2111-р сар, 2026Бямба гараг

Р.Даваадорж: Нүүрсний олборлолт багасахаар үнэ нь өснө. Үүний нэг тод жишээ Индонез улс болж байна

1 сар 17. 11:073 мин унших

Индонез улс нүүрсний олборлолтоо огцом танаж буй талаар эдийн засагч Р.Даваадоржоос дараахь тодруулгыг авлаа.


-Дэлхийд тэргүүлэгч нүүрс экспортлогч Индонез улс нүүрсний экспортоо бууруулж буйг та хэрхэн ажиглаж байна вэ?

-Индонезийн Засгийн газар энэ жил нүүрсний олборлолтоо 600 сая тонн болгон бууруулахаар төлөвлөж байна. Энэ нь өмнөх оноос бараг 200 сая тонн бага үзүүлэлт. Үүнийг Индонез улсын эрчим хүчний сайд албан ёсоор баталсан. Засгийн газрын үнэлгээгээр өнөөгийн нүүрсний үнийн уналтад илүүдэл нийлүүлэлтэд Индонезийн экспорт чухал нөлөө үзүүлж байгаа юм билээ. Дэлхийн нүүрсний худалдаа жилд ойролцоогоор 1.5 тэрбум тонн-д хүрдэг. Үүний 500 сая тонныг нь Индонез улс дангаараа экспортолдог нь дэлхийн нийт экспортын бараг гуравны нэг юм. Ийм хэмжээний нийлүүлэлт нь Индонезийг үнийн түвшинд шууд нөлөөлж байна лдаа.

-Энэ нь дэлхийн нүүрсний зах зээлд хэрхэн нөлөөлөх бол?

-Нүүрсний олборлолт болон экспортын хэмжээг эрс бууруулснаар нүүрсний үнийг өсгөж чадна гэсэн үг. Гол зорилго нь дэлхийн нүүрсний үнийг тогтворжуулах. Индонезийн э кс по р т н ь ма н а йх шиг нүүрснээс их хамааралтай. Ер нь байгалийн баялаг бол дээрээс нь ухахаар үнэ багатай гараад, доошоо ухаад эхлэхээр нүүрс гаргаж авч байгаа өртөг нь өндөр болчихдог. Гаргаж авч байгаа олборлолтынх нь үнэ Хятадад өгөх үнэтэйгээ ойролцоо болж байгаа нь үүнд нөлөөлж байгаа юм. Өөрөөр хэлбэл, 1 тонн нүүрс гаргаад 50 ам.доллараар өгдөг байсан бол, буцаагаад 50 ам.доллараар зарахаар утгагүй болчихож байна. Тиймээс ийм арга хэмжээ авч байгаа юм.

 

-Тэгвэл манайд нөлөөлөх болов уу?

-Индонез улс бол тэр чигээрээ эрчим хүчнийхээ нүүрснийхээ үнийг өсгөх гэж байна. Коксжих нүүрсний үнэ эрчим хүчний нүүрснээс өндөр байдаг. Гэхдээ манай коксжих нүүрсэнд айхавтар нөлөөлөхгүй байх л гэж бодож байна. Ер нь нүүрсний үнэ унаад эхлэнгүүт бусад улс орнууд ч өндөр хэмжээний мөнгө төлж, нүүрсийг гаргаж авчихаад яг тэр хэмжээгээрээ зарахаас татгалзаж байгаа.

Тухайлбал, экспортын маш их хэмжээний нүүрс гаргадаг улс бол Орос. Оросын бүх том нүүрсний компаниуд нь дампуурсан. Тийм учраас нүүрсний салбараа амьд байлгахын тулд төрөөс нь хүүгүй зээл өгөх, татаас өгөх зэрэг арга хэмжээнүүд өнгөрсөн жил авсан. Гэхдээ зөвхөн нүүрсний салбар нь дотооддоо орж байгаа валютаас гадна маш олон хүмүүсийн амьдрал болон нийгэмд чухал хэрэгтэй зүйлсүүд яригдана. Тийм учраас Оросууд маш их дэмжсэн. Тэгсэн хэдий ч бараг дампуурах янзтай болчихлоо.

