2111-р сар, 2026Бямба гараг

Мэргэжлийн боксын тамирчид маргааш халз тулалдах өрсөлдөгчтэйгөө нүүр туллаа

12 сар 5. 16:462 мин унших

“Erdenet cup-2024″ мэргэжлийн боксын тулаанд халз өрсөлдөх тамирчид жингээ үзэж, нүүр тулах “Face off” үйл ажиллагаа өнөөдөр Соёл, урлагийн цогцолборт боллоо.

“Erdenet Cup-2024” мэргэжлийн боксын тэмцээнд 12 тамирчин, зургаан жинд хурд хүч, авхаалж самбаа, авьяас билгээ сорин өрсөлдөх юм.

Энэ үеэр “Ширэн бээлий” клубын ахлах дасгалжуулагч, Монгол Улсын Гавьяат дасгалжуулагч Д.Төрбат хэлэхдээ “Уяач хүн уясан морио харж баясдаг бол дасгалжуулагч багш тамирчдаа харж сэтгэлийн их таашаал авдаг. Монголын тамирчид хоорондоо анх удаа аваргын зургаан бүсийн төлөө өрсөлдөх гэж байна. Эдгээр тамирчид мэргэжлийн боксын тэмцээнд өрсөлдөх ур чадвартай залуус. Өөрсдийгөө мэдэрсний үндсэн дээр өрсөлдөж байна. Ер нь тамирчин хүний хувь заяа сонирхогчдын тулаанаас мэргэжлийнх рүү ордог. Мэргэжлийн бокст амжилт үзүүлснээр тухайн тамирчны ахуй амьдрал дээшлээд явдаг. Эрдэнэт үйлдвэрийнхэн агуу хөдөлмөрч юм. Ийм гоё цом, бүс хийсэн байна. Ялсан тамирчид цом, бүсийн эзнээр тодорно. Монголын хэмжээнд бүстэй тамирчдын цувааг эхлүүлж байна. Эрдэнэт боксын мэргэжлийн дасгалжуулагч багштай. Тэгэхээр боксын сайн тамирчид эндээс төрнө гэдэгт итгэлтэй байна. Нийт Эрдэнэтчүүд, үйлдвэрийн бүтээлч хамт олон, дасгалжуулагч багш, тамирчдадаа ажил хөдөлмөрийн болон спортын өндөр амжилт гаргахыг хүсэн ерөөе” гэв.

Монголын нэгдмэл боксын холбооноос анх удаа зохион байгуулж байгаа “Erdenet Cup-2024” мэргэжлийн боксын халз тулаан маргааш буюу энэ сарын 6-ны баасан гаргийн 18:00 цагт “Хангарди палас”-т болно. Тус тэмцээний хамтран зохион байгуулагчаар Монголын боксын холбоо, их спортыг дэмжигчээр “Эрдэнэт үйлдвэр” ТӨҮГ, “MNB Спорт” суваг, “Unival” студи хамтран ажиллаж байна.

Мэргэжлийн боксын тамирчдын гал гарсан ширүүн тулаан, нүд гүйцэхгүй хурд, хүнд цохилт, уран нарийн тоглолтыг дэргэдээс нь үзэхийг хүсвэл ердөө ганцхан орой болох “Erdenet cup-2024” тэмцээнийг зорин ирж, үзэхийг урьж байна.

Энэ мэдээ танд ямар мэдрэмж төрүүлж байна?

Санал болгох

Э.Цэндбаатар мэргэжлийн рингэнд 16 дараалан яллаа

Монгол Улсын гавьяат тамирчин, мэргэжлийн боксчин Э.Цэндбаатар өнөөдөр буюу арваннэгдүгээр сарын 14-ний өдөр WBC холбооны WBC USA super featherweight буюу 58.97 кг-ын жингийн аваргын бүсний төлөө тулалдаж, ялалт байгууллаа. Түүний өрсөлдөгч Тажикистаны боксчин Мухаммад Якубов байсан ба бөгөөд мэргэжлийн боксын рингэнд 23 ялалт, нэг ялагдал, нэг тэнцээтэй амжилт үзүүлжээ. Харин Э.Цэндбаатар мэргэжлийн бокст 15 тулаан хийж, нэг ч ялагдалгүй явсан юм

1 100

Ерөнхий сайд Н.Учрал “Айчи Нагояа-2026” наадамд оролцож буй баг тамирчдадаа амжилт хүслээ

Япон Улсад албан ёсны айлчлал хийж буй Монгол Улсын Ерөнхий сайд Н.Учрал өнөөдөр Азийн наадамд оролцож буй Монгол Улсын баг тамирчидтайгаа уулзлаа. “АЙЧИ НАГОЯА-2026” наадамд манай улсын 300 орчим тамирчин спортын 31 төрөлд хурд хүч, авьяас чадвараа сорьж байна. Дугуйн спортын тамирчин, олон улсын хэмжээний мастер Сайнбаярын Жамбалжамц хүрэл медаль хүртсэнд Ерөнхий сайд баяр хүргээд баг, тамирчдынхаа дараагийн уралдаан, тэмцээнд нь амжилт хүслээ. Тив, дэлхийн дэвжээнд эх орныхоо далбааг мандуулж, нэрийг цуурайтуулдаг тамирчдаараа монголчууд бахархдаг

845

“Улаанбаатар марафон 2026”-д түрүүлсэн Кени улсын тамирчин Серой Андерсон Сайтотигоос допинг илэрчээ

2026 оны 5 дугаар сарын 23-ны өдөр зохион байгуулагдсан “Улаанбаатар марафон 2026” олон улсын гүйлтийн тэмцээнд түрүүлсэн Бүгд Найрамдах Кени Улсын тамирчин Серой Андерсон Сайтотигоос тухайн өдөр авсан допингийн хяналтын сорьцын лабораторийн шинжилгээгээр Триметазидин (Trimetazidine) илэрч, шинжилгээний сөрөг дүн (Adverse Analytical Finding) тогтоогдлоо. Триметазидин нь Дэлхийн Допингийн Эсрэг Агентлаг (WADA)-ийн Хориглосон жагсаалтын S4.4 ангилалд хамаарах бөгөөд тэмцээний үеийн болон тэмцээний бус үед хэрэглэхийг хориглосон бодис юм. Монголын Үндэсний Допингийн Эсрэг Байгууллага нь холбогдох үр дүнгийн удирдлагын ажиллагааг Дэлхийн Допингийн Эсрэг Дүрэм, Олон улсын үр дүнгийн удирдлагын стандарт болон Допингийн эсрэг үндэсний дүрмийн дагуу явуулж байна. Шинжилгээний сөрөг дүн нь дангаараа Допингийн эсрэг дүрмийн зөрчил эцэслэн тогтоогдсоныг илэрхийлэхгүй бөгөөд тамирчинд тайлбар гаргах, Б сорьцын шинжилгээ хийлгэх болон үр дүнгийн удирдлагын ажиллагаанд оролцох эрх бий. Үр дүнгийн удирдлагын ажиллагаа үргэлжилж байгаа тул эцсийн шийдвэр гарах хүртэл нэмэлт мэдээллийг нийтэд мэдээлэх боломжгүй

1 644


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.