2111-р сар, 2026Бямба гараг

Т.Доржханд улс төрөөс явбал Монгол Улс сүйрнэ гэв үү?!

1 сар 23. 9:263 мин унших

Улстөрч хүний шалгуур юу байдаг гээч... Хэрэв улс төрд орж ийм нэр зүүсэн бол амаа хянаж чанга байлгах, ажлаа сайн хийх хоёрын жин панг тааруулж байх хэрэгтэй гэдэг.

Ам нь ажлаасаа илүү гарч болохгүй, нийлэх ёстой гэсэн үг. Учир нь сонгууль хугацаа богино, сонгогдоод л маргааш нь шахам дүнгээ тавиулах болдог. Гэхдээ, улстөрчид сонгогчдыг аргалдаг. Сурчихсан. Харин байгалийн араншиг аргалж чаддаггүй юм байна. Сүүлийн хэдэн өдөр ойрын жилүүдэд байгаагүйгээр онцгой хүйтрэв. Ядахад яр гэдэг шиг “ТЭЦ-4”-т гэмтэл гарч, нийслэл даяар харанхуй нүүрлээд, хөлдөх шахлаа. Өөрөөр хэлбэл, эрчим хүчний асуудал үүсэв. Тэгмэгц, Шадар сайд Т.Доржханд 2025 оны нэгдүгээр сарын 16-нд баахан хэвлэлийн камерын өмнө “…Хэрвээ 2-3 жилийн дараа гэхэд Монгол Улс эрчим хүчээр өөрийгөө хангаж чадахгүй байвал би хариуцлага хүлээгээд улс төрөөс явахад бэлэн байна” гэж мэдэгдсэн нь сөхөгдөөд гарч ирэв. Учир нь түүний тэгж ярьсан нь бүхий л төрлийн хэвлэлд хадаастай үлджээ. Хэвлэл, олон нийтийн сүлжээгээр нэг тэр мэдэгдлийг сөхөв. Хэлсэндээ хүрч, улс төрөөс явахыг сануулав. Гэтэл тэрээр үүнийг хүлээн зөвшөөрсөнгүй, дамаар хэлсэндээ хүрэхийг ч хүссэнгүй бололтой. Шадар сайд Т.Доржханд 2026 оны нэгдүгээр сарын 21-нд цахим хуудастаа “…Улстөрөөс өнөөдөр ч гарч болно. Харин хэн популизмыг сөрж, иргэдэд таалагдахгүй ч алсдаа улс оронд хэрэгтэй ажил хийх вэ. Дэлхийн дайнууд 100 жил эрчим хүч дээр үүссэн. Өнөөдөр улам бүр хурцдаж байгааг Венесуэлийн жишээнээс харж болно. Бүтээлч оюун ухаан эрчим хүчний хэрэглээг огцом өсгөж, дэлхийн улсууд цэвэр эрчим хүч, чухал ашигт малтмалын нөөцийг хэн хянах вэ гэж илүү өрсөлдөж байна.

Гэтэл, Монгол Улс эрчим хүчний газрын дор болон дээр хангалттай нөөцтэй боловч 40 жил цахилгаан станц бариагүй байна. Учир нь төр үнийг өртгөөс нь бага түвшинд хатуу барьсан. Эрчим хүчний бие даасан байдлыг хангахаар 2024 оны есдүгээр сард Эрчим хүчний реформын үндэсний хороо байгуулагдаж үнийг өртөгт дөхүүлсэн. Үр дүнд нь төслүүд эдийн засгийн үр ашигтай “bankable” болж, 8.0 их наядын санхүүжилт төрд биш хувийн секторт боссон. Харин популист улстөрчдийн шахалтаар хороо нэг жил ч хүрээгүй татан буугдсан. Одоо тэдгээр хүмүүс нь ам асууж байх шиг байна.

