2111-р сар, 2026Бямба гараг

“Хүний эрхийг хангах үндэсний хөтөлбөр-II”-ын төслийн талаар санал солилцжээ

11 сар 19. 8:482 мин унших

УИХ-ын Хүний эрхийн дэд хорооны дарга, гишүүд өнөөдөр /2024.11.18/ Хүний эрхийн Үндэсний Комиссын үйл ажиллагаатай танилцаж, “Хүний эрхийг хангах үндэсний хөтөлбөр-II”-ын төслийн явц, хөтөлбөрийг баталж, хэрэгжүүлэх хэрэгцээ шаардлага, Монгол Улс дахь хүний эрхийн төлөв байдал, тулгамдаж буй асуудал, цаашид анхаарах асуудлаар санал солилцлоо.

Тус уулзалтад УИХ-ын гишүүн, Хүний эрхийн дэд хорооны дарга С.Эрдэнэболд, УИХ-ын гишүүн, дэд хорооны гишүүн Х.Баасанжаргал, ХЭҮК-ын дарга Д.Сүнжид, Комиссын гишүүн Х.Мөнхзул, Ж.Хунан, Б.Энхболд, Эрүү шүүлтээс урьдчилан сэргийлэх асуудал эрхэлсэн гишүүн Я.Цэлмэн болон бусад холбогдох албаны төлөөлөл оролцов.

Уулзалтын эхэнд “Монгол Улсын Их Хурлын 2024-2028 оны стратеги төлөвлөгөө батлах тухай” УИХ-ын тогтоолын төсөл батлагдсан. Энэ удаагийн стратеги төлөвлөгөөний гол онцлог нь УИХ-ын бүх үйл ажиллагаа “хүн төвтэй парламент” гэсэн бодлого, үйл ажиллагааг хэрэгжүүлэхэд чиглэсэн.

Өөрөөр хэлбэл, УИХ-аас гаргаж байгаа бодлого, шийдвэр, түүнийг боловсруулах, төлөөлөх, өргөн мэдүүлэх, хэлэлцэн батлах, биелэлтэд хяналт тавих, тайлагнах зэрэг бүх үе шатад хүний хэрэгцээ, шаардлага, иргэдийн оролцоог нэн тэргүүнд зохистой хангах, хүний эрх, эрх чөлөөг баталгаажуулахаар алсын хараа, эрхэм зорилго, үнэт зүйлсийг тодорхойлж, таван зорилго, тэдгээрийн хүрээнд хэрэгжүүлэх 16 зорилт, хүрэх үр дүнгийн хамт стратеги төлөвлөгөөнд тусгасан гэдгийг УИХ-ын Хүний эрхийн дэд хорооны дарга С.Эрдэнэболд онцлон хэллээ.

Хүний эрхийг хангаж, хамгаалах, хүндэтгэх нь төрийн үндсэн үүрэг бөгөөд төр энэхүү үүргээ хэрхэн хэрэгжүүлж байгаад ХЭҮК нь хөндлөнгөөс, хараат бусаар хяналт тавьдаг байгууллага юм.

Монгол Улсын Хүний эрхийн Үндэсний Комисс нь 2021-2024 оны стратеги төлөвлөгөөндөө нийгэм, эдийн засаг, соёлын эрхийн хэрэгжилтийн үр нөлөөг дээшлүүлэх замаар хүн төвтэй нийгмийн хөгжлийг бэхжүүлэхийг тэргүүлэх чиглэлээр тодорхойлсон.

Энэ хүрээнд ойрын 2 жилийн хугацаанд иргэний болон улс төрийн эрхийн орон зайг хамгаалах, эдийн засаг, нийгэм соёлын эрхэд ахиц гаргахыг дэмжих, зорилтот бүлгүүдийн эрхийг хангах, хамгаалахад манлайлах, хүний зөрчигдсөн эрхийг сэргээх тогтолцоог бэхжүүлэх, бүс нутгийн түвшинд манлайлж ажиллаж байна гэдгийг ХЭҮК-ын дарга Д.Сүнжид цохон тэмдэглэлээ.

Тус уулзалтаар ХЭҮК-ын гишүүд хүний эрх, эрх чөлөөнд тулгамдаж буй асуудлыг эрхийн төрлөөр ангилж, нарийвчлан судалсан талаарх мэдээллийг өгч, цаашид авч хэрэгжүүлэх шаардлага арга хэмжээ, гарц шийдлийн талаар танилцуулав.

Улмаар УИХ-ын Хүний эрхийн дэд хорооны гишүүдийн сонирхсон асуултад хариулт өгснөөр энэ удаагийн уулзалт өндөрлөлөө.

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

542

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 360

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

667


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.