Гэхдээ үүнийг манайх соргогоор ашиглах ёстой гэж бодож байна. Манайх нүүрсний салбар дээр хөнгөлөлт үзүүлэх арга хэмжээ авах хэрэгтэй. Дэлхийн зах зээл дээр нүүрсний үнэ уначихсан байгаа үед зөв тийш нь залахгүй тэр чигтээ зөнд нь хаяж болдоггүй.

-Индонез улс өмнө жилээс 200 сая тонноор нүүрсний олборлолтоо бууруулах юм билээ. Энэ нь Хятад, Австрали зэрэг улсын нүүрсний зах зээлд яаж нөлөөлөх бол?

-200 сая гэдэг чинь маш их. Хятадууд 500-гаад сая тонн эрчим хүчний нүүрсийг гаднаас авдаг. Тэрний тал нь алга болно гэхээр үнэ нь найдвартай өснө гэсэн үг. Хятадууд бараг дөрвөн тэрбум гаруй тонн нүүрсийг бүтэн жилд хэрэглэдэг. Өөрсдөө бараг дөрвөн тэрбум тонн орчим нүүрс дотоодоосоо гаргадаг. Хятадын нүүрсний салбар ч үнэ нь уначихаар хүнд байна гэсэн үг.

Тийм учраас орон нутгийнх нь уурхайнууд үнээ өсгөх тал дээр анхаарч байгаа юм билээ. Ер нь Орос, Индонез, Австрали, Хятад зэрэг улсын нүүрсний уурхайн нөхцөл байдлыг хараад байхаар өнгөрсөн жилүүдийн зарагдсан нүүрсний үнэ хаа хаанаа салбаруудыг дампууруулж байгаа. Тэгэнгүүт нүүрсний олборлолт багасаад ирэхээр хүссэн хүсээгүй үнэ нь өсөх байх гэж таамаглаж байна. Үүний нэг тод жишээ нь, Индонез улс болж байна.

 

Г.БАЛГАРМАА

ӨДРИЙН СОНИН
 

Энэ мэдээ танд ямар мэдрэмж төрүүлж байна?

Санал болгох

Хэрэглээний бараа, үйлчилгээний үнэ улсын хэмжээнд 13.4 хувиар нэмэгджээ

Монгол Улсын нийгэм, эдийн засгийн 2026 оны эхний 10 сарын голлох үзүүлэлтүүдийг ҮСХ-ны Дотоод аудит, хяналт, шинжилгээ-үнэлгээний газрын дарга Н.Мөнхбаяр өнөөдөр /2026.11.17/ танилцууллаа. Хэрэглээний бараа, үйлчилгээний үнэ улсын хэмжээнд 13.4 хувиар өсөж, инфляцын түвшин өмнөх оны мөн үеэс нэмэгдсэн үзүүлэлттэй гарчээ. Инфляцад хүнсний бараа, ундаа, усны бүлгийн үнийн өсөлт хамгийн их нөлөөлсөн бөгөөд тус бүлгийн үнэ 19.8 хувиар өссөн байна. Мөн зочид буудал, нийтийн хоол, дотуур байрны үйлчилгээний үнэ 19.8 хувь, тээврийн бүлгийн үнэ 19.3 хувь, согтууруулах ундаа, тамхины үнэ 16.5 хувиар нэмэгджээ. Түүнчлэн боловсролын үйлчилгээний үнэ 17.7 хувь, даатгал, санхүүгийн үйлчилгээ 17.1 хувь, хувцас, бөс бараа, гутлын үнэ 8.5 хувь, гэр ахуйн тавилга, барааны үнэ 7.7 хувь, эм, тариа, эмнэлгийн үйлчилгээний үнэ 6.9 хувиар өссөн байна. Харин орон сууц, ус, цахилгаан, түлшний бүлгийн үнэ 5.9 хувь, амралт, чөлөөт цаг, соёлын бараа, үйлчилгээний үнэ 8.4 хувь, холбооны хэрэгсэл, шуудангийн үйлчилгээний үнэ 1.2 хувиар тус тус нэмэгдсэн үзүүлэлттэй гарчээ. Инфляцын түвшнийг бараа, үйлчилгээний бүлгээр авч үзвэл барааны бүлгийн үнэ 14.3 хувь, үйлчилгээний бүлгийн үнэ 11.1 хувиар өссөн байна. Монгол Улсын гадаад худалдааны нийт бараа эргэлт 2026 оны эхний 10 сарын байдлаар өмнөх оны мөн үеэс өссөн үзүүлэлттэй гарчээ