Монгол Улсад төмөр зам тавих гэхээр өргөн царигаар тавь гэж шахдаг, цахилгаан станц барих гэхээр Хятадууд Монголыг эзэллээ гэж эсэргүүцдэг та нар шиг Ояа, Мояа, Женкочдоос айж зугтдаг нь би биш” гэх мэдэгдлийг хийлээ.

Шадар сайд Т.Доржхандын шалтаг тоочсон мэдэгдлээс “...Улстөрөөс өнөөдөр ч гарч болно. Харин хэн популизмыг сөрж, иргэдэд таалагдахгүй ч алсдаа улс оронд хэрэгтэй ажил хийх вэ” гэдэг дээр тогтож хараарай. Үүнийг “…Би улс төрөөс явбал Монгол Улс сүйрнэ” хэмээн “орчуулагдаж” байна. Олон нийт, улс төрийн хүрээнийхэн ч ингэж ойлгожээ.

Ер нь бол, Монгол Улсын Шадар сайд, ХҮН намын дарга Т.Доржханд олон нийт хүлээн зөвшөөрдөггүй, хэлсэн ярьсан нь итгэл төрүүлдэггүй ч өндөр сэнтийд суусаар байдаг улстөрчдийн нэг байгаа юм. Түүх нь, ХҮН намын хүчтэй, дэмжлэгтэй байх үеэс үлдсэн нэр хүнд дээр тус намын зарим дарга УИХ-д орж ирсэн. Тэднээс хамгийн “алдартай” нь намын дарга Т.Доржханд болсон. Учир нь, тэрээр УИХ-ын гишүүн болонгуутаа үдээсгүй бор пүүз жийж Төрийн ордны босгыг давж байлаа. Энэ нь, “...Монголын улс төрийн чөлөөт дуу хоолой” хэмээх далд утгатай акц байсан гэдэг. Төрийн ордон руу “углаж” орсон акц нь санасан үр дүн үзүүлсэн. Олны анхаарлыг татсан. Гэхдээ Т.Доржханд тун удалгүй хослол өмсөж, зангиа шахаад, лактай шаахай жийх болсон. МАН-ын Засгийн газарт нэгдэж, Монгол Улсын Шадар сайд болсон. Гэвч, өнөөдрийг хүртэл олонд хүлээн зөвшөөрөгдөж амжаагүй байдаг. “...Ядахад яр” гэдэг шиг ганцхан жилийн өмнө “шал дэмий юм” ярьсан нь өнөөдөр улс төрийнх нь карьерт цэг хатгахад хүргэлээ.

 

Б.ОЧИР

Эх сурвалж: “Зууны мэдээ” сонин

2026 ОНЫ НЭГДҮГЭЭР САРЫН 23. БААСАН ГАРАГ. № 15 (7757)

Энэ мэдээ танд ямар мэдрэмж төрүүлж байна?

Санал болгох

Хошууч генерал Б.Хурц: Нам минь болохоо байлаа гээд залуучууд маань нэгдэж өнөөдрийн "ОНЦ" их хурлыг зарлалаа. Нөгөө талаас МАН өглөө болгон бидэнд бэлэг барьдаг боллоо.

Хошууч генерал Б.Хурц: Нам минь болохоо байлаа гээд залуучууд маань нэгдэж өнөөдрийн "ОНЦ" их хурлыг зарлалаа

1 077

Хяналтын байгууллага нь намын удирдлагаа огцруулах ямар ч боломжгүй тул С.Баярцогт АН-ын ЕНБДарга хэвээрээ

