2111-р сар, 2026Бямба гараг

Г.Дамдинням Засгийн газартайгаа зам нийлэхгүй байна

12 сар 17. 10:056 мин унших

Г.Дамдинням Засгийн газартайгаа зам нийлэхгүй байна

Засгийн газар бол парламентын засаглалтай улсын гүйцэтгэх эрх мэдлийг хэрэгжүүлдэг дээд байгууллага юм. Парламент буюу УИХ-аас баталсан хууль тогтоомжийн хүрээнд ажлаа хийнэ. Өөрөөр хэлбэл, багийн тоглолтоор ажилладаг. Үйл ажиллагаа нь улс төрөөс ангид байхыг шаарддаг. Тиймдээ, “...Хэрвээ та олон нийтэд таалагдахуйц улс төр хийхийг хүсэж байгаа бол Засгийн газрын гишүүн байх хориотой” гэдэг улс төрийн анхан шатны санамжтай. Тиймээс, хэн нэгэн сайд нь багийн тоглолтоос гарч, ганцаараа тодорч, попорч болдоггүй онцлогтой.

Манайд, УИХ-аас 2019 онд Үндсэн хуульд нэмэлт өөрчлөлт оруулснаар Ерөнхий сайдын эрх үүрэг нэмэгдсэн. Тэр утгаараа, өнөөгийн Засгийн газар Ерөнхий сайдын бодлогоор явах учиртай.

Харин Ерөнхий сайд Г.Занданшатарын өнгөрсөн зун бүрдүүлсэн Засгийн газрын зарим нэг сайд “жам ёс”-ноос хазайгаад явчих шиг боллоо. Явсаар, үг үйлдэл нь Засгийн газартаа, Ерөнхий сайддаа гай дуудах шинжтэй болоод явчихлаа. Тэр сайд бол мэдээж хэрэг Аж үйлдвэр, эрдэс баялгийн сайд буюу уламжлалт нэршлээр Уул уурхайн сайд Г.Дамдинням юм.

УИХ-д анх удаа сонгогдоод, жилийн дараа Уул уурхайн сайд болно гэдэг бол улс төрийн том карьер мөнөөс мөн. Тиймээс, ингэж олдсон карьерыг хайрлаж явах учиртай юм, уг нь.

Тэгээд ч Г.Дамдиннямын тухайд улс төрийн цэвэр өрсөлдөөнөөр сайд болсон уу гэвэл үгүй л дээ. Улстөрчийн хувьд сайдын зиндаанд ханасан нэр, туршлага хараахан хурааж амжаагүй хүн байгаа юм. Дээрээс нь “жижиг сажиг” алдаа олонтой. УИХ-д сонгогдохоосоо өмнө Хөгжлийн банкны 33 тэрбумын асуудалд нэр холбогдсон. УИХ-ын гишүүн, тэр байтугай Уул уурхайн сайд болсноос нь хойш өнгөрсан намар сонгогдсон тойргийнх нь Сэлэнгэ аймгийн Ерөө сумын иргэн н.Алтантуяа хэвлэлийн бага хурал зарлаж, Ерөө суманд байдаг Хонгор нэртэй томоохон төмрийн хүдрийн нөөцтэй ордод Г.Дамдиннямын санаархал явж байгаа” хэмээн мэдээлж байв.

Мөн Ухаахудагийн хөрсийг хуулдаг компанитай холбоотой нь Уул уурхайн сайд болоход нь сөхөгдөж “...Энэ ашиг сонирхлын зөрчил мөн үү” гэж хүртэл яригдаж л байв. Гэсэн ч тэрээр сайдаар томилогдсон. Томилогдоод хагас жил орчим болж байна.

Энэ хооронд Ерөнхий сайддаа тээг болохуйц хоёр том асуудал тарьжээ. Бас, танхимын сайд нартайгаа таарахгүй ойр зуурын хэрүүл хийгээд болохыг больж байгаа бололтой.

