2111-р сар, 2026Бямба гараг

“Очирдагинас” ХХК-ийн экспортын үйлдвэрийн цогцолбор албан ёсоор ашиглалтад орлоо

11 сар 4. 13:162 мин унших

“Очирдагинас” ХХК-ийн экспортын үйлдвэрийн цогцолбор албан ёсоор ашиглалтад орлоо

“Очирдагинас” ХХК нь 2017 оноос хэрэгжүүлж эхэлсэн гурван үе шаттай “Экспортын үйлдвэрийн цогцолбор” төслөө амжилттай хэрэгжүүлж, 2025 онд албан ёсоор ашиглалтад орууллаа.


Энэхүү төслийн хүрээнд мах, махан бүтээгдэхүүний үйлдвэрлэл, нөөшлөх болон анхан шатны боловсруулах бүх үйл ажиллагаа нэг цогц системд нэгдэж, Монголын хүнсний салбарт шинэ түвшний экспортын хүчин чадал бүрдлээ.

 Гурван үе шаттай бүтээн байгуулалт

2017 онд эхэлсэн төслийн хүрээнд дараах гурван үйлдвэрийг үе шаттайгаар барьж ашиглалтад оруулсан юм.
2018 он – “Хиам, махан бүтээгдэхүүний үйлдвэр”
2023 он – “Нөөшилсөн бүтээгдэхүүний үйлдвэр”
2024–2025 он – “Анхан шатны мах боловсруулах үйлдвэр болон үйлдвэрийн өргөтгөл”

Ингэснээр нийт 9,145 м² талбай бүхий орчин үеийн үйлдвэрийн бүс бүрдэж, үйлдвэрлэлийн бүх шат дамжлага нэг дор төвлөрлөө.

 Анхан шатны мах боловсруулах үйлдвэр – 20 тонн хүчин чадал

“Анхан шатны мах боловсруулах үйлдвэр” нь өдөрт 20 тонн гулууз мах шулж, ангилан үйлдвэрийн болон хүнсний хэрэглээнд зориулсан мах үйлдвэрлэх хүчин чадалтай орчин үеийн үйлдвэр юм.
Энэ үйлдвэр ашиглалтад орсноор экспортын “Хиам, махан бүтээгдэхүүний үйлдвэр”, “Нөөшилсөн бүтээгдэхүүний үйлдвэр”-үүдийн үндсэн түүхий эдийг өөрсдөө өндөр чанартайгаар бэлтгэх боломж бүрдлээ.

Ингэснээр “Очирдагинас” ХХК мах бэлтгэл, боловсруулах, нөөшлөх, экспортлох бүх шатны үйл ажиллагааг дотооддоо бүрэн шийдэж, экспортын өрсөлдөх чадварыг шинэ түвшинд хүргэсэн юм.

50 тонн үйлдвэрлэлийн хүчин чадалтай цогцолбор

Өдөрт 50 тонн бүтээгдэхүүн үйлдвэрлэх хүчин чадалтай энэхүү цогцолбор үйлдвэр нь Монголын мах, махан бүтээгдэхүүнийг олон улсын стандартад нийцүүлэн экспортлох бүрэн боломжийг бүрдүүлж байна.
Мөн нийслэлийн хүнсний зах зээлд зориулан төрөл бүрийн ангилсан мах үйлдвэрлэн нийлүүлэхээр төлөвлөж, Монгол хүнсний аюулгүй байдал, тогтвортой нийлүүлэлтийн чадавхыг нэмэгдүүлж байна.

Монгол хүнсний экспортын шинэ түвшин
“Хүнсний хувьсгал” үндэсний хөдөлгөөний хүрээнд “Очирдагинас” ХХК нь хөнгөлөлттэй зээл, тоног төхөөрөмжийн шинэчлэлт болон хөргөлтийн зоорийн хүчин чадлын өргөтгөл зэрэг бодит хөрөнгө оруулалтыг амжилттай хэрэгжүүлж, улмаар импортыг орлох бүтээгдэхүүний үйлдвэрлэл, дотоодын нийлүүлэлтийн тогтвортой байдлыг ханган, экспортын чанар, өрсөлдөх чадварыг шинэ түвшинд хүргэлээ.

Нийт барилгын талбай: 9,145 м²
Хөргөлтийн зоорины хүчин чадал: 2,000 тн
Өдөрт боловсруулах махны хэмжээ: 20 тн
Нийт үйлдвэрлэлийн хүчин чадал: 50 тн

 

 

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 361

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

669


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.