"Ноорог"-ийн О.Уламсайхан: Хутга байтугай нударга даахгүй гэсэн коммент байна лээ, би нэг ч уйлан дуугаараагүй, дуугарахгүй харин намайг хутгалсан хүн л тэр оройноо уйлагнаад эхэлсэн шүү!

"Ноорог"-ийн гэгддэг О.Уламсайхан бусдад хутгалуулж хүнд гэмтэн, хагалгаа хийлгэж буй талаар бид өмнө нь мэдээлсэн. Түүний хагалгаа амжилттай болсон бөгөөд цахим хуудаснаа тайлбар хийжээ. Тэрбээр,

"Сэтгэлийн хүчээр л давна шүү дээ.

1. Би уйлан дуугарч та нарын бах тавыг хангахгүй. Хутга байтугай нударга даахгүй гэсэн коммент байна лээ, би нэг ч уйлан дуугаараагүй, дуугарахгүй харин намайг хутгалсан хүн л тэр оройноо уйлагнаад эхэлсэн шүү!

2. Ер нь ч өвдөж айхгүй байна, намайг яаж ч хэлсэн, бие махбод сэтгэл зүйгээр гэмтээсэн би нэг их тоохгүй. Би найз охиноо өөд болоход энэнээс хэдэн мянга дахин их өвдөлт аваад даваад гараад ирсэн.

3. Ер нь ч та нар юм л бол өөд болсон найз охиныг маань ярихаа боль малнууд аа. Тэр хүнд чинь ээж, аав, эгч, дүү, хайртай эмээ нь байдаг юм. (Дүү гэдэг нь тэр талбай дээр зохиомлоор гаргаж ирсэн хөгшин банди биш). Гурван сарын баривчилгаанаас хойш өөд болсон хүний ясыг өндөлзүүллээ, болоо юм биш үү. Нэг салганасан юмыг салганаад энд тэнд бүдчих бүрд бурхан болсон охиныг нь яриад байх хэнд ч шаналантай байгаа.

4. Надад тохиолдсон явдлыг элдэв янзаар улстөржүүлэх гээд хэрэггүй, юу ч тодорхой болоогүй байна. Ер нь ч наад зодолдоод байсан талууд чинь бүгд надад дургүй, би алинтай нь ч хамаагүй. Би ямар нэгэн хэрэг хийж, айл гэр рүү дайрч орсон бол аль аль нь хамгийн түрүүнд намайг дуртай нь аргагүй хорьчих эрх мэдэлтэй улс.

5. Сэтгэлийн хүчээр ч гэж зүгээр "Physical Asia"-гаас болоод ингээд эхэлчихлээ, үнэндээ сайн эмч сувилагч нарын хүчинд л давж байна. Уушгины дөнгөж наагуур өнгөрсөн гэсэн. Гэснээс эмч нарын цалин нэмэх юу болсон бэ" гэжээ.