Тодруулбал, Засгийн газар 2025 оны наймдугаар сарын 20-нд АМНАТ тооцох аргачлалд өөрчлөлт оруулсан. Сайд Г.Дамдиннямын танилцуулснаар АМНАТ-ийг биржийн үнээр тооцон хөнгөлж авах шийдвэрийг гаргасан. Өөрөөр хэлбэл, АМНАТ-ийн хөнгөлөлтийн автор нь Г.Дамдинням болсон. Тэрээр “...Жишиг үнээр АМНАТ тооцож, бодит борлуулалтын үнэлгээнээс өндөр төлбөр авдаг байсан нь аж ахуй нэгжид дарамт үүсгэж байсан. Түүхий эдийн үнэ өндөр үед компаниуд тэсч байсан ч, үнэ буурахад алдагдалд орж, үйл ажиллагаа доголдсон. Тиймээс бид бодит үнэлгээнд тулгуурласан, биржийн үнээр тооцдог зарчимд шилжиж байна” гэж тайлбарласан.

Харин УИХ-ын нэр бүхий зарим гишүүн “...АМНАТ-ын аргачлалыг явцуу байдлаар өөрчилж, тодорхой компаниудад давуу байдал олгосон. Үүнийг ирэх оны нэгдүгээр сарын 1-нээс Төсвийн хуульд нийцүүлэн шийдэх байсан. Гэтэл 30-40 цэцэрлэг барихтай дүйцэх 200 тэрбум төгрөг төсөвт төвлөрүүлэх боломжийг хаасан тогтоол баталсан. Энэ бол нүүрсний хулгайгаас ялгаагүй юм. АМНАТ-ийн сөхөж ярихад салбарын сайд нь “...Энэ удаад л өнгөрөөчих” гэж гуйж байна” гэж эсэргүүцсэн. Үүний дараахан АМНАТ-ийн энэ хөнгөлөлтөөс болоод Засгийн газрын огцруулах тухай хүртэл яригдаж, улмаар ажил хэрэг болох дөхсөн. Товчилбол, Засгийн газрынхаа “амь”-нд хүрэх шахсан. Ингээд байхад л сайд Г.Дамдинням “...АМНАТ-тэй холбоотой асуудал улстөржөөд гараад ирсэн. Засгийн газрын бүрэн эрхийн хүрээнд, хуулийн дагуу явсан. “Энержи Ресурс” энэ тогтоолоор давуу байдал аваагүй” гэж гүрийсээр байсан. Харамсалтай нь, АМНАТ-ийн хөнгөлөлтийн гор өнөөдөр ч үргэлжилж байна. Учир нь, эдийн засагчид “...АМНАТ-ийн хөнгөлөлтөөс болж орлого тасраад байна” хэмээн дүгнээд эхэллээ. Үнэхээр ч сүүлийн хоёр сарын хугацаанд Монгол Улсын төрийн сан хөмрөг цалингаас өөрийг санхүүжүүлэхээ үндсэндээ зогсоогоод байгаа юм. Үүнийг эх сурвалжууд янз бүрээр л тайлбарлаж байна. Гэхдээ, тэдний дундаас Монгол Улс уул уурхайгаас, тэр дундаа АМНАТ-өөс гол орлогоо олдог учраас сайд Г.Дамдиннямын санаачилсан хөнгөлөлт л нөлөөлөв бололтой.

