2111-р сар, 2026Бямба гараг

Улс төр

1 943 мэдээ · 1225–1248 харуулж байна

О.Саранчулуун: “Үл үзэгдэгч төсөв”-өөс хөгжлийн бэрхшээлтэй хүнтэй холбоотой асуудлыг томруулдаг шил бариад хайж байна

Энэ чиглэлд хуулиар тодорхой үүрэгтэй, төсөвтэй оролцогч талууд нь төр засгийн зүгээс нийслэл, аймаг, дүүргийн Засаг дарга нар байдаг. Тиймээс бид тэднийг илүү мэдлэгжүүлэх, хариуцлага, оролцоог нэмэгдүүлэх ажлыг эхлүүлсэн.

1 057

Л.Оюун-Эрдэнэ хохь нь болсон гэж МАН-ын сайд нар ярьжээ

Шинэ Засгийн газар эмхэрсэн ч энэ намар АН, МАН-ын их хурлууд болно. Тэрүүгээр намын удирдлагууд солигдоно. Асар хэсэж шивнэлдээд байсны нэг том учир нь тэр ажээ. Гэвчиг энэ удаад АН-ын МАН-ын дарга хэн болох вэ гэдэг 2 намд маш чухал. 2026 он гараад л 2027 оны Ерөнхийлөгчийн сонгуулийн ажил эхэлнэ. Залгаад 2028 оны УИХ-ын сонгууль болно. Энэ 2 сонгуульд хэн намаа авч орох чадалтай байна, тэр хүн намын дарга болох нь зөв гэдэг үзэл бодол 2 намд давамгайлж байна. АН: Намын даргаа ид ярьж эхэллээ. Лу.Гантөмөр үлдэх, шинээр О.Цогтгэрэл, Б.Пүрэвдорж 2-ын нэг болох гээд хувилбарууд яригдсаар байна. АН яахав гаднаас харахад хоорондоо салам нүдэлдээд байгаа шиг байдлаар л намын даргаа сонгочихно. Тэгээд сурчихсан. Зан байдал нь тэр. МАН: Ерөнхий сайд болоод удаагүй Г.Занданшатар байгаа. Цор ганц нэр дэвшигч гэгдэж буй. Гэтэл нь яг их хурал дээрээ өөр нэр дэвшигч гарч ирээд санал булаалдаж болзошгүй гэлцээд байна. Энэ гэхдээ худал цуу байж болзошгүй. Дарга төвтэй МАН-д дарга нар нь шийдчихвэл гишүүд нь гараа өргөөд асуудлыг нэг тийш болгодог. Тэгэхлээр дарга нар нь Г.Занданшатар л гэсэн бол Г.Занданшатар л дарга болох байх. МАН-ынхан, МАН-ын Засгийн газрын сайд нар огцорсон Ерөнхий сайд Л.Оюун-Эрдэнэд сайн биш байгаа нь Г.Занданшатарыг их хурлаасаа дарга болоход нь тус болох шинжтэй. Зуны олон ойн наадмуудын үеэрх асруудын шивнээнээс чимээллээ. Нэгхэн асраас чихэнд орсоныг дуулгахад МАН-ын шинэ сайд нар: Л.Оюун-Эрдэнэ сонгуулиар холимог тогтолцоо хийж, өөрөө ч жагсаалтад оролгүй татгалзаад баахан сураггүй залуучуудыг оруулсан. Нам ялсан ч ах нартайгаа бүгдэнтэй нь, мөнгөтэй хүмүүстэй бүгдтэй нь салам зодолдсон нь буруу байсан. Тэгсээр байгаад намдаа бас хөөгдөж буусан. Жагсаалт руу оруулсан хүмүүстээ ч нүдүүллээ. Л.Оюун-Эрдэнийн том алдаа нь өрсөлдөгч АН-ын өөрөө засагт нийлүүлсэн. Хамаг байдгаа тавьж туусан. Тэгээд АН-ынханд баллуулсан. Хохь нь болсон. Ийм улстөрч ер нь байдаг юм уу. АН-ынхан бас даварчихсаан. Одоо хэдэн хяналтын менежерээ ажилтай нь үлдээчих гээд гуйгаад царай алдацгаагаад байна. Засагт орохоороо арслан бар шиг л байсан чинь засгаас гараад л зан ааш нь засраад ирдэг юм байна гэж ярьцгаав. 2027 оны Ерөнхийлөгчийн сонгууль, 2028 оны УИХ-ын сонгуульд намаа даах дарга гэдэг дээр гол сонголт хийгдэх нь. Ерөнхий сайд Г.Занданшатар ч намрын их хурлаараа МАН-ын даргаар сонгогдчих гээд бэлтгэлээ базаагаад эхэлжээ. Айсуй 2 сонгууль ч яахав ээ намын дарга болчих юм бол арга нь олдчихно. Урьд нь намынхаа ерөнхий нарийн бичгийн дарга байсан учраас намын ажлыг сайн мэднэ. Засгийн газрын ажил нь л олигтой урагшлахгүй байна. Тэрийг дагаад Ерөнхий сайдын рейтинг ч сайнгүй байна. Ерөнхий сайдаар томилоход дэмжиж байсан хүмүүс: Зоримог шийдвэр гаргахгүй байна. Улс төрийн хүч багатай, хүний хэлснээр хөдөлдөг. Засгийн газартаа хуучин сайд нарыг оруулсан гээд муулаад эхэлж. Барометер судалгаагаар тэгсэн байна. Тэр бүү хэл зарим сайдынх нь рейтинг Ерөнхий сайдаасаа давчихаж. Тэгэхлээр намрын их хурлын өмнө ямар нэг том эргэлтийн шинжтэй шийдвэр хэрэгтэй болсон байж магад. Ерөнхий сайд Г.Занданшатар хэл аманд хамгийн их орооцолдож, хариуцсан салбар нь байнгын асуудалтай байдаг болсон Сангийн сайд Б.Жавхлан, Эрчим хүчний сайд Б.Чойжилсүрэн 2-ыг чөлөөлөх захирамж гаргаж магадгүй нь. Эдгээрээс харах нь: Монголын улс төрийн хүчнүүд 2027, 2028 онуудад болох сонгуульд анхаараад эхэлсэн нь нэгэнт тодорхой болов. Намын дарга нараа сонгож байтал нь сонгуулийн амьсгал ороод эхэлнэ. Тийм учраас өнөөдрөөс 2028 оны 6 сарыг хүртэл улс төрийн үйл ажиллагаа идэвхтэй бөгөөд тасралтгүй үргэлжилнэ гэсэн үг. Ө.Билэг

