2111-р сар, 2026Бямба гараг

ММСУХ-ны Тэргүүнд нэр дэвшигчдэд батламж гардууллаа

11 сар 19. 17:043 мин унших

Монголын морин спорт, уяачдын холбоо /ММСУХ/-ны VIII Их хурлыг “Уламжлалт-Шинэчлэл-Хариуцлага” уриатайгаар ирэх арванхоёрдугаар сарын 2-ны өдөр Төрийн ордонд зохион байгуулж, тэргүүнээ сонгохоор болсон.

Тэгвэл тус холбооны тэргүүлэгчдийн 2024 оны арваннэгдүгээр сарын 9-ний өдрийн хурлаар баталсан Мандатын комиссын гишүүд тус холбооны ерөнхийлөгчид нэр дэвшигчдийг бүртгэх журмын дагуу хүсэлтээ ирүүлсэн нэр дэвшигчдийн материалыг энэ сарын 18-ны хүртэл хүлээн авч, өнөөдөр /2024.11.19/ Пунцагбалжирын Энхмөнх, Дашзэвгийн Дагвадорж, Баасансүрэнгийн Нямжав нарын нэр дэвшигчдэд батламж гардуулав.

ММСУХ-ны тэргүүлэгчдийн зүгээс нэр дэвшигчдэд Ерөнхийлөгчид нэр дэвшигчдэд амжилт хүссэний зэрэгцээ ирэх арванхоёрдугаар сарын 2-ны өдөр болох ММСУХ-ны VIII Их хурал хүртэлх хугацаанд сурталчилгаа явуулах, өөрсдийн дэвшүүлсэн мөрийн хөтөлбөрийг танилцуулах бүрэн эрх нээгдэж буйг мэдэгдсэн юм. Үүний сацуу нэр дэвшигчид сурталчилгааг явуулахдаа журмын дагуу, шударга, зарчимтай, ил тод өрсөлдөхийг санууллаа.

ММСУХ нь Монголын ард түмний дунд олон зуун жилээр уламжилж ирсэн хурдан морины уралдааны хөгжлийн бодлогыг боловсруулан хэрэгжүүлж, уяачдын болон унаач хүүхдийн эрх ашгийг хамгаалах зорилготой төрийн бус байгууллага. Мөн Монгол Улсын нутаг дэвсгэр дээр болж буй хурдан морины уралдааныг удирдан зохион байгуулж, уялдуулан зохицуулдаг спортын холбоо юм.

ММСУХ-ны Ерөнхийлөгчид нэр дэвшигч, Манлай уяач Б.Нямжав:


-ММСУХ хэмээх “том айл”-ын Ерөнхийлөгчийг сонгох сонгуулийн үйл ажиллагаа энэ цаг мөчөөс эхэлж байна. Хоёр нэр дэвшигчдээ амжилт хүсье.

Хэдийгээр 130 мянган уяачид гэж ярьж буй боловч оролцогчийн тоо хэдийнээ 600-гаад мянгад хүрсэн энэ “том айл”-ыг ямар бодлогоор, хэрхэн авч явах, эв нэгдлийг хэрхэн хангах, эрхзүйн орчинд тулгамдаж буй асуудлуудад ямар байр суурьтай хандах вэ гэдгийг бид ММСУХ-ны VIII Их хурлаараа шийдэх юм. Үндэсний өв соёл, өв тээгчдийн хувьд бид юуг манлайлж, юуг анхаарч явах вэ зэрэг олон зүйлийг тодорхойлох, асуудлыг олон талаас нь хэлэлцэж, саналыг нэг бүрчлэн авч, нэгтгэх учраас уяачдаа маш идэвхтэй оролцоосой гэж хүсэж байна.

Түүнчлэн түүхэндээ анх удаа тэргүүнд нэр дэвшигчид урьдчилан тодорч, мөрийн хөтөлбөрөө танилцуулж, санхүүгийн болон бусад хариуцлагыг хүлээхээ батламжилж өрсөлдөх гэж байна.

Миний бие сүүлийн арав гаруй сарын хугацаанд тэргүүний үүрэг гүйцэтгэгчээр ажиллалаа. Тэгэхээр мэдээлэлд илүү ойр, тулгамдаж буй асуудлыг илүү сайн мэдэж байгаа хүний хувьд би мөрийн хөтөлбөртөө маш олон зүйлсийг тусгасан. Жишээлэхэд, хүүхдийн эрх, аюулгүй байдлын асуудал нь зөвхөн хамгааллын асуудал биш, хөгжлийн асуудал. Бид албаны хүмүүстэй уулзалтууд хийж, үүний дагуу төслүүдийг боловсруулж, мөрийн хөтөлбөртөө хүүхэд хөгжлийн асуудлыг маш тодорхой тусгасан. Бид үндэсний өв соёлоо уламжлуулан өвлүүлэх, хөгжүүлэх гэсэн том үүрэгтэй өв тээгчид.

Тийм учраас 30 жилийн түүхтэй эл холбоо ямар зорилготой байгуулагдсанаа дүгнэх, цаашид юунд зорих, эрхзүйн хүрээнд бидний зорих цэг хаана вэ гэдгийг тодорхойлох, тулгамдаж буй асуудлуудаа хэлэлцэх, маш ардчилалтай, олон шийдлүүдийг гаргасан хурал болно гэж найдаж байна.

 

ММСУХ-ны Ерөнхийлөгчид нэр дэвшигч, Тод манлай уяач Д.Дагвадорж:


-ММСУХ 1995 онд байгуулагдсан. Ирэх онд 30 жилийн тэгш ой тохионо. Байгуулагдсан цагаас нь би тэргүүлэгч, тэргүүн дэд гэсэн албан тушаалд ажиллаж байлаа.

Уяачдаас олон санал, хүсэлт ирүүлсэнийг удаан бодсоны эцэст уяачдынхаа эрх ашгийг хамгаалж ажиллахаар шийдэн нэр дэвшиж байна.

Хэн ялах, ялагдах нь хамаагүй. Ялсан нь ялагдсан хоёрынхоо дэвшүүлсэн мөрийн хөтөлбөрөөс өөрийнхөд тусган хамтарч ажиллаасай гэж хүсэж байна.

 

ММСУХ-ны Ерөнхийлөгчид нэр дэвшигч, Тод манлай уяач П.Энхмөнх:

-Азарганыхаа хүрээгүй газар унага нь хүрдэг, аавынхаа дутууг хүү нь гүйцээдэг гэдэг. Миний аав ММСУХ-ны анхны тэргүүн. Тийм ч учраас би ММСУХ-ны Ерөнхийлөгчид нэр дэвшиж байна.

Хэрэв би холбооны Ерөнхийлөгч болбол өөртөө давуу байдал үүсгэхгүйгээр дөрвөн жилийн хугацаанд морь уяхгүй. Эл холбоог бодлогын түвшинд улам сайжруулж, бүхнийг “шилэн” байлгаж, хамтран ажиллана.

Нийт уяачид, уралдаанч хүүхдүүд, моринд дуртай бүхий л хүмүүсийн эрх ашгийг хамгаалах нэг үйлийн төлөө явж буй учраас бусад нэр дэвшигчдэдээ амжилт хүсье.

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

542

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 360

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

667


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.