Уул уурхайн сайд болгоны тулдаг нэг том асуудал бол шатахууны хомсдол байдаг. Г.Дамдинням ч хоёр сарын өмнөөс энэ бэрхшээлтэй туллаа. Гэвч, монголчууд хоёр сарын туршид шатахууны хомсдолд амьдарч, ШТС-т дугаарлаж өдөр хоногийг өнгөрөөж байна. Мань сайд байнга л “...Шатахууны нийлүүлэлт хэвийн байна”, “...Даваа гаригаас шатахуун хэвийн олгож эхэлнэ” гэх зэргээр хоёр сар л худлаа заллаа. Шатахуун импортлогчидтой уулзахаараа “...Ашгаа бодоод хомсдуулаад байгаа бол торгоно, хариуцлага тооцно” гэнэ. Гэвч, маргааш нь нөгөө л байхь байдгараа, шатахуунд дугаарласан амьдрал үргэлжилж байна. Хамгийн гол нь, Г.Дамдиннямаас өмнөх сайд нар ийм хомсолтой тулж, иргэдээс хатуу хөтүү үг сонсдог ч яаж ийгээд л арилгаж, хэвийн гольдролд нь оруулдаг байв. Яг үнэндээ, цар тахлын хэцүү үе, хойд хөршийн дайны эхэнд ч шатахуун ингэж тасарч хомсдож байгаагүй юм. Ерөөс, энэ бол сайд Г.Дамдиннямын менежмент муутайгийн л шинж гэхэд болно. Өөрөө хойд хөрш рүү, эсвэл өмнөд хөрш рүү холбогдож, ярьж хөөрөөд шатахууны нийлүүлэлтийг төрийн түвшинд шийдчих бололцоотой. Эс бөгөөс өнөөх хэдэн импортлогчидтойгоо хэл үгээ ололцвол тэд шатахууны хомсдол үүсгэхгүйгээ чадна. Анх НИК-ийг хувьчилснаас хойш л Монгол Улс шатахууны хувьд хойд хөршөөс илүүтэй шатахуун импортлогчдынхоо хараат болсон. Тэд 30 жил шатахуун зөөж, жижиглэн худалдаж байна. Тасарвал, хомсдвол хаанаас сэлбэхээ мэдэхтэйгээ болсон. Гэтэл, энэ Г.Дамдинням шатахуун нөөцлөх савных нь хэчнээн зуун тэрбум төгрөгийг шийдүүлж өгөөд байхад л шатахуун хомсдоод байгаа нь гайхмаар л байгаа юм. Г.Дамдинням шиг шатахуун импортлогчдод ингэж асуудлыг нь шийдэж байсан сайд байхгүй, бас Г.Дамдиннямын үе шиг шатахуун ийм удаан хомсдож байсан түүх үгүй юм. Сонин биш гэж үү.

Үүнээс гадна, сайд Г.Дамдинням нэг танхимд суугаа, өөрөөсөө нас, туршлагаар хэд дахин илүү сайд нартай мөчөөрхөлцөөд хэрэг алга. Цахим сүлжээнд гэнэт ЗГХЭГ-ын дарга С.Бямбацогтыг“...Манайх Уул уурхайн хоёр сайдтай болсон. Одоо Аж үйлдвэрийн хоёр дахь сайдтай Үүнд нь С.Бямбацогт “...Г.Дамдинням сайд хариуцсан ажлаа хийж байгаа. Би бас хариуцсан ажлаа хийж байгаа. Ямар нэг үл ойлголцол байхгүй. Зарим нэг ажил дээр Аж үйлдвэр, эрдэс баялгийн яам “Эрдэнэс Монгол” компанитай захирлууд ажлаа уялдуулах тал дээр сул байж магадгүй. Үүнийг уялдуулах тал дээр бид анхаарна. ЗГХЭГ-ын дарга бол салбар хоорондын уялдааг хангах, зохицуулах үүрэгтэй” хэмээн хариулсан. Улс төрийн хүрээнд яригдсанаар тэд “Эрдэнэс Тавантолгой” юм уу, тиймэрхүү ач холбогдол өндөртэй, уул уурхайн компанийн удирдлагын томилгооноос болж муудсан бололтой юм.

Сайд Г.Дамдиннямын муудалцаж, хэрэлдсэн, бүр тодруулбал, эрх мэдэл булаалдсан сайд С.Бямбацогтоор тогтохгүй л дуулдаж байна. Тэр байтугай “…Уул уурхайн компаниуд Уул уурхайн сайдаасаа айгаад зугтдаг боллоо” гэсэн яриа хүртэл тарсан байх юм. Уг нь “...Улстөрч хүн ухаан, тулх хоёрыг чардайтал барьж байж олны итгэл, дэмжлэгийг авдаг номтой, жамтай” гэдгийг Г.Дамдинням ойлголгүй өнөөг хүрчэээ.

Нэг үгээр хэлбэл, сайд Г.Дамдинням Засгийн газартайгаа зам нийлэхгүй байна. Гэвч, Засгийн газар, Г.Дамдинням хоёрын зам нийлэх салах ч яах вэ. Сайд явж л байдаг, ирж л байдаг. Харин тэдний хйисэн алдаа болгоных нь гайг жирийн иргэд үүрч, хэлмэгддэг. Энэ л муу байна.

Эх сурвалж: “Зууны мэдээ” сонин

2025 ОНЫ АРВАНХОЁРДУГААР САРЫН 17. ЛХАГВА ГАРАГ. № 238 (7735)

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

394

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

598

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

783400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

567


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.