2111-р сар, 2026Бямба гараг

Бүсийн “босс”-ууд

1 сар 27. 7:595 мин унших

Улс төрийн намууд дотооддоо нэлээд хөдөлгөөн хийж эхэллээ.  Дээд шүүхээс МАН-ын даргаар Н.Учрал,  АН-ын даргаар О.Цогтгэрэлийг баталгаажуулсан.  Нэмээд намуудын шинэчилсэн дүрмийг баталсан.  Тэгэхээр нам дотор эрх мэдлийн шинэ хуваарилалтууд явагдаж байна.  Мөн намын дарга нар өөрсдийн стратеги, тоглоомын дүрмээ танилцуулж эхэлсэн.  МАН-ын дарга Н.Учрал,  АН-ын дарга О.Цогтгэрэл нарын эхний сорилт бол мэдээж 2027 оны Ерөнхийлөгчийн сонгууль. Энэ сонгуульд намаа ялуулж чадсан нь намын даргаараа үлдэж, 2028 оны УИХ-ын сонгуульд орно.  Харин нам нь ялагдвал мэдээж хариуцлагаа хүлээдэг улс төрийн жишиг бий.  Тэгэхээр намын дарга нар стратеги, дүрэм, журам, багаа бүрдүүлэх дээр нэлээд анхаарч байна.  Өнгөрсөн УИХ-ын сонгууль бүсчилсэн хэлбэрээр явагдсан.   МАН-ын Их хурлаар эрх баригчид бүсийн дарга нараа албан ёсоор томилсон.  Тэд өнгөрсөн сонгуулиар олон хүний санал авсан болоод Удирдах зөвлөлийн гишүүдээсээ сонгон томилсон байдаг.  Харин АН хараахан бүсийн дарга нартай болоогүй ч удахгүй болох дотоод сонгуулиараа ярих бололтой.  МАН-ын бүс хариуцсан дарга нар болоод АН-аас бүсдээ голлож мэдэх “босс”-уудын мэдээллийг хүргэе.

 

Говийн бүс: Н.Наранбаатар, Р.Сэддорж

УИХ-ын гишүүн, Төсвийн байнгын хорооны дарга Н.Наранбаатар МАН-ын говийн бүс хариуцсан дарга болжээ.  Тэрээр өнгөрсөн сонгуулиар Говийн бүсийн 37134 мянган сонгогчийн санал авч, УИХ-д улиран сонгогдсон байдаг.  Өмнөговь аймгийн Засаг даргаар ажиллаж байсан нэгэн. 

УИХ-ын гишүүн, Эдийн засгийн байнгын хорооны дарга Р.Сэддорж АН-аас говийн бүсэд голлоно.  Тэрээр мөн л Өмнөговь аймгийн Засаг даргаар ажиллаж байгаад парламентын гишүүнээр сонгогдсон билээ. "Ажнай" корпорацын маркетингийн албаны даргаас ажлын гараагаа эхэлж, жижиг Таван толгойн гүйцэтгэх захирал байсан  түүнийг улс төрд ажнай Д.Бат-Эрдэнэ “хөтөлж” оруулж ирсэн хэмээдэг. 

 

Төвийн бүс:  Ч.Ундрам, Ц.Туваан

МАН бага хурлаас Төвийн бүс хариуцсан Удирдах зөвлөлийн гишүүнээр УИХ-ын гишүүн, Соёл, спорт, аялал жуулчлал, залуучуудын сайд Ч.Ундрамыг сонгожээ.  Энэ удаагийн хурлаас 39 гишүүнийг Удирдах зөвлөлийн гишүүнээр сонгосон бөгөөд 40 хувь нь эмэгтэйчүүдийн төлөөллөөс бүрдээд байна. Ч.Ундрам нь  өнгөрсөн сонгуулиар Төвийн  бүсийн сонгогчдын  44.53 хувийн саналаар хоёр дахь удаагаа УИХ-ын гишүүнээр сонгогдсон  юм. 

АН-аас Уул, уурхайн сайд асан, УИХ-ын гишүүн Ц.Туваан энэ бүсдээ голлож таарна.  Тэрээр өнгөрсөн сонгуулиар төвийн бүсийн 60644 хүний санал авч, Сангийн сайд Б.Жавхлангийн араас бичигджээ. Тэрээр улс төрд, ялангуяа нам дотроо шинэ хүн биш.

 

Хойд бүс: Л.Энх-Амгалан, Х.Баттулга

УИХ-ын гишүүн Л. Энх-Амгалан МАН-аас  хойд бүс хариуцсан даргаар сонгогджээ.  Тэрээр Л.Оюун-Эрдэнийн Засгийн газарт сайдаар ажиллаж байсан.  Сая болсон МАН-ын эрх мэдлийн дахин хуваарилалтад мөн л түүний нэр нэлээд дээгүүр буюу УИХ-ын даргын албан тушаалд яригдаж байв.   Гэвч тэр “мултарч” бүсийн даргатайгаа үлдсэн гэхэд болно.

