2111-р сар, 2026Бямба гараг

АМХЭГ-ын анхны дарга Д.Жаргалсайхан Тавантолгойн ордыг анх ингэж “тараажээ”

5 сар 6. 9:533 мин унших

Монголын төр Үндсэн хууль, Үндэсний баялгийн сангийн хуулийн дагуу Тавантолгойн ордыг бүтэн болгож Баялгийн санд авах гээд барахгүй л байна. Улмаар, улс төр бужигнаж, улсаар нь талцуулсан элдэв үйл явдал тасрахгүй л байна.

Тэгвэл, Тавантолгойн ордыг анх “тараасан” хүнээр Д.Жаргалсайхан гэдэг хүн нэрлэгдээд байна. Ашигт малтмалын тухай хуулийг 1997 онд УИХ баталсны дараа Засгийн газар АМХЭГ-ыг байгуулахад анхны даргаар нь Д.Жаргалсайханыг томилж байжээ. Тэрээр уг албан тушаалд 1997-2004 оныг хүртэл ажилласан байдаг. Чухам, тэр хугацаандаа Тавантолгойн ордын лицензийг “хөдөлгөчихсөн” бололтой юм.

Тодруулбал, Д.Жаргалсайхан нь АМХЭГ-ын даргаар долоон жил гаруй хугацаанд ажиллахдаа сүүлд стратегийн ордод багтсан орд газруудын олонхыг лиценз хэлбэрээр олгожээ. Монгол Улсын хэмжээнд 1997-2023 оны хооронд хайгуулын 14 мянга гаруй лиценз олгосны 6000 гаруй нь түүнийг АМХЭГ-ын дарга байх үед холбогддог байна.

Тэр дундаа Тавантолгойн ордыг анх лиценз байдлаар 1997 оны аравдугаар сарын 22-нд олгожээ. АМХЭГ-аас Тавантолгой-1 хайгуулын 1900Х дугаартай 29639 гектар талбай, Тавантолгой 2 хайгуулын 1901Х дугаартай 42 413 гектар талбайг тус бүр гурван жилийн хугацаатайгаар “Майн инфо” ЗБН-д олгожээ. Тус аж ахуйн нэгжийг Д.Батсайхан үүсгэн байгуулсан. 2000 онд компанийн статустай болгосон. Улмаар 2000 оны долдугаар сарын 24-нд “Майн инфо” ХХК-ийн 100 хувийн хувьцааг “Эм ай эйч” ХХК-д шилжүүлсэн. Сонирхолтой нь, энэхүү “Эм ай эйч” ХХК нь АМХЭГ-ын дарга Д.Жаргалсайханы үүсгэн байгуулсан компани байв. Тэрээр одоо тус компанид 62.5 хувийн хувьцааг эзэмшдэг.

Дараа нь 2000 оны есдүгээр сарын 4-нд “Майн инфо” ХХК-иас Тавантолгой 1 хайгуулын 1900Х, 1901Х талбайнуудын лицензийг “Энерго ресурс” ХХК-д шилжүүлсэн. Тус компани нь “Майн инфо” ЗБН-ийг үүсгэн байгуулсан Д.Батсайханых байв. Дараа нь, 2002 оны арваннэгдүгээр сарын 6-нд “Энерго ресурс” ХХК-иас Тавантолгой 1 хайгуулын 1900Х лицензтэй 29639 гектар талбайгаас 24036 гектар талбайг төрд шилжүүлж, 5603 гектар талбайг авч үлдсэн. Тавантолгой 2 хайгуулын 1901Х лицензтэй 42413 гектар талбайгаас 39274-ийг төрд шилжүүлж 2135 гектар талбайг Ухаахудаг нэртэй хайгуулын 1901Х лицензээр, 1001 гектар талбайг Ухаахудаг нэртэй хайгуулын 1901Х-1 лицензээр тус тус хувааж “Энерго ресурс” ХХК эзэмшсэн.

2002 оны арванхоёрдугаар сарын 6-нд АМГТГ-аас Тавантолгой ордын Бор толгой 5188Х хайгуулын лицензтэй 14263 гектар талбайг, Бор тээг 1 хайгуулын 5189 лицензтэй 24036 гектар талбайг, Шар тээг 5130Х лицензтэй 24532 гектар талбайг “Дархан хаан уул” ХХК-д олгосон. Тус компанийг Ерөнхий сайд асан Сү.Батболдын авга ах Д.Батхуягийнх байжээ.

2005 оны тавдугаар сарын 2-нд “Дархан хаан уул” ХХК-иын эзэмшиж байсан 5188Х, 5189Х, 5190Х хайгуулын лицензүүдийг, “Энерго ресурс” ХХК-ийн эзэмшиж байсан 1900Х, 1901Х, 1901Х-1 хайгуулын лицензүүдийг “Энержи ресурс” ХХК-д шилжүүлсэн. Тэгсээр, 2007 оны нэгдүгээр сарын 23-нд АМГТГ-аас “Энержи ресурс” ХХК-ийн эзэмшиж байсан хайгуулын лицензүүдийг 11953А, 11954А, 11955А, 11956А, 11943А, 11952А ашиглалтын лиценз болгож өөрчилжээ.

Эх сурвалж: “Зууны мэдээ” сонин

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

549

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 364

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

674


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.