2111-р сар, 2026Бямба гараг

Авлига цэцэглэсэн гаалийг эрх зүйч, улс төрийн ажилтан П.Дэлгэрнаран цэгцэлж чадах уу?

1 сар 8. 12:373 мин унших

Авлига цэцэглэсэн гаалийг эрх зүйч, улс төрийн ажилтан П.Дэлгэрнаран цэгцэлж чадах уу?

Төр албаны мерит зарчим гэж яриад удсан. Энэ нь албан хаагчдыг сонгох, дэвшүүлэхдээ улс төр хамаарал, танил талаас хамааралгүй байлгахыг хэлдэг. Харин зөвхөн хүний мэдлэг, ур чадвар, туршлага, ажлын үр дүнг гол шалгуур болгодог.

Мерит зарчим хэрэгжвэл төрийн албанд ил тод, шударга өрсөлдөөний зарчмыг бий болгож, боловсрол эзэмших, чадвараа хөгжүүлэхийг дэмжиж, улмаар төрийн үйлчилгээний чанар дээшилнэ.

 

Харамсалтай нь төрийн ямар ч албаны дунд доод шатанд энэ зарчим хэрэгждэг. Гэхдээ заримдаа. Харин дээд түвшинд нь огт үгүй. Ямар ч байгууллага, агентлагийн даргаар гэнэтхэн дээвэр дээрээс Карлсон шиг нэг нөхөр бууж ирээд суучихдаг. Ингэдэг жишээ улам олон болж байна.

 

Ийм байхад төрд мерит зарчим үйлчлэх тухай асуудал хэрэгжих нь тааруу, магадгүй хэзээ ч хэрэгжихгүй байх. Өчигдрийн нэг томилгоо үүний бас нэг жишээ. Яг нэг сарын өмнө “Гааль болохоо болилоо. Авлига хүнд суртал нь дийлдэхгүй нь” гээд Засгийн газраас ГЕГ-ын дарга Р.Отгонжаргалыг чөлөөлсөн. Орных нь хүнийг өчигдөр томиллоо. СЕХ-ны даргаас хүсэлтээрээ чөлөөлөгдсөн П.Дэлгэрнаранг тавьчих юм. Гэтэл тэр хүнд чинь санхүү, эдийн засгийн мэдлэг, туршлага алга. П.Дэлгэрнаран 1989 онд ОХУ-ын Москва хотод Цэргийн дээд сургуулийг улс төрийн ажилтан мэргэжлээр, 1996 онд МУИС-ийн Хууль зүйн сургуулийг эрх зүйч мэргэжлээр төгссөн хүн байна. Гялайх юм нь олон байгууллагын даргаар ажиллаж иржээ. Москвад Цэргийн дээд сургуулийг улс төрийн ажилтан мэргэжлээр төгсөж ирээд Талх чихэр үйлдвэрийн хорооны дарга, Улаанбаатар хотын Хөдөлмөрч залуучуудын эвлэлийн дэд дарга, Улаанбаатар хотын Залуучуудын холбооны дарга, Хүн ам, бодлого хөгжлийн яаманд ахлах түшмэл, 1995-1997 онд УИХ дахь МАХН-ын бүлэгт зөвлөх байхдаа МУИС-ийн Хууль зүйн сургуулийг эрх зүйч мэргэжлээр төгссөн. Тэгээд “Прогоноз” төвд эрдэм шинжилгээний ажилтан, ҮСАХ-гийн захирал, Нийслэлийн өмчийн харилцааны газрын дарга, БЗД-ийн Засаг даргын орлогч, “Автобус 3” компанийн захирал, Автотээврийн газрын дарга, “Автотээврийн үндэсний төв” ТӨҮГ-ын тэргүүн дэд захирал, захирлын зөвлөх, УИХ-ын Тамгын газрын Захиргаа, хүний нөөцийн хэлтсийн ахлах референтээр ажиллаж байгаад 2020 оны наймдугаар сараас 2025 оны арванхоёрдугаар сар хүртэл СЕХ-ны даргаар томилогдон ажилласан байна. ГЕГ бол улсын төсвийн орлогыг бүрдүүлэхэд чухал үүрэгтэй. Энэ үүргийг гүйцэтгэхэд ГЕГ-ыг удирдаж байгаа хүн даргаас гадна эдийн засагч байхаас өөр аргагүй.

 

Сарын өмнө чөлөөлөгдсөн Р.Отгонжаргалд ГЕГ-ын даргын ажлыг хийхэд энэ шаардлага дутсан гэдэг. Учир нь ГЕГ сүүлийн жилүүдэд төсөвт төвлөрүүлэх төлөвлөгөөт орлогыг бүрдүүлж дийлэхээ больсон. Тэр утгаараа П.Дэлгэрнаран энэ шаардлагыг хангах уу гэдэг зүйл яригдаж байна.

 

Гэхдээ Р.Отгонжаргалыг явуулахад үүнээс илүүтэй улс төрийн хамаарал нь нөлөөлсөн. Тэрээр УИХ-ын дарга асан Д.Амарбаясгалангийн хаягтай нэгэн. Нутаг уснаасаа эхлээд холбогддог. Гэвч П.Дэлгэрнаран ч ялгаагүй. УИХ-ын гишүүн Л.Энх-Амгалангийн нэртэй хүн. Нутаг нэг гээд эхэлнэ. Олон л сэжмээр холбогдоно. Л.Энх-Амгалан өнгөрсөн зунаас хойш МАН-ын бүлгийн дарга, УИХ-ын дарга гээд суудал онгойх бүрд нэр нь яригдсан ч аль дээр нь ч сууж чадаагүй. Тийм болохоор “П,Дэлгэрнаранг ГЕГ-ын дарга болгож Л.Энх-Амгалангийн санааг амраав уу” гэж улс төрийн орчныхон шивнэлдэж байгаа юм шиг байна. Түүнээс гадна ГЕГ авлигажсан системтэй байгууллага болчихсон. Тус газарт “Баатарын”, “Адьшаагийн”, “Цэнгэлийн”, “Бат-Эрдэнийн” гээд үе үеийнхний толгойтой авлигын сүлжээ одоо ч оршсоор байдаг. Тэдний хэн нь гаалийг атгах вэ гэдэг дээрээ тэмцэлдсээр ирсэн. Одоо ч тийм. Хэн хэнийгээ дийлэхийн тулд хэвлэл, хууль хяналтынханд матаас хүргэж бие биеэ барьж өгнө.

Уудалбал ухаад дуусахгүй. Энэ бас л шинэ дарга П.Дэлгэрнаранд тавигдах шаардлага. Товчилж хэлэх юм бол түүнд эдийн засагч байх, авлигын сүлжээг таслах гэсэн хоёр том хэрнээ шалгуур тавигдаж байна. Тэдгээрт нийцэх үү. Ерөөс авлига цэцэглэсэн гаалийг эрх зүйч, улс төрийн ажилтан П.Дэлгэрнаран цэгцэлж чадах уу.

Ө.ЗАРЛИГ

сонин.мн

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

398

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

600

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

544

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

783400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

571


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.