АН-аас Ерөнхийлөгч асан Х.Баттулга хойд бүсийн “босс” байна.  УИХ-ын чуулгандаа суудаггүй муу нэртэй ч өнгөрсөн сонгуулиар хойд бүсээс хамгийн олон буюу 60933 хүний санал авчихсан.  Мөн түүний фракцаас нэлээд олон гишүүн төрсөн байдаг.  Л.Оюун-Эрдэнийн Засгийн газарт АН хамтран ороход мөн л сайд нар нь түүний фракцынхан байсан.  Тэгэхээр Х.Баттулга хойд бүсдээ ч АН-даа ч нөлөө бүхий хэвээр байна.

 

Зүүн бүс: У.Отгонбаяр, Ж.Батсуурь

УИХ-ын гишүүн, МАН-ын бүлгийн дэд дарга У.Отгонбаяр зүүн бүсээ даргална. Тэрээр Зүүн бүсийн сонгогчдын 44.53 хувийн саналыг авч, УИХ-ын гишүүнээр сонгогдож байв.  Ерөнхийлөгч У.Хүрэлсүхийн дүү гэдгээр нь олон нийт илүү мэднэ. Тэрээр улс төр судлаач мэргэжилтэй.  Сүхбаатар аймгийн нутгийн зөвлөлийн тэргүүнээр сонгогдон ажиллаж байсан юм.

Харин Зүүн бүсэд АН-аас Ш.Бямбасүрэн ганцаараа сонгогдсон.  Тэрээр бүсдээ нэлээд голлох боловч УИХ-ын гишүүн Ж.Батсуурийг тухайн тойргоос салгаж ойлгох аргагүй, туршлагатай.  Ж.Батсуурь өнгөрсөн сонгуулиар намын жагсаалтаар гишүүн болсон.  Хамтарсан Засгийн газарт Барилгын сайдаар ажиллаж байв.  Сүхбаатар аймгийн АН-ын дарга, Засаг даргаас эхлээд УИХ-д ч хэдэн хэдэн удаа сонгогдон ажиллаж байгаа билээ.

 

Баруун бүс: З.Мэндсайхан, Б.Пүрэвдорж

Баруун бүсийн даргаар МАН-аас З.Мэндсайхан ажиллана. Өнгөрсөн сонгуулиар тэрээр хойд бүсийн иргэдийн 47.75 хувийн санал авч, УИХ-ын гишүүнээр анх удаагаа сонгогдсон юм.  2020 онд буюу У.Хүрэлсүхийн Засгийн газарт З.Мэндсайхан ХХААХҮ-ийн сайд хийсэн. Дараа нь У.Хүрэлсүхийг Ерөнхийлөгч болоход зөвлөх нь болж, хажууд нь очиж байлаа. 

Зүүн бүсэд АН лидер олонтой.  АН-ын дарга О.Цогтгэрэл тухайн бүсээс хамгийн олон санал авч байжээ.  Түүний араас УИХ-ын дэд дарга Б.Пүрэвдорж санал авсан иргэдийн тоогоор жагсаж байна.  Тэгэхээр О.Цогтгэрэл намаа, Б.Пүрэвдорж бүсээ “базаж” таарах байх.

 

Хангайн бүс: Г.Тэмүүлэн, О.Алтангэрэл

УИХ-ын гишүүн, Аюулгүй байдал гадаад бодлогын байнгын хорооны дарга Г.Тэмүүлэн Хангайн бүсээ хариуцна.  Тэрээр сүүлийн үед МАН-ын томоохон албан тушаалуудад байнга яригдаж байв.  Намын даргын сунгаанд заалнаас нэр дэвшин өрсөлдөж, Ерөнхий сайд Г.Занданшатарт ялагдсан байдаг.

АН-аас Хууль зүй, дотоод хэргийн сайд асан О.Алтангэрэл Хангай бүсдээ голлох болов уу. Тэрээр өнгөрсөн сонгуулиар тухайн бүсэд хамгийн олон буюу 66656 иргэний санал  авч байв.  Л.Оюун-Эрдэнийн Засгийн газарт хуулийн салбарыг хариуцсан сайдаар ажиллаж, олон нийтэд таалагдах “оноо”-гоо ахиулж чадсан байдаг.

 Төмөрбаатарын БАТСАЙХАН

Эх сурвалж: “Зууны мэдээ” сонин

2026 ОНЫ НЭГДҮГЭЭР САРЫН 27. МЯГМАР ГАРАГ. № 17 (7759)

 

Энэ мэдээ танд ямар мэдрэмж төрүүлж байна?

Санал болгох

Хошууч генерал Б.Хурц: Нам минь болохоо байлаа гээд залуучууд маань нэгдэж өнөөдрийн "ОНЦ" их хурлыг зарлалаа. Нөгөө талаас МАН өглөө болгон бидэнд бэлэг барьдаг боллоо.

