Цахим сүлжээнд Даян аварга Б.Орхонбаяр өмнөх эхнэр, хүүхдээ хаясан гэх мэдээлэл цацагдаад буй. Тэгвэл бид холбогдох иргэний хэргийн шүүх хуралдааны талаар дэлгэрэнгүй тайлбарыг бүрэн эхээр нь хүргэж байна. 2023 07 24 101/ШШ2023/03512 МОНГОЛ УЛСЫН НЭРИЙН ӨМНӨӨС Баянзүрх дүүргийн иргэний хэргийн анхан шатны шүүхийн шүүгч Н.Сарангүн даргалж, шүүгчид Б.Цолмонгэрэл, Д.Цэрэндолгор нарын бүрэлдэхүүнтэй тус шүүхийн шүүх хуралдааны танхимд хийсэн хуралдаанаар Нэхэмжлэгч: хххххххххххххххххххх тоот хаягт оршин суух, Батзоригийн Бгийн /РД: ххххххххххх/ нэхэмжлэлтэй, Хариуцагч: хххххххххххххххххх тоот хаягт оршин суух, Баярсайханы От /РД: ххххххххххх/ холбогдох, Эрүүл мэндийн бодит хохирол 20,000,000 төгрөг, сэтгэл санааны хохирол 20,000,000 төгрөг, нэр төр алдар хүндийн гэм хорын хохирол 10,000,000 төгрөг тус тус гаргуулах тухай иргэний хэргийг хянан хэлэлцэв. Шүүх хуралдаанд: Нэхэмжлэгчийн итгэмжлэгдсэн төлөөлөгч Г.Батбаяр, Хариуцагчийн өмгөөлөгч Ш.Базаррагчаа, Иргэдийн төлөөлөгч П.Тогоо, Шүүх хуралдааны нарийн бичгийн даргаар Б.Хатантуул нар оролцов. ТОДОРХОЙЛОХ нь: Нэхэмжлэгч Б.Б шүүхэд гаргасан нэхэмжлэлдээ болон түүний итгэмжлэгдсэн төлөөлөгч Г.Батбаяр шүүх хуралдаанд гаргасан тайлбартаа: Б.Б нь 2020 оны 02 сараас эхлэн Б.О гэдэг барилдааны спортоор хичээллэдэг, өөрийн үеийн залуутай танилцан, дотносож түүний яриа хөөрөө, эелдэг занд итгэж, татагдан хайртай болж амьдран суухаар төлөвлөж эхэлсэн