2111-р сар, 2026Бямба гараг

БОУАӨ-ИЙН САЙД Б.БАТБААТАР МОНГОЛ УЛСЫН БАЙГАЛЬ ОРЧНЫ БОДЛОГО, МАНЛАЙЛЛЫГ ТАНИЛЦУУЛЛАА

12 сар 9. 9:092 мин унших

БОУАӨ-ИЙН САЙД Б.БАТБААТАР МОНГОЛ УЛСЫН БАЙГАЛЬ ОРЧНЫ БОДЛОГО, МАНЛАЙЛЛЫГ ТАНИЛЦУУЛЛАА

НҮБ-ын Байгаль орчны Ассемблейн 7 дугаар чуулганы хүрээнд биологийн олон янз байдлын асуудал хариуцсан олон талт гэрээ, конвенцуудын Нарийн бичгийн дарга нарын газраас зохион байгуулсан сайд нарын түвшний “Холбоос нутаг: Экосистем, нүүдэллэдэг зэрлэг амьтдын чухал үүрэг болон тэсвэртэй эх дэлхийн төлөө” зэрэгцээ хэлэлцүүлэг зохион байгуулагдаж, Байгаль орчин, уур амьсгалын өөрчлөлтийн сайд Б.Батбаатар Монгол Улсын бодлого, манлайллыг танилцууллаа.

Б.Батбаатар сайдын зүгээс экологийн холбоос нутгийн доройтол хурдацтай явагдаж буйг онцолж “Нүүдлийн соёл, түүний суурь болсон экологийн уялдааг хамгаалахгүй бол экосистем сулран, зэрлэг амьтдын популяци хорогдож, хүн амын амьдралын чанар доройтно” хэмээн мэдэгдэв.

Тэрбээр үргэлжлүүлэн улс орнуудыг зоримог, шуурхай шийдвэр гаргахыг уриалж, экологийн холбоосын асуудлыг уур амьсгал, биологийн олон янз байдал, тогтвортой хөгжлийн гол тулгуур бодлого болгох шаардлагатайг дурдлаа.

Монгол Улс үндэсний бодлого болон олон улсын хамтын ажиллагааны хүрээнд дараах чиглэлд манлайлж ажиллахаар бэлтгэлээ хангаад байгаа тухай сайд онцлов:

  • Нүүдлийн туруутан амьтан болон бэлчээрийн экосистемийг хамгаалахад чиглэгдсэн Бэлчээрийн Тэргүүлэх санаачилга,
  • Сав газрын гидрологийн холбоосыг сэргээх, уялдаатай төлөвлөлт хэрэгжилтэд шилжсэн Усны ба газрын менежментийг уялдуулах санаачилга,
  • Хөгжлийг дэмжих дэд бүтцийн төслүүдийг байгаль орчинд ээлтэй төлөвлөх, бүтээн байгуулах, хөрөнгө оруулалтыг ногооруулах замаар газар нутгийн хуваагдал бус холбоосод чиглэх асуудал зэрэг болно.

Түүнчлэн Монгол Улс ирэх онд НҮБ-ын Цөлжилттэй тэмцэх конвенцын /COP17/ бага хурлыг даргалах бөгөөд уг хурлын үр дүнгээр дээрх санаачилгуудыг бодит шийдвэр болгохоор ажиллаж байгааг давхар танилцуулаад ховор амьтдын хамгааллын тухай тэр дундаа бөхөнгийн асуудлыг “Бүс нутгийн тогтвортой популяцын сэргэлт, эрсдэлээс урьдчилан сэргийлэхийн тулд шинжлэх ухаанд суурилсан шийдвэр гаргалт, нээлттэй хамтын ажиллагаа чухал. Бөхөн бол Монгол-Төв Азийн бүс нутгийн билэг тэмдэг болсон нүүдлийн зүйлийн хувьд хамгаалал нь эмзэг хэвээр” гэдгийг онцлон тэмдэглэв.

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

542

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 360

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

668


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.