2111-р сар, 2026Бямба гараг

Монгол сурагчид дэлхийн шилдэг их сургуулиудад долоон сарын турш суралцана

4 сар 22. 11:432 мин унших

Монголын 12 сурагч дэлхийн шилдэг их сургуулиудад хөл тавьж, ирээдүйн ажил амьдралын гараагаа эхлүүлэхэд бэлдэх цогц хөтөлбөрт долоон сарын турш хамрагдана.

"Говь Сколарс" ТББ-аас жил бүр зохион байгуулдаг “12 Сколарс программ” нь монголын өнцөг булан бүрд 12 дугаар ангиа төгсөж буй эсвэл нэг жил завсарласан шилдэг 12 хүүхдийг сонгон шалгаруулж, салбар бүрийн лидер болгохыг дэмжинэ. Зөвхөн гадаадын их сургуульд ороход туслаад зогсохгүй Монголын ирээдүйг өөрчилж чадах манлайлагч, бүтээлч, өөртэйгээ ажиллах сэтгэлтэй залуусыг нэгтгэж, тэднийг хамтын үнэт зүйл бүхий нэгдмэл орон зайд өсгөн бойжуулах зорилготой хөтөлбөр юм.

Үндсэн хөтөлбөрүүдэд хамрагдсанаар зорьсон оноогоо авах шалгалтад бэлдэх, мэргэжлийн сэтгэлзүйчдийн чиглүүлгээр өөрийгөө танин мэдэх, менторшип хөтөлбөрт хамрагдаж мөрөөдлийн их сургуульдаа орох төлөвлөгөө гаргах, багаар ажиллаж, нийгэмд чиглэсэн төсөл санаачлан хэрэгжүүлэхэд туслах, санаагаа бодит ажил болгох боломжтой. Дэлхийн шилдэг их сургуулиудын оюутан, төгсөгчдөөс академик сонирхол, амьдралынх нь тухай сонсож, амьдрал, карьер төлөвлөлтийн тухай зөвлөгөө авахаас гадна гадаад оюутнуудтай “гэр бүл” мэт холбоо тогтоох олон сонирхолтой үйл ажиллагаанд хамрагдаж болно. Мөн бичгийн мэдлэгээ сайжруулан, шинжлэх ухааны өгүүлэл, үзэл бодлын нийтлэл зэрэг төрөл бүрийн бичвэр бичиж, хүссэн салбартаа монголын шилдэг компаниудад дадлага хийх боломжийг олгох аж.

Хөтөлбөрт хамрагдсан сурагч Т.Тансагмэргэн “Олон сургуулиас татгалзсан хариу авсан ч намайг сургуульд бүрэн тэтгэлэг авах хүртэл хажууд минь туслах хамт олонтой байсан нь тустай санагдсан”-аа илэрхийлсэн бол С.Жавхлантөгс “Долоо хоног бүр ирдэг зочдоос эхлээд бидний хамрагддаг гүйлтийн клуб нь миний хүрээллийг тэлж, амьдралын харах өнцгийг өөрчилсөн” хэмээжээ. Сурагч У.Ундрам “Монголд маш олон программд хамрагдаж байсан ч “12 Сколарс программ“-ын шугамаар уулзсан багш, сурагчид урд өмнө нь хэзээ ч уулзаж байгаагүй өвөрмөц хүмүүс байсан” тухай сэтгэгдлээ хуваалцжээ. 

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

549

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 364

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

674


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.