүүд гардаг. Тиймээс иргэд баяртаа бэлтгэсэн идээ, шүүсээ найдвартай газар хадгалах, гэр орноо эзэнгүй орхиж явах үедээ хажуу айлдаа захиж үлдээх, цоож, түгжээгээ чангатгах зэргээр анхаарах шаардлагатай. Цагдаагийн эргүүл, хүн хүчийг гэр хороолол, гудамж руу голчлон гаргаж байгаа. Иргэд өөрсдийн өмч хөрөнгөө найдвартай хамгаалах, хөршийн холбоог идэвхжүүлж, мэдээ, мэдээлэл солилцож, сэжигтэй зүйл илэрвэл нэн даруй цагдаагийн байгууллагад мэдэгдэн хамтарч ажиллахыг хүсэж байна.

-Сар шинийн баярын үеэр согтууруулах ундааны зохистой хэрэглээний талаар иргэдэд сэрэмжлүүлэг өгөөч?

-Баярын үеэр архи, согтууруулах ундааг зохистой, зөв тохируулан хэрэглэх, согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх, бусдын амгалан тайван байдлыг алдагдуулахгүй байх хэрэгтэй. Иргэд та бүхнийгээ уламжлалт баяраа архи, согтууруулах ундаагүй тэмдэглэхийг уриалж байна.

Б.Анир

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Сэтгэгдэл бичих

Шинэ мэдээ

ЮНИСЕФ: 1.4 сая хүүхэд өлсч үхэх эрсдэлд ороод байна2 сар 22. 18:30Хөрөнгө оруулагчид Монголд найдвар тавьсаар байгаагийн гурван шалтгаан2 сар 22. 18:20Роботууд шавьжнаас хурдан гүйнэ2 сар 22. 18:10Шинжааны бүх автомашинд байршил тогтоох төхөөрөмж суулгана2 сар 22. 18:002030 он гэхэд солонгос эмэгтэйчүүдийн дундаж нас 90-ээс давна2 сар 22. 17:5590-ээд оны хамгийн үзэсгэлэнтэй бүсгүйчүүд одоо үед2 сар 22. 17:50Энэтхэг эр минутын дотор 124 ширхэг самар хагалж дээд амжилт тогтоов2 сар 22. 17:47Г.Дэнзэн, Я.Батсуурь нарыг ирэх гуравдугаар сарын 20-нд шүүнэ2 сар 22. 17:43"Аархал" Төрмандах аймгийн алдарт уяач цол хүртлээ2 сар 22. 17:41Найзыгаа би л мэднэ2 сар 22. 17:40Нара сонгуульд өмссөн алдарт хөх дээлээрээ сар шинээр гоёно2 сар 22. 17:39Global Times: Монгол Улс эдийн засгийн шинэчлэл хийхийн тулд БНХАУ-тай харилцаагаа бэхжүүлэх хэрэгтэй2 сар 22. 17:35Тусгай ажиллагааны газрын "Ирвэс" клубын баг дэд байр эзэллээ2 сар 22. 17:32Өргөдлөө өгч амжаагүй ахмадууд “Насны хишиг”-ээ нөхөж авах боломжтой2 сар 22. 17:29Цагаан сараар хаана, юу үзэх вэ2 сар 22. 17:26Т.Ариунаа: Өнгө мөнгөтэй ч өчүүхэн сэтгэлтэй явбал гутамшигтай2 сар 22. 17:20Шувууны томуугийн вирус хувьсан өөрчлөгдсөнийг БНХАУ-ын мэргэжилтнүүд тогтоожээ2 сар 22. 17:17Хөргөгчинд чинь батганы “эмч” байгааг анзаарсан уу2 сар 22. 17:14МУГЖ У.Уранчимэг 45 насандаа нүцгэлж Холливудын ододтой эн зэрэгцлээ!2 сар 22. 17:10Шашин хэмээх "шидтэн" -г ийнхүү тайлбарлажээ2 сар 22. 17:07Трамп 744 цагийг хэрхэн өнгөрүүлэв2 сар 22. 17:04"Азийн хүүхдүүд” өвлийн тоглолт Сахалинд болно2 сар 22. 17:00Словак улсад “Slovexit” болж магадгүй2 сар 22. 16:57Сүнс шүглэсэн нийслэл2 сар 22. 16:54Шатахууныг 30 хувиар хэмнэдэг автомашины дугуйны резин гаргаж авчээ2 сар 22. 16:50Хоккейчид Арабын багт 6:3 харьцаагаар хожигдлоо2 сар 22. 16:45Фэйсбүүк хошигнол: Жи буузны болзоо2 сар 22. 16:41Ким Жөн Намын үхэлтэй холбогдуулан Умард Солонгосын ЭСЯ-ны ажилтныг эрэн сурвалжилж байна2 сар 22. 16:37Хэзээ ч хугацаа нь дуусдаггүй хүнсний бүтээгдэхүүнүүд2 сар 22. 16:34АНУ-ын Байнгын төлөөлөгч ОХУ-ыг шүүмжлэлээр булжээ2 сар 22. 16:30
© -2017 он. Зохиогчийн эрх хуулиар хамгаалагдсан. "ЭДИМVVН" ХХК.