2111-р сар, 2026Бямба гараг

Э.Анар дэвшиж Монголбанкны аль нэг дэд ерөнхийлөгч болох уу?

7 сар 25. 8:493 мин унших

Л.Оюун-Эрдэнийн тэргүүлсэн Засгийн газрыг өнгөрсөн зургадугаар сард огцруулсан. Үндсэндээ, үүнээс хойш Монголын төрд их олон өөрчлөлт явагдаж байна. Олны нүдэн дээр ил байгаа олон өөрчлөлтүүдийн нэг нь албан тушаалуудын томилгоо юм. Ийм “өөрчлөлт”-д хамрагдах нэг байгуулага нь Монголбанк болж буй бололтой.

Ам.долларын ханш, валютын нөөцийн цаашдын “хувь заяа” ямар байх нь ойлгомж муутай байна. Хэдийгээр энэ нь Монголбанкнаас хамаарахгүй ч үүнд дөрөөлсөн халаа солио тус банканд болж магадгүй болжээ.

 

Засаг солигдохтой зэрэгцээд л Монголбанкны удирдлагуудын түвшинд өөрчлөлт хийгдэх яриа гараад эхэлсэн. Өдгөө тус банкны удирдах түвшинд ажилладаг, засаг солигдсоноор улс төрийн дэмжлэг авах магадлалтай болсон зарим хүн “…Ерөнхийлөгч болно” гээд ихэд яарч буй тухай ч яриад удлаа.

 

Мөн Монголбанкын ерөнхийлөгч нь тэргүүн дэд ерөнхийлөгч, дэд ерөнхийлөгч гэсэн хоёр орлогчтой. Одоогийн ерөнхийлөгчөөр Б.Лхагвасүрэн, тэргүүн дэд ерөнхийлөгч нь хүнгүй, дэд ерөнхийлөгчөөр нь Г.Энхтайван ажиллаж байгаа юм. Тэгвэл, тэдний оронд шинээр суух хүмүүсийн нэр ус ч сая баяр наадмын үеэр эхнээсээ тодорч буй бололтой.

Тухайлбал, Монголбанкны Төлбөр тооцооны газрын захирал Э.Анарыг дэд ерөнхийлөгч болгох тухай яриа тохироо мориных нь уяан дээр яригдсан байгаа юм. Тэрээр Монголбанкны ерөнхийлөгч Б.Лхагвасүрэн, Монголбанкны дэд ерөнхийлөгч Г.Энхтайван, Тамгын газрын захирал Г.Пүрэвсүрэн, Ерөнхийлөгчийн Ажлын албаны ахлах референт Н.Батсайхан, Мөнгөний бодлогын газрын захирал Б.Баярдаваа, Нөөцийн удирдлага, санхүүгийн зах зээлийн газрын захирал А.Энхжин нарын хамт Монголбанкны Захирлуудын зөвлөлийн гишүүдэд багтдаг. Гэхдээ Э.Анар Монголбанкны тэргүүн дэд ерөнхийлөгч үү, дэд ерөнхийлөгч үү гэдэг нь одоогоор тодорхойгүй байна. Аль нэг дээр нь очих аж.

 

 

 

Түүнээс гадна, баяр наадмын өмнөхөн хуралдсан УИХ-ын чуулганы үеэр Б.Баярбаатар нарын гишүүд Монголбанкны бүтэц, орон тооны асуудлыг хөндөж байсан. “…Монголбанкны бүтэц орон тоо 600 гарсан байна. Хэдэн жилийн өмнө 300 орчимд ажиллаад болоод байсан. Гэтэл Монголбанкны асуудал төсөвтэй хамт огт орж ирдэггүй. УИХ-д ажлаа тайлагнадаг байгууллагын хувьд Монголбанкны бүтцийн өөрчлөлтийг авч үзэж, Эдийн засгийн байнгын хороо энэ талаар ярилцмаар байна” гэлцсэн. Тэгвэл, энэ нь санамсаргүй байр суурь биш бөгөөд тус банкны бүтэц, орон тоо дээр хөдөлгөөн хийгдэж магадгүй болжээ. Одоогоо Монголбанк нь ерөнхийлөгч, тэргүүн дэд ерөнхийлөгч, дэд ерөнхийлөгчтэй. Мөн Монголбанкны дэргэд Хяналтын зөвлөл, Мөнгөний бодлогын хороо, Банкны хяналт шалгалтын хороо, Захирлуудын зөвлөл ажилладаг. Ерөнхийлөгч нь Тамгын газар, Дотоод аудитын газар, Мөнгөний бодлогын газар, Санхүүгйн зээлийн газар, Судалгаа, статистикийн газар, Хууль, эрх зүйн газар, Удирдлага төлөвлөлтийн газар зэргийг шууд удирддаг. Эдгээр газар нь дороо 19 хэлтэс, алба, сантай. Тэргүүн дэд ерөнхийлөгчийн удирдлагад Хяналт шалгалтын газар, Эрсдэлийн удирдлагын алба, Мөнгөн тэмдэгтийн газар, Зөвшөөрлийн алба, Зээлийн мэдээллийн алба, Банкны бүтцийн өөрчлөлт, бодлогын газар байдаг. Эдгээрийн дор найман хэлтэстэй. Дэд ерөнхийлөгч нь Олон нийтийн санхүүгийн бодловсролын төв, Төлбөр тооцооны газар, Мэдээллийн технологийн газар, Санхүү бүртгэлийн газар, Европ дахь төлөөлөгчийн газар, Нью-Йорк дахь төлөөлөгчийн газар, Орон нутаг дахь таван хэлтэс, 12 салбар, Санхүүгийн мэдээллийн алба, Эдийн засгийн судалгаа, сургалтын хүрээлэн зэргийг хариуцна. Энэ газар, албадын дор 16 хэлтэс ажилладаг. Ийм бүтэцтэй. Эдгээр дээр гишүүдийн хэлээд байгаа 600 гаруй орон тоо ажилладаг гэсэн үг.

 

Б.БАЯР

 

Эх сурвалж: “Зууны мэдээ” сонин

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

399

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

562

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

601

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

545

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

784400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

571


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.