2111-р сар, 2026Бямба гараг

12 настай Б.Мишээл ой тогтоолтын дэлхийн аварга болж, дэлхийн хоёр рекорд тогтоож Олон улсын мастер цол хүртлээ

12 сар 16. 16:272 мин унших

12 настай Б.Мишээл ой тогтоолтын дэлхийн аварга болж, дэлхийн хоёр рекорд тогтоож Олон улсын мастер цол хүртлээ

 

Дэлхийн Ой тогтоолтын Спортын Холбооноос зохион байгуулсан 34 дэх удаагийн Ой тогтоолтын Дэлхийн аварга шалгаруулах тэмцээн Вьетнам улсын Хо Ши Мин хотод зохион байгуулагдлаа.

15 улсын 169 тамирчин харааны болон сонсголын ой тогтоолтыг шалгасан 10 төрлөөр гурван өдрийн турш өрсөлдөж нийлбэр 4,213 оноогоор Б.Мишээл бага насны дэлхийн аварга болж, олон улсын хэмжээний мастер цолын болзол хангалаа.

Тэрбээр тус тэмцээнд 3 алт, 2 мөнгө, 2 хүрэл медаль хүртсэн бөгөөд алтан медаль авсан хоёр төрөлдөө дэлхийн рекорд шинэчлэн тогтоосон байна. Тодруулбал:

  • Names & Faces төрөлд дэлхийн рекорд,
  • Spoken Numbers төрөлд дэлхийн рекорд тогтоож, дэлхийн ой тогтоолтын спортын түүхэнд нэрээ үлдээлээ.

Б.Мишээл ийнхүү өндөр амжилт үзүүлснээр Олон улсын мастер (International Master of Memory) цолын албан ёсны болзлыг хангаж, бага насандаа энэхүү болзлыг хангаж чадсан цөөн тамирчдын нэг боллоо.

Түүний энэхүү амжилт нь 2 жилийн турш өдөр бүр тууштай бэлтгэл хийсэн хөдөлмөр, мөн шигшээ багийн дасгалжуулагч Баасандорж, шигшээ багийн дасгалжуулагч Сэнгэсамдан, Megamind Club, Монголын оюун ухааны академи, гэр бүл, багш сурган хүмүүжүүлэгчид, хамт олон, дэмжигчдийн хамтын хүч, итгэлийн үр дүн юм.

Ийнхүү Монгол Улсын нэрийг дэлхийн оюун ухааны спортын тавцанд алтан үсгээр бичүүлсэн Батзоригийн Мишээл амжилт нь Монголын ой тогтоолтын спортын түүхэнд онцгой үйл явдал болж байна,

Бага насны ангилалд өрсөлдөж буй үедээ олон улсын хэмжээний мастер цол хүртсэн зургаан тамирчин бий. Тухайлбал Н.Намуундарь, Б.Ариунбилэг, Т.Үжин, Б.Жамбалбаярням, Д.Хүслэн, Э.Үүрийнцолмон, Б.Сэлэнгэмөрөн нар юм.

Б.Мишээл нь "Дуут цифр" төрөлд 140 цифр алдаагүй сонсож, "Нэр, зүс царай" төрөлд 100 хүний нэрийг тогтоосон амжилтаар бага насны дэлхийн рекорд шинэчлэн зорилгоо биелүүллээ.

Энэ мэдээ танд ямар мэдрэмж төрүүлж байна?

Санал болгох

Э.Цэндбаатар мэргэжлийн рингэнд 16 дараалан яллаа

Монгол Улсын гавьяат тамирчин, мэргэжлийн боксчин Э.Цэндбаатар өнөөдөр буюу арваннэгдүгээр сарын 14-ний өдөр WBC холбооны WBC USA super featherweight буюу 58.97 кг-ын жингийн аваргын бүсний төлөө тулалдаж, ялалт байгууллаа. Түүний өрсөлдөгч Тажикистаны боксчин Мухаммад Якубов байсан ба бөгөөд мэргэжлийн боксын рингэнд 23 ялалт, нэг ялагдал, нэг тэнцээтэй амжилт үзүүлжээ. Харин Э.Цэндбаатар мэргэжлийн бокст 15 тулаан хийж, нэг ч ялагдалгүй явсан юм

1 100

Ерөнхий сайд Н.Учрал “Айчи Нагояа-2026” наадамд оролцож буй баг тамирчдадаа амжилт хүслээ

Япон Улсад албан ёсны айлчлал хийж буй Монгол Улсын Ерөнхий сайд Н.Учрал өнөөдөр Азийн наадамд оролцож буй Монгол Улсын баг тамирчидтайгаа уулзлаа. “АЙЧИ НАГОЯА-2026” наадамд манай улсын 300 орчим тамирчин спортын 31 төрөлд хурд хүч, авьяас чадвараа сорьж байна. Дугуйн спортын тамирчин, олон улсын хэмжээний мастер Сайнбаярын Жамбалжамц хүрэл медаль хүртсэнд Ерөнхий сайд баяр хүргээд баг, тамирчдынхаа дараагийн уралдаан, тэмцээнд нь амжилт хүслээ. Тив, дэлхийн дэвжээнд эх орныхоо далбааг мандуулж, нэрийг цуурайтуулдаг тамирчдаараа монголчууд бахархдаг

844

“Улаанбаатар марафон 2026”-д түрүүлсэн Кени улсын тамирчин Серой Андерсон Сайтотигоос допинг илэрчээ

2026 оны 5 дугаар сарын 23-ны өдөр зохион байгуулагдсан “Улаанбаатар марафон 2026” олон улсын гүйлтийн тэмцээнд түрүүлсэн Бүгд Найрамдах Кени Улсын тамирчин Серой Андерсон Сайтотигоос тухайн өдөр авсан допингийн хяналтын сорьцын лабораторийн шинжилгээгээр Триметазидин (Trimetazidine) илэрч, шинжилгээний сөрөг дүн (Adverse Analytical Finding) тогтоогдлоо. Триметазидин нь Дэлхийн Допингийн Эсрэг Агентлаг (WADA)-ийн Хориглосон жагсаалтын S4.4 ангилалд хамаарах бөгөөд тэмцээний үеийн болон тэмцээний бус үед хэрэглэхийг хориглосон бодис юм. Монголын Үндэсний Допингийн Эсрэг Байгууллага нь холбогдох үр дүнгийн удирдлагын ажиллагааг Дэлхийн Допингийн Эсрэг Дүрэм, Олон улсын үр дүнгийн удирдлагын стандарт болон Допингийн эсрэг үндэсний дүрмийн дагуу явуулж байна. Шинжилгээний сөрөг дүн нь дангаараа Допингийн эсрэг дүрмийн зөрчил эцэслэн тогтоогдсоныг илэрхийлэхгүй бөгөөд тамирчинд тайлбар гаргах, Б сорьцын шинжилгээ хийлгэх болон үр дүнгийн удирдлагын ажиллагаанд оролцох эрх бий. Үр дүнгийн удирдлагын ажиллагаа үргэлжилж байгаа тул эцсийн шийдвэр гарах хүртэл нэмэлт мэдээллийг нийтэд мэдээлэх боломжгүй

1 644


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.