Сэтгүүлчдийг яллаж, иргэний үг хэлэх эрхийг тэгнэсэн хууль хэлэлцэхийг Хууль зүйн байнгын хороо хүлээлж авалгүй УНАГААЛАА

​​​​​​​

Өнөөдөр буюу 2025 оны 12-р сарын 30-нд Монгол Улсын Үндсэн хуулийн цэцийн 2025 оны 10 дугаар дүгнэлт /Эрүүгийн хуулийн 13.14 дүгээр зүйл Монгол Улсын Үндсэн хуулийг зөрчсөн эсэх маргааныг хянан шийдвэрлэсэн тухай/ асуудлыг Хууль зүйн байнгын хороо, болон УИХ-ын чуулганы нэгдсэн хуралдаанаар хэлэлцсэн ч хүлээж авалгүй, УИХ-р оруулахгүйгээр саналыг унагажээ. 

Тодруулбал, Эрүүгийн хуулиар сэтгүүлчдийг ялладаг эл заалт нь Үндсэн хууль зөрчсөн. Мөн дан ганц сэтгүүлчдийн ч гэлтгүй иргэний үг хэлэх эрхийг зөрчсөн гэдгийг Үндсэн хуулийн цэц тогтоосон билээ.

Иймд, ҮХЦ-ийн энэхүү дүгнэлтийг УИХ өнөөдөр хүлээж авах эсэх нь анхаарал татах чухал асуудал байсан юм. УИХ хүлээж авахгүй бол ҮХЦ Их суудлын хуралдаанаараа хэлэлцэх дараагийн үйл явц руу шилжиж, сунжирна.

Хэрэв УИХ хүлээж авбал, Эрүүгийн хуулиас дээрх заалт хасагдах байсан билээ. 

Олон нийт шинэ оны баярын уур амьсгалтай энэ үед Үндсэн хуулийн цэцийн дүгнэлтийг хүлээж авахгүй буцаах вий гэсэн болгоомжлол үүсээд байсан. Эрх баригч чухал болон хулгайн хуулийн төслүүдээ иргэдийн анхаарал суларсан баяр наадмын үеийг давхцуулан оруулж ирдэг.

Энэ удаад ч бас. Шинэ оны босгон дээр иргэдийн үг хэлэх, мэдэх эрхийг хөндсөн чухал асуудлыг өнөөдөр хэлэлцэх байсан. 

ГЭТЭЛ “Эрүүгийн хуулийн 13.14 заалт нь Үндсэн хууль зөрчсөн” гэж үзсэн ҮХЦ-ийн дүгнэлтийг ХЗБХ хүлээж авалгүй, УНАГААЛАА....