Пара бочигийн шигшээ багийн тамирчин Т.Мөнхдэмбэрэл “World Boccia Challenger 2025” тэмцээнээс МӨНГӨН медаль хүртлээ

Пара бочигийн шигшээ багийн тамирчин Т.Мөнхдэмбэрэл “World Boccia Challenger 2025” тэмцээнээс МӨНГӨН медаль хүртлээ 

Пара бочигийн Үндэсний шигшээ багийн тамирчин, спортын мастер Т.Мөнхдэмбэрэл Австрали улсын Канберра хотноо 2025 оны 11 дүгээр сарын 4-нөөс 10-ны өдрүүдэд зохион байгуулагдсан “World Boccia Challenger 2025” олон улсын тэмцээнд амжилттай оролцож, мөнгөн медаль хүртлээ.

Энэхүү тэмцээнийг Дэлхийн Боччагийн Холбоо (World Boccia Federation) зохион байгуулдаг бөгөөд дэлхийн 25 гаруй улс орны 100 гаруй шилдэг пара тамирчин BC1–BC4 ангиллаар өрсөлддөг хэмээх нэр хүндтэй уралдаан юм.

“World Boccia Challenger” цуврал нь 2028 оны Лос Анжелесийн Паралимпийн наадамд оролцох эрхийн оноо цуглуулах чухал тэмцээнүүдийн нэг юм.

Манай улсаас оролцсон спортын мастер Т.Мөнхдэмбэрэл тэмцээний эрэгтэй BC1 (single BC1) оролцож буй Пара Бочигийн Үндэсний шигшээ багийн тамирчин спортын мастер Т.Мөнхдэмбэрэл алтан медалийн төлөө Сингапур улсын тамирчинд ялагдаж мөнгөн медаль хүртлээ. Тэрбээр хэсэгтээ Тайван, эзэн орон Австралийн тамирчдыг хожиж хэсгээсээ шалгарсан юм.

“World Boccia Challenger 2025” олон улсын тэмцээнээс мөнгөн медаль хүртсэн Т.Мөнхдэмбэрэл нь  Боча спортын Дэлхийн аварга шалгаруулах тэмцээний ХОЁР удаагийн мөнгөн медальт, Монгол Улсын ЗУРГААН удаагийн аварга, спортын мастер зэрэг цолтой юм. 

Тэрбээр тун удахгүй буюу 12 сард Дубай хотноо болох Азийн залуучуудын пара наадамд мөн оролцох билээ.