Гашуунсухайтын нээлтээс хойш нүүрсний үнэ “гэрлийн хурд”-аар унаж байна

Засгийн газрын энэ сарын 21-ний ээлжит бус хуралдааны дараа Сангийн сайд Б.Жавхлан “…Тавдугаар сарын 14-нөөс хойш өнөөдрийг хүртэл 120 юаниар уначихлаа. Манай экспортын 70-80 хувь нь эзэлж байдаг нүүрснээс хамааралтай эдийн засагт хүчтэй нөлөө үзүүлж байна” гэж мэдэгдэв. Харамсалтай нь, энэ бодитой ажээ.
Статистикаас үзвэл, 2024 оны сүүлээр Ганцмод боомт дээрх түүхий коксжих нүүрсний дундаж үнэ 900 юаньд тогтвортой байсан. Тэгсээр, Гашуунсухайт-Ганцмодны боомтын хилийн төмөр замын холболтой гэрээг байгуулах 2025 оны тавдугаар сарын 14 гэхэд өсөх хандлагатай болоод байжээ. Харин дээрх гэрээг батлахтай давхацсан Монголын улс төр дэх засаглалын тогтворгүй байдал үүссэнээс хойш нүүрсний үнэ тогтмол уруудсан байх юм. 2025 оны тавдугаар сарын сарын 14-ндөө 835 юань руу бууж сүүлийн дөрвөн жилийн дундаж үнээс доош орсон байгаа юм. Эдийн засгийн шинжээчид үүнийг “…Сүүлийн үед урт хугацаагаар худалдан авалт хийх аж ахуйн нэгжүүд эргэлзээнд орсон байна. Энэ нь сүүлийн үеийн улс төрийн тогтворгүй байдалтай холбоотой. Үүнээс үүдэн Монгол Улсын эдийн засгийн макро үзүүлэлтүүд огцом уналаа.

Хожимдоо, Гашуунсухайт-Ганцмодны боомтын хилийн төмөр замын холболтын ард яг юу болж өнгөрсөн нь бүр ч ноцтой үр дагавар үзүүлж болзошгүй” гэж дүгнэж байна. Үүнийг батлах мэт коксжих нүүрсний үнэ 2025 оны зургаадугаар сарын 23-ны байдлаар ойролцоогоор 120 юаниар огцом буурч 718 юаньд хүрчээ. 

Эх сурвалж: "Зууны мэдээ" сонин