2111-р сар, 2026Бямба гараг

МАН, АН-аас томоохон “урсгал” салж Үндэсний эвсэлтэй нийлжээ

2 сар 9. 9:463 мин унших

Монголын улс төрийн намуудад “даяарчлал” явагдаж байна. Хэдийгээр, үзэл баримтлал, улс төрийн чиг хандлагууд нь тэс өөр боловч улс төр, эдийн засаг, нийгмийн олон асуудалд нэг ижил байр суурьтай байх нь элбэгшив. Мөн, улс төрийн нам нь өөр улстөрчид тухайлсан асуудлаар нэгдэж ажиллах нь ихэссэн. Түүнчлэн, албан бус олон үйл ажиллагаа, түүгээр барахгүй улс төрийн сонгуульд ч өрсөлдөгч намынх атлаа албан бусаар хамтарч ажилладаг нь нууц биш болжээ. Энэ нь, олны анхаарлыг төдийлэн татахгүй, аажмаар явж буй ч улс төрийн ажиглагч, судлаачид үүнийг анзаараад авчээ. Явсаар, улс төрийн намуудад шинэчлэлт, зүй тогтлоо дагах хөшүүрэг хэрэгтэйг илэрхийлж буй хэрэг юм.

Сүүлийн өдрүүдэд “…Н.Номтойбаярыг дагагчид Үндэсний эвслийг орхин, МАН-даа буцаж орох нь ихэсжээ” гэх агуулга бүхий мэдээлэл үе үе цацагдах болсон.

Энэ санаандгүй мэдээ биш бололтой. Тэр тусмаа, МАН-аас очсон хүмүүс нь намдаа буцаж байгаа тухайд бараг эсрэгээрээ болж буй тухай улс төрийн хүрээнд хэдийнэ мэдээд, яриад эхэлжээ. Тодруулбал, МАН, АН-аас нэлээд том “урсгал” салж тус эвсэлтэй хамтарч ажиллаад эхэлжээ. “…УИХ-ын намрын чуулганы завсарлагаанаар улс төрийн хэд хэдэн томоохон уулзалт энд тэнд болсны нэг нь энэ” гэж улс төрийн хүрээнд яригдаж эхлэв. “…Үндэсний эвсэл дээр төвлөрч буй энэхүү нэгдэл нь хувьсгалт шинэчлэлийг бус, аажмаар явагдах хувьслын шинжтэй өөрчлөлтийг дэмжих консерватив урсгал буюу консерватизмын шинжтэй. Учир нь, МАН, АН-ын нэр хүнд унаж, ХҮН нам нэр хүндээ алдсан зэрэг хүчин зүйл ийм нэгдлийг бий болох хүчин зүйл болсон. Тиймээс аль аль намаас уг “урсгал”-д нэгдсэн болов уу. Үүнд, УИХ-ын гишүүд нэлээд нэгдэж байгаагаараа онцлогтой байна” хэмээн ажиглагчид дүгнэжээ. Үнэхээр ч тэд, нийгмийн гэнэтийн, эрс өөрчлөлтөөс зайлсхийж, уламжлалт үнэт зүйлс, соёл, шашин, улс төрийн хэв журам, тогтвортой байдлыг хадгалж үлдэхийг чухалчилсан шинэчлэлийн хөдөлгөөн болгож өрнүүлэхээр тохирчээ. Угаасаа, УИХ-ын гишүүн Н.Номтойбаярын байгуулсан Үндэсний эвсэл нь анхнаасаа “…Улс төрийн авлигыг устгах, нам төвтэй эрх мэдлийг задлах, эдийн засгийг либералчлах үндсэн зорилготой төвийн үзэлт, үндэсний ардчилсан чиг баримжаатай улс төрийн хүчин” гэдгээ зарласан. Намын хамааралгүй, мэргэжлийн, хараат бус төрийн албыг бүрдүүлэх, хувийн хэвшлийн эрх чөлөөг дэмжих, үндэсний үйлдвэрлэлийг хөгжүүлэх замаар эдийн засгийг тэлэх, иргэдийн амьдралын чанарыг дээшлүүлэх, боловсрол болон эрүүл мэндийн үйлчилгээний хүртээмжийг нэмэгдүүлэх үзэл санааг барьж ажилладаг.

