Өргөн хэрэглээний барааны үнэ бага зэргээр нэмэгдэж, махны үнэ үхэр 28 мянга, хонь 19 мянган төгрөг болж өсжээ

Нийслэлийн төвийн 6 дүүрэгт байрладаг 15 хүнсний зах, худалдааны төвд хийсэн 33 нэр төрлийн хүнсний бараа бүтээгдэхүүний үнийн 2026 оны 02-р хоёрдугаар сарын 02-ны өдрийн ажиглалтаар өмнөх долоо хоногоос 26 нэрийн барааны үнэ тогтвортой, нэг нэрийн барааны үнэ буурсан, зургаан нэрийн барааны үнэ өссөн үзүүлэлттэй гарсан хэмээн ҮСХ-ноос мэдээллээ.

Үнэ өссөн бараанууд

• Хонины мах, ястай (18,453₮)
• Хонины мах, цул (19,042₮)
• Үхрийн мах, цул (28,409₮)
• Адууны мах, ястай (15,883₮)
• Монгол лууван (3,267₮)
• Байцаа (3,685₮)

Хамгийн их өсөлттэй байгаа махны үнийг голчлон үзвэл: 2026 оны 02-р сарын 02-ны өдөр хонины ястай махны үнэ өмнөх долоо хоногтой харьцуулахад 0.18 хувиар буюу 33 төгрөгөөр өссөн, хонины цул махны үнэ өмнөх долоо хоногтой харьцуулахад 0.47 хувиар буюу 89 төгрөгөөр өссөн байна.

Үхрийн ястай мах нэг килограмм мах дунджаар 23,920 төгрөг, үхрийн цул махны үнэ өмнөх долоо хоногтой харьцуулахад 0.39 хувиар буюу 111 төгрөгөөр өссөн байна. Адууны ястай махны үнэ өмнөх долоо хоногтой харьцуулахад 1.06 хувиар буюу 167 төгрөгөөр өссөн, ямааны ястай мах нэг килограмм мах дунджаар 15,883 төгрөг байна.Түүнчлэн гурил, талх, будаа зэрэг өдөр тутмын хүнсний бүтээгдэхүүний үнэ бараг өөрчлөгдөөгүй байна.

Хүнсний ногооны хувьд зарим төрлийн үнэ бага зэрэг өссөн бол зарим нь буурсан байна. Тухайлбал, луувангийн үнэ өссөн ч байцаа, хүрэн манжингийн үнэ буурчээ. Жимснээс алимын үнэ өмнөх сараас өссөн боловч долоо хоногийн дүнгээр бага зэрэг буурсан байна.Шатахууны үнэ өөрчлөгдөөгүй байгаа нь тээвэр, үйлчилгээний үнэд ойрын хугацаанд огцом нөлөө үзүүлэхгүй эерэг талтай байна.

Нийт дүнгээр авч үзвэл мах, зарим сүүн бүтээгдэхүүний үнийн өсөлтөөс шалтгаалан гол нэрийн барааны үнэ ерөнхийдөө нэмэгдсэн байна. Энэ нь өрхийн хүнсний зардалд тодорхой хэмжээний дарамт үүсгэж байгаа ч долоо хоногийн өөрчлөлт харьцангуй бага байгаа нь үнийн өсөлт огцом биш байгааг харуулж байна.