2111-р сар, 2026Бямба гараг

Их хэмжээний торгуультай 120 гаруй иргэний жолоодох эрхийг НЭГ жилээр хасжээ

1 сар 8. 16:182 мин унших

Энэхүү зохицуулалтын талаар Тээврийн Цагдаагийн Албаны урьдчилан сэргийлэх хэлтсийн ахлах зохицуулагч, цагдаагийн ахмад Д.Ганхуягаас тодруулснаар

Зөрчлийн тухай хуулийн 3.8.4 дүгээрт зааснаар олон удаагийн торгуультай болон замын хөдөлгөөний дүрмийг ноцтой зөрчсөн тохиолдолд жолоодох эрхийг хасах шийтгэлийг нэмж, оногдуулж байгаа юм байна. Энэ дагуу өнөөдрийн байдлаар буюу нэг сарын дотор 120 гаруй иргэн жолоодох эрхээ нэг жилээр хасуулжээ. Эдгээр жолоочийн торгуулийг төлүүлж, нэмэлтээр эрхийг хассан байна.

Жолооч хуулийн хугацаанд буюу 15 хоногийн дотор торгуулиа төлбөл 50%-аар хөнгөлөгддөг бол төлөөгүй тохиолдолд 16 дахь хоногоос торгуулийн хэмжээ 50 хүртэлх хувиар нэмэгддэг бөгөөд тухайн иргэний бүртгэлтэй гар утсанд болон И-Монголиа системээр энэ талаарх мэдээллийг хүргэдэг гэв.

Үүнээс гадна жолооч торгуулиа хугацаанд нь төлөөгүй тохиолдолд жолоодох эрхийн үнэмлэх нөхөж авах, ангилал даруулах, ангилал нэмүүлэх, тээврийн хэрэгслийн шилжилт хөдөлгөөн хийх, үзлэг, оношилгоонд орох зэрэг төрийн үйлчилгээг хязгаарлаж байгааг мэдээллээ.

Гудамж, замын хөдөлгөөнд оролцож байгаа тээврийн хэрэгслийг цагдаагийн алба хаагч зогсоож шалгахад торгуулиа төлөөгүй байвал журмын хашаанд саатуулж, нэг хоногийн төлбөр 5,000 төгрөгийг буруутай этгээд бүрэн хариуцах хуулийн заалттай байна.

Торгуулийн хэмжээ 450,000 төгрөгөөс дээш гарсан жолоочийг албадан хөдөлмөр эрхлүүлж төлүүлэх журам 2025 оны нэгдүгээр сарын 1-нээс хэрэгжиж эхлээд буй. Одоогоор уг шийтгэлийг оногдуулаагүй, тээврийн хэрэгслийн торгуулийн хэмжээ нь 450,000 төгрөг хүрсэн тохиолдолд шүүхэд шилжүүлж, шийдвэрлэх юм байна.

Нийслэлийн хэмжээнд 3-10 удаагийн торгуультай 300,000 орчим, 100-гаас дээш удаагийн торгуультай 500 гаруй тээврийн хэрэгсэл байгаа аж.

Жолооч нарын гаргаж байгаа нийтлэг зөрчлийн тухайд "Нийслэлд авто замын эгнээ байр буруу эзлэх, жолооны ард гар утас хэрэглэх, хамгаалах бүс, гэрлэн дохио зөрчих нь нийтлэг бол орон нутагт хурд хэтрүүлэх, бүрэн бус тээврийн хэрэгсэл жолоодох, гэрэл, гэрэлтүүлэх хэрэгслийн зөрчил байдаг.

Жолооны ард гар утас хэрэглэж байгаа зөрчлийг камер болон цагдаагийн алба хаагчийн хяналт шалгалтаар илрүүлдэг. Зөрчлийн тухай хуульд заасны дагуу жолоо барих үедээ гар утас хэрэглэвэл 20 нэгж буюу 20,000 төгрөгөөр торгодог" болохыг тэрбээр санууллаа.

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 361

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

668


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.