Б.Дэлгэрсайхан сайд төрийн албаны хуулийг уландаа гишгэж авто замын газрын даргын суудлыг Ө.Баасансүрэнд өгөхөөр зэхсэн үү?!

Монгол төрийн босго “намхан” болсон хэмээн ард түмэн ихээхэн шүүмжлэх болсон. Тэгвэл төрийн албаны наад захын шалгуурыг хангахгүй байж даргын суудалд санаархаж, сэтгэлээ чилээн явдаг нөхдүүдийн нэг нь Ө.Баасансүрэн гэгч бололтой.

Тэрбээр Зам тээврийн сайд Б.Дэлгэрсайхантай холбоо сүлбээтэй бөгөөд энэ хүрээгээ ашиглаж төрийн хуулийг уландаа гишгэхээр улайрч яваа сурагтай.

Учрыг тодруулбал, Авто замын газрын дарга болно хэмээн таахалзаж буй гэнэ. Нэгэнтээ түүнийг гадаадад суралцаж байхад нь одоогийн зам тээврийн сайд дуудаж ирүүлэн Зам тээврийн хөгжлийн төвийн дэд дарга буюу Ерөнхий инженерээр ажиллаж байсан ямар ч шалтгаангүйгээр ажлаас нь мулталж эзэн суулгахаар зэхсэн нь энэ аж.

Үүнээс харахад төрийн албанд нэг секунд ч ажиллаж байгаагүй хүнийг төрд зүтгүүлэхээр улайрч буй нь тод харагдаж байна. Төрийн албаны хууль гэж томоохон сүрдэм хуультай гэтэл үүнийг эс тоож буй нь хачирхалтай. Угтаа бол хэн дуртайгаа даргын суудалд залаад төрийн жолоог атгуулах хуульгүй.

Харин сайд Б.Дэлгэрсайхан өөрт нь хууль үйлчлэхгүй хэмээн эндүүрчээ. Иймд Зам тээврийн сайддаа Төрийн албаны тухай хуулиас танилцуулж байна.

23.2.2.эрхэлсэн түшмэлийн ангилалд хамаарах албан тушаалд томилогдох бол төрийн албанд 8-аас доошгүй жил, үүнээс ахлах түшмэлийн албан тушаалд 4-өөс доошгүй жил ажилласан байх бөгөөд мэргэшүүлэх багц сургалтад хамрагдаж, төгссөн байх, хөгжлийн бэрхшээлтэй иргэний хувьд төрийн албанд 4-өөс доошгүй жил, үүнээс дэс түшмэлийн албан тушаалд 2-оос доошгүй жил ажилласан байх;

Мөн хуульд, 31.1 хуульд өөрөөр заагаагүй бол төрийн жинхэнэ албан тушаалд дараах тохиолдолд авч ажиллуулахыг хориглоно:

31.1.1 энэ хуулийн 22, 23 дугаар зүйлд заасан шаардлага хангаагүй гэж заасан байдаг.

Ө.Баасансүрэн гэгч нь сайдтай Зэвсэгт хүчний жанжин штабт төсөвчин хийж байх хугацаандаа танилцаж холбоотой болж байжээ. Энэ тогтоосон холбоо сүлбээгээ ашиглаж тэднийг төмөр замын асуудал дээр мөнгө босгосон гэх шуум ч чих дэлсэв. Б.Дэлгэрсайхан сайдыг дээрх асуудлаар нь “базаж” даргын суудалд томилуулах гэж байж ч мэдэх юм.

эх сурвалж: seen.mn