2111-р сар, 2026Бямба гараг

Ли Жан Хуа: “Олгой булаг” компанийн зүгээс сүрдүүлэх, хүч хэрэглэх, миний аюулгүй байдалд заналхийлсэн

12 сар 9. 14:432 мин унших

Ли Жан Хуа: “Олгой булаг” компанийн зүгээс сүрдүүлэх, хүч хэрэглэх, миний аюулгүй байдалд заналхийлсэн

БНХАУ-ын “Мен Дун Энержи” ХХК-ийн захирал Ли Жан Хуа “Олгой булаг” ХХК-ийн “Төхөм” уурхайд хөрөнгө оруулалт хийж хохирсон асуудлаар өнөөдөр сэтгүүлчдэд хандлаа.

Тэрбээр "Манай компани 2017 оноос Сүхбаатар аймгийн Сүхбаатар суманд байрладаг "Олгой булаг" ХХК-ийн "Төхөм" уурхайд хамтран ажиллах болсон юм. Энэ хугацаанд гэрээний дагуу хийсэн нийт хөрөнгө оруулалт нь ₮51 тэрбумд хүрсэн.

Уг хамтын ажиллагааны хүрээнд уурхайн тээвэрлэлтийн хөлсийг манай компаниас гаргаж, үр дүнд нь тус компанийн 52 хувийн хувьцааг эзэмшихээр тохиролцсон юм.

Манай зүгээс гэрээнд заасан зарим үүргээ гүйцэтгэсэн боловч одоог хүртэл уурхайн олборлолтын ажилд оролцуулаагүй тул хуулийн байгууллагад хандсан. Уг асуудал хуулийн хүрээнд шалгагдаж байхад эсрэг талын компанийн зүгээс нэг бус удаа ажлын байранд ирж, сүрдүүлэх, хүч хэрэглэх, миний аюулгүй байдалд заналхийлсэн асуудал гаргаж байна. 

Миний нэр хүндэд илт халдах болсон тул хэвлэлийн бага хурал хийхээс өөр аргагүй байдалд хүрлээ.

Манай компанийн зүгээс 2017-2021 оны хооронд 100 гаруй автомашин, техник, тоног төхөөрөмж, 20 км сайжруулсан шороон зам, засварын ажил зэрэг уул уурхайн чиглэлд бүтээн байгуулалтын ажилд хөрөнгө оруулсан. Мөн Монгол Улсад төлөх ёстой бүх татварыг төлсөн боловч өнөөдрийг хүртэл гэрээнд заасан 52 хувийн хувьцааг одоог хүртэл шилжүүлээгүй байна. 

Хоёр тал хамтын ажиллагаагаа эхлүүлснээс зургаан сарын дараа хамтарсан компани байгуулсан. Хамтарсан компанийн 51 хувийг миний төрсөн охин, "Олгой булаг" компани 44 хувийг, н.Чимэдсүрэн 5 хувийг эзэмшиж буй.

Энэ гэрээний дагуу хөрөнгө оруулагч талын зөвшөөрөлгүйгээр гуравдагч оператор компанийг оруулахгүй, хамтран ажиллахгүй гэсэн боловч цар тахлын улмаас хөрөнгө оруулагч нар Монголд ирэх боломжгүй нөхцөл үүссэн юм. Улмаар "Олгой булаг" компани уурхайн олборлолтын ажлыг дангаараа зохион байгуулах болсон. Энэ үеэс тус компанийн зүгээс гэрээний заалтаа зөрчиж эхэлсэн. 

Тухайлбал гуравдагч талыг оруулж ирснээр нүүрс борлуулах болсноор хоёр талын маргаан эхэлсэн гэж хэлж болно.

Энэ маргаанаа шийдье гэж нөгөө талтайгаа уулзсан боловч "Олгой булаг" компанийн хувьцаа эзэмшигч Улсын Ерөнхий Прокурор асан Д.Дорлигжавын төрсөн дүү Д.Баатар нь "Та нар казино тоглоод алдсан гэж бод. Хуулийн байгууллагаар яваад ямар ч нэмэргүй. Бүгд манай талд байгаа" гэсэн хариулт өгөөд биднийг хөөж явуулсан.

Ингээд 2021 оны арванхоёрдугаар сараас эхэлж цагдаагийн байгууллагад хохирогчоор тогтоогдож, шалгах ажиллагаа явагдаж эхэлсэн. Харамсалтай нь "Олгой булаг" компанийн хувьцаа эзэмшигчдийн зүгээс биднийг гэмт хэрэг үйлдэж, залилан хийсэн мэтээр хэвлэл мэдээлэл болон олон нийтийн сүлжээгээр цацах болсон юм. Энэ хэргийг хуулийн дагуу зөв шийдүүлэх хүсэлтэй байна" гэв. 

 

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

542

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 360

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

668


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.