1 380

Ч.Чинбат: “Би хүргэндээ чи их тэнэг хүн байна. Гэр бүлийн нууц гэж байх ёстой. Чи гэр бүлээ хамгаалах ёстой болохоос бусдад ад болгох ёсгүй" гэж хэлсэн

Ч.Чинбат: “Би хүргэндээ чи их тэнэг хүн байна. Гэр бүлийн нууц гэж байх ёстой. Чи гэр бүлээ хамгаалах ёстой болохоос бусдад ад болгох ёсгүй" гэж хэлсэн

1 801

Эрчим хүчний сайд Б.Чойжилсүрэн: Эрчим хүчний багцад суусан хоёр тэрбум төгрөгийг “Миний багц” гэж хэлсэндээ уучлалт хүсэж байна

Увс аймгийн 100 жилийн ойн баярын үеэр Эрчим хүчний сайд Б.Чойжилсүрэн телевизэд өгсөн ярилцлагадаа "Өөрийн багцаасаа 2 тэрбум төгрөг зарцуулсан" хэмээн ярьсан нь олон нийтийн шүүмжлэлийг дагуулсан.

1 104

Хот, дүүргийн Засаг дарга нарын ХОМ

АТГ төрийн болон нийтийн албан тушаалтнуудын 2024 оны хөрөнгө орлогын мэдүүлгийг ил болголоо. Хот, дүүргийн Засаг дарга нарын ХОМ-ээс тоймлон хүргэж байна.

1 050
google+

© 2007 - 2026 он. MGL Media Group бүтээсэн.