2111-р сар, 2026Бямба гараг

П.Наранбаяр: Хэлэлцээрт заасны дагуу үндсэн цалин бодитоор нэмэгдсэн

1 сар 28. 15:103 мин унших

Засгийн газрын худалдаанаас гарсан шийдвэрийг Боловсролын сайд П.Наранбаяр танилцууллаа. 

Тэрээр "Сургууль, цэцэрлэг болон боловсролын байгууллагад ажиллаж байгаа багш, ажилтнуудын цалин хэрхэн өссөн талаар бодит мэдээлэл хүргэе. Юуны түрүүнд хэлэхэд, энэ удаагийн цалингийн нэмэгдэл зөвхөн багш нарт бус, сургууль цэцэрлэгт ажиллаж байгаа үйлчилгээний ажилтнуудыг бүгдийг нь хамруулж байгаа гэдгийг онцолъё. Мөн Үйлдвэрчний эвлэлтэй байгуулсан гэрээ болон нэмэлт хэлэлцээрийн хүрээнд хэрэгжиж байгаа гэдгийг тодруулж хэлмээр байна.

Нэгдүгээр сар бол онцлогтой сар. Учир нь төрийн сангийн үйл ажиллагаа сарын дундуур нээгддэг тул цалин бөөнөөр буух процесс энэ хугацаанд явагддаг. Хэлэлцээрт заасны дагуу үндсэн цалин бодитоор нэмэгдэж байна. Тухайлбал, 2025 оны нэгдүгээр сард ерөнхий боловсролын багшийн үндсэн цалин нэмэгдэл огт ороогүйгээр 1 сая 484 мянган төгрөг байсан бол 2026 оны нэгдүгээр сар гэхэд 2 сая 226 мянган төгрөг болж өсөж байна. Энэ нь яг 50 хувийн нэмэгдэл юм.

Мөн сургуулийн өмнөх боловсрол буюу цэцэрлэгийн багшийн үндсэн цалин 1 сая 559 мянгаас 2 сая 338.5 мянган төгрөг болж нэмэгдэж байна. Энэ өсөлт бол бодитой бөгөөд шууд үндсэн цалин дээр орж ирж байгаа нэмэгдэл. Тийм учраас цалин өсөөгүй гэх мэдээлэл бодит байдалд нийцэхгүй.

Цалин нэмэгдэхтэй холбоотойгоор нэмэгдэл хөлсний асуудал мөн яригдаж байна. Бид Хөдөлмөрийн яам, Сангийн яам, үйлдвэрчний эвлэлтэй ярилцаж байгаа гол зарчим бол олон төрлийн нэмэгдэл бус, харин үндсэн цалин өөрөө багшийн амьдралын баталгаа болох ёстой гэсэн бодлого юм.

Өнөөдрийн байдлаар үндсэн цалин бага, харин нэмэгдлийн төрөл олон буюу 10 орчим байдаг. Үндсэн цалин, нэмэгдлийн харьцаа бараг 50:50 болсон. Гэтэл нэмэгдэл гэдэг нь гүйцэтгэлийн үнэлгээ, туршлага, ажилласан жил, ажиллаж буй газар, мэргэжлийн зэрэг зэргээс хамаарч өөр өөр байдаг.

Жишээлбэл, шинэ багш нар нэмэгдэлгүй байдаг тул нийслэлд ажилд орж буй залуу багшийн үндсэн цалин шууд 2 сая 226 мянган төгрөг болж өсөж байгаа нь энэ шинэчлэлийн хамгийн чухал үр дүн юм.

Нэмэгдэлд олон жилийн нэмэгдэл (20 хүртэл хувь), мэргэжлийн зэрэг (заах аргач, тэргүүлэх, зөвлөх), ур чадварын нэмэгдэл, орон нутгийн нэмэгдэл (20–40 хувь) зэрэг ордог.

Орон нутгийн нэмэгдэл нь өмнөх жилийн хэмжээгээрээ хэвээр үргэлжилнэ. Буурсан зүйл огт байхгүй.Мөн илүү цагийн хөлс, анги даалт, кабинетын нөхөн төлбөр, унаа хоолны мөнгө зэрэг нэмэгдэл хөлсүүд дунджаар 100-107 мянган төгрөгөөр олгогдож ирсэн.Цаашдаа бид үндсэн цалинг зоригтой өсгөх бодлого барина. Арваннэгдүгээр сар гэхэд үндсэн цалин 2.8 сая төгрөгт хүрэх ёстой.

Манай зорилго бол үндсэн цалин 70 хувь, нэмэгдэл 30 хувь байх бүтэц рүү шилжих явдал юм. Ялангуяа залуу багш нар эхний таван жил нэмэгдэлгүй байдаг тул үндсэн цалин бага байвал багшлахаас татагалзах нөхцөл үүсдэг.

Одоогоор тав дахь жилдээ явж буй багш нар нийт багш нарын 60 хувийг эзэлж байгаа нь үүнийг илтгэнэ. Энэ удаагийн цалингийн шинэчлэл нь орлого багатай багш нартаа илүү ээлтэй, бодит өсөлт авчирсан шинэчлэл юм.

Нийт төсөвт ерөнхий боловсрол, сургуулийн өмнөх боловсрол, насан туршийн боловсролын салбарт зориулж 618 тэрбум төгрөгийн нэмэлт төсөв тусгагдсан.

Цаашдаа бид багшийн ачааллыг бууруулах, хэрэггүй тайлан бичиг цаасны дарамтыг багасгах бодлого барина. Ур чадварын нэмэгдлийг цаашид олгох боловч журмыг нь нарийвчлан тогтооно. Өнөөдөр зарлагдаж байгаа эдгээр тоонууд нь бүгд татварын өмнөх бодит дүн гэдгийг мөн хэлэх хэрэгтэй" гэлээ. 

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

393

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

597

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

542

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

781400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

566


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.