Байгаль орчныг хамгаалах хамтын санаачилга ‘‘Маргаашийн ой’’ төсөл 2 дахь жилдээ амжилттай зохион байгуулагдлаа

Мод тарих үндэсний өдрийг тохиолдуулан БНСУ-ын Emart Inc компанийн санаачилгаар хэрэгжиж буй “Маргаашийн ой” төсөл Монгол Улсад гурав дахь удаагаа буюу хоёр дахь жилдээ зохион байгуулагдлаа.

Энэхүү байгальд ээлтэй санаачилгыг2024 оноос хойш Emart Inc компанийн хөрөнгө оруулалттайгаар Имарт буюу ‘‘Скай Хайпермаркет’’ ХХК, “Future Forest”, Азийн ойн хамтын ажиллагааны байгууллага ‘‘AfoCo’’, "Korean Forest Service", Монгол-Солонгосын “Ногоон хэрэм”-тэй хамтран хэрэгжүүлж байна.

Төслийн зорилго нь  2030 он хүртэл нийтдээ 15,000 мод тарьж ургуулах, Монгол-Солонгосын ‘‘Ногоон хэрэм’’ төслийн III-р шатны хүрээнд хэрэгжиж буй ‘‘Хамтын ойн төгөл’’-д голын татам хэсгийг ойжуулах, Горхи Тэрэлжийн байгалийн цогцолбор газарт усны нөөцийг хамгаалах зорилгоор мод тарьж, төр хувийн хэвшлийн хамтын ажиллагааг нэмэгдүүлэх юм. Үйл ажиллагаанд ‘‘Future Forest’’ төслийн багийн 1 гишүүн, Имартын 50 ажилтан, KMI (Korea Medical Institute) байгууллагын 30 ажилтан сайн дураараа оролцож  салхины хаалт болгох зорилгоор 4.5 га талбайн захаар нийт 400 ш хайлаас, бургас мод тарьж ойжуулах ажилд хувь нэмрээ орууллаа.

Хайлаас болон бургас мод нь ургалт сайтайгаас гадна салхины нөлөөг тэсвэрлэх чадвартай тул хөрсний чийгийг хадгалж бусад ургамлыг өсөлтийг дэмжих ач холбогдолтой юм. Монгол улсын Ерөнхийлөгчийн санаачилсан ''Тэрбум мод’’ үндэсний хөдөлгөөний хүрээнд хэрэгжүүлж буй ‘‘Forest Tomorrow’’ төслийн зорилго нь зөвхөн мод тариад зогсохгүй, мэргэжлийн байгууллагын тусламжтайгаар усалгаа, арчилгааг тогтмол хийж цэцэрлэгжүүлэх, төгөл байгуулах үйл ажиллагааг цогцоор нь хэрэгжүүлж байгаагаараа онцлог юм.