2111-р сар, 2026Бямба гараг

Б.Эрдэнэсүхийг АН-аас хасах хүсэлтийг түүний эхнэр намын даргад нь гаргажээ

12 сар 23. 16:363 мин унших

Б.Эрдэнэсүхийг АН-аас хасах хүсэлтийг түүний эхнэр намын даргад нь гаргажээ

20 гаруй жилийн турш эхнэрээ онц хэрцгийгээр зодож гэр бүлийн хүчирхийлэл үйлдсэн гэх НИТХ-ын төлөөлөгч Б.Эрдэнэсүхийн цагдан хориог сунгах эсэх шүүх хурал өнөөдөр товлогдсон.

Тэгвэл энэ цаг мөчид түүний эхнэр О.Нарангарав АН-ын дарга О.Цогтгэрэл, Ерөнхий нарийн бичгийн дарга Н.Ганибал нарт гомдол гаргажээ.

Тодруулбал, Б.Эрдэнэсүхэд хариуцлага тооцож, АН-ын гишүүнчлэлээс хасах хүсэлт гаргасан байна.

ГОМДОЛД:

"Монгол Улсын иргэн О.Нарангарав миний бие, Ардчилсан намын гишүүн, Нийслэлийн иргэдийн төлөөлөгчдийн хурлын төлөөлөгч, НИТХ-ын Ардчилсан намын бүлгийн дарга Бишээгийн Эрдэнэсүхийн гэр бүлийн хүчирхийлэл, хууль бусаар мөрдөн мөшгих, эрүүл мэндэд хохирол учруулах гэмт хэргийн хохирогч болж олон жил түүнд заналхийлүүлж, түүний эрхшээлд байсан хохирогчийн хувьд энэхүү гомдлыг гаргаж байна.

Ардчилсан нам болвоос хүний эрх, хувийн өмч, чөлөөт хэвлэл, олон намын тогтолцоо, ардчилсан сонгууль, эрх зүйт төрийг бий болгохын төлөө өрнөсөн 1990 оны цагаан морин жилийн ардчилсан хувьсгалыг санаачлан эхлүүлж, манлайлан удирдсан иргэдийн эрх, эрх чөлөөг дээдлэн хамгаалагч улс төрийн хүчин билээ. Тийм ч учраас Ардчилсан намын үе үеийн гишүүд, намыг төлөөлөн төрийн удирдах албанд ажиллаж буй албан хаагчид хүний эрхийн төлөө зоригтой тэмцэн дуугарч ирсэн.

Ардчилсан намын гишүүн, Нийслэлийн иргэдийн төлөөлөгчдийн хурлын төлөөлөгч, НИТХ-ын Ардчилсан намын бүлгийн дарга Бишээгийн Эрдэнэсүх буюу миний нөхөр, 4 хүүхдийн минь эцэг болох энэ хүн 2014-2016 онд Ардчилсан намд анх гишүүнээр элсэж, 2017 онд СБД-ийн 16-р хорооны Засаг дарга, 2020 онд СБД-ийн ИТХ-д төлөөлөгч, НИТХ-д төлөөлөгч, АН-ын намын хорооны гишүүн, СБД-ийн 16-р хорооны үүрийн дарга, 2021 оноос АН-ын ҮБХ- гишүүн, НИТХ-д төлөөлөгч, 2024 онд НИТХ-н АН-ын бүлгийн дарга, СБД-ийн Ардчилсан намын дэд дарга зэрэг албан тушаал эрхэлж, Ардчилсан намын нэр хүнд, нөлөөг ашиглан өдийг хүрсэн.

Гэвч Б.Эрдэнэсүх нь Ардчилсан намын дүрмийн 3.7-ийн 3.7.1-д “Монгол Улсын Үндсэн хууль, хууль тогтоомж, Намын ҮзБ, Үнэт зүйлийг эрхэмлэн дээдлэх, мөрийн хөтөлбөр, бодлогыг хэрэгжүүлэх, ҮД, бусад журам, шийдвэрийг даган мөрдөх”, 3.7.3-д “Намын ёс зүй, сахилга батыг чанд сахиж, намын нэр хүндэд харшлах аливаа үйлдэл гаргахгүй байх”, 3.7.5-д “Намаас нэр дэвшин сонгогдсон болон томилогдсон төрийн улс төрийн албан тушаалтан нь үндэсний эрх ашгийг дээдэлж, хууль болон ёс зүйг чандлан сахиж, ашиг сонирхлын аливаа явцуу бүлэглэлийн нөлөөнд автахгүй байх” гэж тус тус заасан гишүүний үүргээ зөрчиж гэр бүлийн хүчирхийлэл үйлдэх, зодох, доромжлох, зодох, хууль бусаар мөрдөж мөшгих зэргээр 20 гаруй жилийн хугацаанд гэр бүлийн гишүүдийн эрх, эрх чөлөөг хязгаарлаж, гэмт хэргийн хохирогч болгож ирсэн.

Иймд, Ардчилсан намын дүрмийн 3.9 дүгээр зүйлд зааснаар Ардчилсан намын гишүүн Бишээгийн Эрдэнэсүхэд намын дүрэм, Монгол Улсын хууль тогтоомжийг зөрчсөн үйлдэлд нь хариуцлага хүлээлгэж, намын гишүүнээс хасаж өгнө үү" гэжээ.

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 360

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

668


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.