769

ҮНЭ ХАНШ: Үхрийн махны үнэ нэмэгджээ

Үндэсний статистикийн хорооноос /ҮСХ/ долоо хоног тутамд гол нэрийн бараа бүтээгдэхүүний зах зээлийн үнийг судалж гаргадаг. Энэхүү судалгаагаар бараа бүтээгдэхүүний үнэ өмнөх сараас хоёр хувиар өсөж, өмнөх долоо хоногоос 0.4 хувиар тус тус өссөн үзүүлэлттэй гарчээ

1 304

Оюу толгойн ногдол ашгийг ард түмэн бид ам.доллараар авъя!

“Алаагүй баавгайн арьсыг арав хувааж булаацалдана” гэж ярьдаг шиг аваагүй байгаа Оюу толгойн ногдол ашгийг бэлнээр авъя, хуримтлалдаа хийе, томоохон төсөл, хөтөлбөрөө санхүүжүүлье гэсэн санал дээр нийгэм талцаж байна. Нийгэм ч юу байхав дээ, ард түмний хувьд дийлэнх нь санал нэгтэйгээр уг ногдол ашгийг хувь, хувийнхаа дансанд авъя л гэж байгаа юм

1 252

Хэрэглээний зээлээ 48 сар хүртэл сунгах боломжтой боллоо

Санхүүгийн хүндрэлд орсон иргэд хэрэглээний зээлийнхээ хугацааг нийт 48 сар хүртэл сунгах боломжтой боллоо. Монголбанкны Мөнгөний бодлогын хороо арваннэгдүгээр сарын 3-ны хуралдаанаараа эл шийдвэрийг гаргасан. Сунгалт нь банк нэмэлт зээл олгохгүйгээр зээлд бүтцийн өөрчлөлт хийх тохиолдолд хамаарна. Ийм үед өр, орлогын харьцааны хязгаарлалтыг мөрдөхгүй гэв. Өөрөөр хэлбэл, орлого нь буурсан зээлдэгч сарын төлбөрөө бууруулж, хугацаагаа уртасгах боломж нээгдэх юм байна. Мөн хуралдаанаар бодлогын хүүг 12.5%-д хэвээр үлдээсэн

1 370400256365b9db8d707224

ҮНЭ ХАНШ: Гурил, сүү, өндөг, төмс, лууван, ногоон цай, шатахуун, дизелийн үнэ нэмэгджээ

Улаанбаатар хотод 2026 оны аравдугаар сарын 26-ны байдлаар гол нэрийн зарим барааны үнэ өмнөх сараас 4.2 хувиар, өмнөх 7 хоногоос 2.0 хувиар тус тус өссөн хэмээн ҮСХ-ноос мэдээллээ. Үнийн өсөлтөд гурил, сүү, өндөг, ногоон цай, төмс, лууван, шатахуун, дизель үнэ нэмэгдсэн нь голлон нөлөөлжээ. Захуудад үхрийн мах ястай нь нэг килограмм нь 27,000-37,800 төгрөгийн үнэтэй байгаа бол ясгүй цул нь 29,000-42,800 үнэтэй байна

1 621


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.