2111-р сар, 2026Бямба гараг

Монголын анхны “Racing top model” тэмцээний “Talent show”-г амжилттай зохион байгууллаа

5 сар 1. 14:042 мин унших

“Power expo & festival-2025” олон улсын наадмын хүрээнд шинэ чиг хандлага болох “Racing top model” тэмцээнийг Монгол улсын загварын салбарт анх удаа зохион байгууллаа. Тэмцээний эхний шатны шалгаруулалтаас үзэгч, олон нийтийн хандалтаар 32 оролцогч шалгарч үлдсэн юм. Тэмцээний авьяас, ур чадварын сонгон шалгаруулалтыг дөрөвдүгээр сарын 27-ны өдөр “Хүн” театрт зохион байгуулж, 16 оролцогч тунаж үлдсэнээс тэргүүн байрт оролцогч Г.Учрал “Racing top model”-иор тодорсон байна.

Тус шалгаруулалтын шүүгчээр “Power expo & festival-2025” олон улсын наадмын Ерөнхий зохион байгуулагч, Авто спортын мастер Б.Жигмэддорж болон нийслэлийн Соёл, урлагийн газрын дарга Э.Цэнд-Аюуш, Монгол Улсын Урлагийн гавьяат зүтгэлтэн Б.Отгонбат, “Mediahub” студийн захирал Г.Ганбилэг, “Андра академи”-ийн гүйцэтгэх захирал Б.Мөнхчимэг нар ажилласан нь наадмын цар хүрээ, шүүлтийн үнэ цэнийг илэрхийлж байсан юм.

“Racing top model” тэмцээний тэргүүн титмийн эзэн тавдугаар сарын 9-11-нд Улаанбаатар хотод Сонгинохайрхан дүүрэг дэх Авто худалдааны цогцолбор төвийн “Power land” талбайд зохион байгуулах “Power expo & festival-2025” олон улсын наадмын үеэр тодрох бөгөөд тус шалгаруулалтын зочин шүүгчээр АНУ-ын дрифтын тамирчин, сошиал инфлүүнсер, загвар зохион бүтээгч, загвар өмсөгч Sara Choi наадмын зохион байгуулагчдын урилгаар хүрэлцэн ирж ажиллах юм байна. Sara Choi “Power expo & festival-2025” наадмын “Racing top model” тэмцээнийг шүүхээс гадна олон улсын дрифтийн аварга шалгаруулах тэмцээнд оролцох аж.

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

549

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 364

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

674


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.