Туулын зам хэрэггүй юм бол түгжрэл бууруулах аргаа зарлана уу, Ерөнхий сайд аа

Улаанбаатар хотод зүүнээс баруун, баруунаас зүүн тийшээ нэвт явж болдог ганцхан өргөн чөлөө байгаа. Тэр нь Төв зам буюу Энхтайваны өргөн чөлөө. Жишээ нь, Офицерийн тойргийн ойролцоо амьдардаг иргэн баруун тийшээ Эмээлт, цаашлаад Лүн явах яаралтай ажил гарлаа гэж бодъё. Тэгвэл сонголтгүйгээр Зүүн дөрвөн зам, Бөхийн өргөө, Сүхбаатарын талбай, Баруун дөрвөн зам, 10 дугаар хороолол, Нэгдүгээр хороолол, Таван шар гээд цаашаа явнаас өөр сонголт байхгүй. Баруунаас зүүн тийшээ шууд явъя гэсэн ч энэ замаараа л явна. Ядаж зүүнээс баруун, баруунаас зүүн тийшээ нэвт явах боломжтой төв зам шиг авто замыг шинээр барихгүй л бол хотын түгжрэл 2020 он гэхэд тэг зогсолтод ойртоно гэж 2013 онд буюу хотын дарга Э.БатҮүлийн үед ярьж, өнөөдөр хэл ам болоод байгаа энэхүү Туулын хурдны замын төслийг эхлүүлсэн түүхтэй. Түүнээс хойш 13 жил өнгөрсөн ч нийслэлчүүд бид асуудлаа эртнээс шийдэх бус ярьж, шүүмжилсээр асуудал дотроо амьдарсаар байна. Улаанбаатарт болсон 1966 оны үерийн дараахан Ю.Цэдэнбал Туул голын урдуур явсан замыг барьж, хотын төвөөр дайрахгүйгээр баруунаас зүүн, зүүнээс баруун тийшээ нэвт зорчих боломжтой гэж үзэж байсан гэдэг.

Харин өнөөдөр голын хойгуур явсан хурдны замын асуудлыг нийгмээрээ хэлэлцэж байна. Товчхондоо нийслэлчүүдийн олонх нь энэхүү замыг хурдан барьчихаасай, ашиглалтад орчихвол хотын түгжрэл бага ч гэсэн буурах нь байна гэсэн хүлээлттэй байсан нь үнэн. Энэ өвөл, хаваржингаа ярьсан уг замын ашиг, үр өгөөжийг сохор, дүлий хүн ч мэдэхээр болтол нийгэм анхаарч байна. Энэхүү хурдны зам нь хотын зүүнээс баруун тийш Туул голын хойд эргээр дагаж тавигдах ба нийт 33 орчим км үргэлжлэхээр төлөвлөгдсөн. Баянзүрхийн товчоо, Налайхын уулзвар орчмоос эхэлж Скай Резорт орчим, Маршалын гүүр, Зайсангийн гүүр, Яармагийн гүүрний хойд талаар үргэлжилж Сонсголонгийн гүүр, Био комбинат чиглэл рүү салж, улмаар 22ын товчоотой холбогдох ба 46 эгнээтэй байхаар зураг төсөлд нь тусгагдсан. Замын трассын дагуу голын урсац болон бусад замуудтай огтлолцох хэсэгт олон түвшний уулзвар, орц, гарц, гүүрнүүд, хамгаалалтын далангууд баригдана. Энэхүү төсөл хэрэгжсэнээр хотын зүүнээс баруун, баруунаас зүүн тийш зорчих иргэд хотын төв рүү орохгүйгээр шууд энэ замаар явахад 45 дахин бага хугацаа зарцуулах бөгөөд "Босоо" болон "Хэвтээ" тэнхлэгийн хурдны замын сүлжээний гол хэсэг болох юм гэж миний олж уншсан танилцуулгад бичсэн байна.

Тийм болохоор үүнийг нийслэлчүүдийн 70 гаруй хувь нь хоёр гараа өргөөд дэмжиж байгаа. Ер нь судалгаа, тооцоогүй том төсөл яаж байх вэ дээ. Туулын хурдны зам Улаанбаатар хотыг дамжин өнгөрөх машинуудад л ашигтай гэж 30 хүрэхгүй хувь нь үзэж, улстөржиж байгаа. Энэ бол үгүй юм. Жишээ нь, баруун талаас хотын төв рүү орох машинууд Сонсголонгийн уулзвар, Энхтайваны өргөн чөлөө буюу төв зам, Яармаг, Уулын зам гэсэн замуудын алийг нь сонгох вэ гэж толгой гашилгалгүй шууд хурдны замыг сонгоод долоон орц гарц болон шинээр баригдах тойрог замын аль нэгээр нь явж очих газраа шууд очно. Эсрэгээрээ хотоос гарахдаа мөн адил. Эдгээр замуудын ачааллыг мэдэгдэхүйц бууруулна...

Э.МӨНХТҮВШИН

БҮТЭН НИЙТЛЭЛИЙГ https://tsahim.dnn.mn/login-ЭЭС ҮРГЭЛЖЛҮҮЛЭН УНШААРАЙ.

ӨДРИЙН СОНИН