Ардчилсан Намын Хяналтын Ерөнхий Хороо өнгөрсөн Баасан гарагийн орой яаран хуралдаж, АН-ын Ерөнхий Нарийн Бичгийн Дарга С.Баярцогтыг огцруулж байна гэх мэдээлэл хийв. Тэдний гаргасан албан мэдээнд: "Хяналтын Ерөнхий хорооны 15 гишүүнээс 13 гишүүн оролцож, 100 хувийн саналаар С.Баярцогтыг АН-ын ЕНБДаргаас чөлөөллөө. “Ардчилсан намын дотоод сонгуультай холбоотой гарсан будлианы улмаас АН-ын зарим хороон дээр дахин сонгууль явуулах шийдвэр гаргаж, АН-ын ХЭЕГ, түүний удирдлага буюу ЕНБДаргад чиглэл өгсөн хэдий ч удаа дараа өгсөн үүргийг биелүүлэлгүй олон сар болсон учраас Ардчилсан намын гишүүдийн гомдол, саналыг биелүүлэхгүй байгаа ЕНБД С.Баярцогтыг албан тушаалаас нь чөлөөлөх шийдвэр гаргасан болно.” гэсэн байлаа. Мөн энэ үеэр УИХ-ын гишүүн асан, ХЕХ-ны гишүүн Д.Ганхуяг : "АН-ын гүйцэтгэх удирдлага дүрмээ ягштал мөрдөх ёстой. Гэтэл дүрмээ биелүүлэхгүй байна

1 022

АН: Оюутолгойгоос орж ирэх 3 их наяд төгрөг ногдол ашиг мөн үү гэдгийг нягтлах хэрэгтэй

Ардчилсан намын “4:11 мэдээллийн цаг” ээлжит хэвлэлийн бага хурал өнөөдөр /2026.11.05/ Төрийн ордонд болж, цаг үеийн асуудлаар мэдээлэл хийлээ. Хэвлэлийн бага хуралд Ардчилсан намын Дарга О.Цогтгэрэл, УИХ дахь Ардчилсан намын бүлгийн дарга Б.Түвшин, Ардчилсан намын Олон нийттэй харилцах бодлого хариуцсан Нарийн бичгийн дарга Г.Лхагвадорж нар оролцов. ​​​​​​​ Энэ үеэр Ардчилсан намын Дарга О.Цогтгэрэл: "Сүүлийн үед улстөрд өрнөөд байгаа олон асуудал бий

907

Ж.Баярмаа: Төрийн аль аль байгууллага дэргэдээ хэвлэл мэдээллийн хэрэгсэлтэй байгааг шалгана

УИХ дахь Ардчилсан Намын бүлгийн ээлжит хуралдаанаар хэлэлцсэн асуудлын талаар мэдээлэл өглөө. Өнөөдрийн хуралдаанаар хэвлэлийн эрх чөлөөний тухай асуудлыг хэлэлцсэн болохыг бүлгийн дарга Б.Түвшин танилцуулав

1 6437802185652519accb4c45

Х.Тэмүүжин : Шүүх аль эрт шүүх биш болоод, өөрөө яллагч болж хувирчихсаны шинж

Ардчилсан намын “4:11 мэдээллийн цаг” ээлжит хэвлэлийн бага хурал өнөөдөр боллоо. Энэ үеэр УИХ-ын гишүүн Х.Тэмүүжин "Монгол Улсын Үндсэн хуулийн 16 дугаар зүйлд байгаа шударгаар шүүлгэх эрх буюу иргэний үндсэн эрхийн заалт байна. Энэ шударгаар шүүлгэх эрх дотроо хоёр агуулгатай

1 083

УИХ-ын гишүүн Л.Гантөмөр: Төсвийн алдагдал тутамд төгрөг хэвлэгдэнэ

УИХ дахь Ардчилсан намын бүлгийн гишүүд Оюутолгойгоос орж ирэх гурван их наяд төгрөг болон 2027 оны төсөвтэй холбоотой асуудлаар хэвлэлийн хурал зохион байгууллаа. Энэ үеэр УИХ-ын гишүүн Л.Гантөмөр тус гурван их наяд төгрөгийг ард иргэдэд тарааж өгөх ёстой асуудлаар байр сууриа илэрхийлэв. Тэрбээр "Үнийн дарамтад байгаа монголчуудын төлөө УИХ, Засгийн газар юу хийж чадах вэ гэдэг асуултад хариулах цаг нь болсон. Тиймээс Оюутолгойгоос гурван их наяд төгрөгийн ногдол ашгийг авах хэрэгтэй

999


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.