2111-р сар, 2026Бямба гараг

Малын вакцины хадгалалт, тээвэрлэлтийн горимыг малчны хотонд хүрэх хүртэл мөрдүүлж ажиллахыг үүрэг болгов

1 сар 2. 18:502 мин унших

Малын вакцины хадгалалт, тээвэрлэлтийн горимыг малчны хотонд хүрэх хүртэл мөрдүүлж ажиллахыг үүрэг болгов

Хүнс, хөдөө аж ахуй, хөнгөн үйлдвэрийн сайд М.Бадамсүрэн, дэд сайд Б.Нямжав болон холбогдох албаныхан өнөөдөр буюу 2026 оны нэгдүгээр сарын 2-ны өдөр “Биокамбинат” ТӨХХК, “Мал эмнэлгийн эмийн сорилт, баталгаажуулалтын  улсын  лабортари”  УТҮГ-т ажиллалаа.

“Биокомбинат” ТӨХХК 44 нэр төрлийн шингэн вакцин, 21 нэрийн хуурайшуулсан вакцин, 20 оношлуур, гурван нэр төрлийн шингэлэгч үйлдвэрлэдэг. Өнгөрсөн онд Дэлхийн банкны санхүүжилт, “Хүнсний болон хөдөө аж ахуйн үйлдвэрлэлийг дэмжих хөрөнгө оруулалтын хөнгөлөлттэй зээлээр вирусийн гаралтай вакцины технологийг шугаман эсийн технологид шилжүүлэх, шингэн вакцины савлагааг автоматжуулах хоёр төсөл хэрэгжүүлж, үйлдвэрийн технологио сайжруулсан байна.

Цаашид хуурай вакцины цехэд техникийн иж бүрэн шинэчлэл хийх нэн шаардлагатай бөгөөд үүнд 3,5 тэрбум төгрөгийн санхүүжилт хэрэгтэй байгаа гэв.

"Мал эмнэлгийн эмийн сорилт, баталгаажуулалтын  улсын  лабортарои”  УТҮГ-нь 2025 онд олон улсын гурван стандартаар итгэмжлэгдсэн бөгөөд өнгөрсөн онд 72 аж ахуйн нэгжийн 419 нэр төрлийн 769 цуврал импортын болон дотоодын үйлдвэрлэлийн малын эм, биобэлдмэл, тэжээлийн нэмэлт бүтээгдэхүүнд сорилт, шинжилгээ хийн баталгаажуулалтын дүгнэлт гарган ажиллажээ. 

Байгууллагын удирдлага, албан хаагчдын зүгээс  тус лабораторийг Улсын мал эмнэлэг ариун цэврийн төв лабораторитой нэгтгэх Засгийн газрын шийдвэрийг эргэн харах хэрэгтэй байгааг тодотгоод  цаашид мэргэшсэн боловсон хүчнийг тогтвор суурьшилтай ажиллахад бодлогоор дэмжих,  өндөр үнэтэй стандарт бодисыг улсын төсөвт суулгах зэрэг тулгамдсан асуудлаа салбарын яамны удирдлагуудад уламжиллаа.  

ХХААХҮ-ийн сайд М.Бадамсүрэн цаашид байгууллага хоорондын уялдаа холбоог сайжруулж, цаашдын бизнес төлөвлөгөөг нарийвчлан гаргах, батлагдсан жилийн төсөв, бусад нөөц боломжийг ашиглаж технологийн шинэчлэл хийх, вакцины хадгалалт, тээвэрлэлтийн горимыг малчны хотонд хүрэх хүртэл мөрдүүлж ажиллахыг үүрэг болгов.

Мөн малын вакцинжуулалт малын эрүүл мэнд,  хүнсний аюулгүй байдал,  цаашлаад мах, махан бүтээгдүүхүүний экспортод нэн чухал тул санхүүжилтийг танах учиргүй гээд анхаарал хандуулахаа тэмдэглэн хэллээ.

 

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

544

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 362

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

669


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.