Хошууч генерал Б.Хурц: Нам минь болохоо байлаа гээд залуучууд маань нэгдэж өнөөдрийн "ОНЦ" их хурлыг зарлалаа

1 077

Хяналтын байгууллага нь намын удирдлагаа огцруулах ямар ч боломжгүй тул С.Баярцогт АН-ын ЕНБДарга хэвээрээ

Ардчилсан Намын Хяналтын Ерөнхий Хороо өнгөрсөн Баасан гарагийн орой яаран хуралдаж, АН-ын Ерөнхий Нарийн Бичгийн Дарга С.Баярцогтыг огцруулж байна гэх мэдээлэл хийв. Тэдний гаргасан албан мэдээнд: "Хяналтын Ерөнхий хорооны 15 гишүүнээс 13 гишүүн оролцож, 100 хувийн саналаар С.Баярцогтыг АН-ын ЕНБДаргаас чөлөөллөө. “Ардчилсан намын дотоод сонгуультай холбоотой гарсан будлианы улмаас АН-ын зарим хороон дээр дахин сонгууль явуулах шийдвэр гаргаж, АН-ын ХЭЕГ, түүний удирдлага буюу ЕНБДаргад чиглэл өгсөн хэдий ч удаа дараа өгсөн үүргийг биелүүлэлгүй олон сар болсон учраас Ардчилсан намын гишүүдийн гомдол, саналыг биелүүлэхгүй байгаа ЕНБД С.Баярцогтыг албан тушаалаас нь чөлөөлөх шийдвэр гаргасан болно.” гэсэн байлаа. Мөн энэ үеэр УИХ-ын гишүүн асан, ХЕХ-ны гишүүн Д.Ганхуяг : "АН-ын гүйцэтгэх удирдлага дүрмээ ягштал мөрдөх ёстой. Гэтэл дүрмээ биелүүлэхгүй байна

1 022

АН: Оюутолгойгоос орж ирэх 3 их наяд төгрөг ногдол ашиг мөн үү гэдгийг нягтлах хэрэгтэй

Ардчилсан намын “4:11 мэдээллийн цаг” ээлжит хэвлэлийн бага хурал өнөөдөр /2026.11.05/ Төрийн ордонд болж, цаг үеийн асуудлаар мэдээлэл хийлээ. Хэвлэлийн бага хуралд Ардчилсан намын Дарга О.Цогтгэрэл, УИХ дахь Ардчилсан намын бүлгийн дарга Б.Түвшин, Ардчилсан намын Олон нийттэй харилцах бодлого хариуцсан Нарийн бичгийн дарга Г.Лхагвадорж нар оролцов. ​​​​​​​ Энэ үеэр Ардчилсан намын Дарга О.Цогтгэрэл: "Сүүлийн үед улстөрд өрнөөд байгаа олон асуудал бий

907

Ж.Баярмаа: Төрийн аль аль байгууллага дэргэдээ хэвлэл мэдээллийн хэрэгсэлтэй байгааг шалгана

УИХ дахь Ардчилсан Намын бүлгийн ээлжит хуралдаанаар хэлэлцсэн асуудлын талаар мэдээлэл өглөө. Өнөөдрийн хуралдаанаар хэвлэлийн эрх чөлөөний тухай асуудлыг хэлэлцсэн болохыг бүлгийн дарга Б.Түвшин танилцуулав

1 6437802185652519accb4c45

Х.Тэмүүжин : Шүүх аль эрт шүүх биш болоод, өөрөө яллагч болж хувирчихсаны шинж

Ардчилсан намын “4:11 мэдээллийн цаг” ээлжит хэвлэлийн бага хурал өнөөдөр боллоо. Энэ үеэр УИХ-ын гишүүн Х.Тэмүүжин "Монгол Улсын Үндсэн хуулийн 16 дугаар зүйлд байгаа шударгаар шүүлгэх эрх буюу иргэний үндсэн эрхийн заалт байна. Энэ шударгаар шүүлгэх эрх дотроо хоёр агуулгатай

1 083

УИХ-ын гишүүн Л.Гантөмөр: Төсвийн алдагдал тутамд төгрөг хэвлэгдэнэ

УИХ дахь Ардчилсан намын бүлгийн гишүүд Оюутолгойгоос орж ирэх гурван их наяд төгрөг болон 2027 оны төсөвтэй холбоотой асуудлаар хэвлэлийн хурал зохион байгууллаа. Энэ үеэр УИХ-ын гишүүн Л.Гантөмөр тус гурван их наяд төгрөгийг ард иргэдэд тарааж өгөх ёстой асуудлаар байр сууриа илэрхийлэв. Тэрбээр "Үнийн дарамтад байгаа монголчуудын төлөө УИХ, Засгийн газар юу хийж чадах вэ гэдэг асуултад хариулах цаг нь болсон. Тиймээс Оюутолгойгоос гурван их наяд төгрөгийн ногдол ашгийг авах хэрэгтэй

1 000


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.