Тиймээс, Үндэсний эвсэл дээр төвлөрч буй “урсгал” Ерөнхийлөгчийн 2027, УИХ-ын 2028 оны сонгуулиар хэрхэн ажиллахаа ярилцаж, бэлтгэлээ хангаж буй сураг ч дуулдав.

Түүнээс гадна, Үндэсний эвсэл Их Британийн

Реформ намтай холбоо тогтоож, хамтарч ажиллаад эхэлсэн байна. Реформ нам нь

Их Британийн улс төрд популист, баруун жигүүрийн үзэл баримтлалтай гэдгээрээ танигдсан. Сүүлийн үеийн санал асуулгаар олны дэмжлэг байнга нэмэгдэх болсон. Өнгөрсөн оны байдлаар иргэдийн 20-25 орчим хувийн дэмжлэгтэйгээр томоохон намаас илүү байр суурьтай болж, улс төрийн тавцанд хүчтэй өрсөлдөгч болон гарч ирсэн.

Үүгээрээ, тус нам нь Их Британийн улс төрийн хоёр намын тогтолцоонд томоохон өөрчлөлт оруулж, нөлөөгөө тэлжээ. Тэр утгаараа, Үндэсний эвсэл ч ирэх сонгуулиудын өмнөхнөөс эхлээд улс төрийн маш сонин, содон мэдэгдэл, акцуудаар “бөмбөгдөж” мэдэх юм.

Эх сурвалж: “Зууны мэдээ” сонин

2026 ОНЫ ХОЁРДУГААР САРЫН 9. ДАВАА ГАРАГ. № 26 (7768)

Энэ мэдээ танд ямар мэдрэмж төрүүлж байна?

Санал болгох

Хошууч генерал Б.Хурц: Нам минь болохоо байлаа гээд залуучууд маань нэгдэж өнөөдрийн "ОНЦ" их хурлыг зарлалаа. Нөгөө талаас МАН өглөө болгон бидэнд бэлэг барьдаг боллоо.

Хошууч генерал Б.Хурц: Нам минь болохоо байлаа гээд залуучууд маань нэгдэж өнөөдрийн "ОНЦ" их хурлыг зарлалаа

1 077

Хяналтын байгууллага нь намын удирдлагаа огцруулах ямар ч боломжгүй тул С.Баярцогт АН-ын ЕНБДарга хэвээрээ

Ардчилсан Намын Хяналтын Ерөнхий Хороо өнгөрсөн Баасан гарагийн орой яаран хуралдаж, АН-ын Ерөнхий Нарийн Бичгийн Дарга С.Баярцогтыг огцруулж байна гэх мэдээлэл хийв. Тэдний гаргасан албан мэдээнд: "Хяналтын Ерөнхий хорооны 15 гишүүнээс 13 гишүүн оролцож, 100 хувийн саналаар С.Баярцогтыг АН-ын ЕНБДаргаас чөлөөллөө. “Ардчилсан намын дотоод сонгуультай холбоотой гарсан будлианы улмаас АН-ын зарим хороон дээр дахин сонгууль явуулах шийдвэр гаргаж, АН-ын ХЭЕГ, түүний удирдлага буюу ЕНБДаргад чиглэл өгсөн хэдий ч удаа дараа өгсөн үүргийг биелүүлэлгүй олон сар болсон учраас Ардчилсан намын гишүүдийн гомдол, саналыг биелүүлэхгүй байгаа ЕНБД С.Баярцогтыг албан тушаалаас нь чөлөөлөх шийдвэр гаргасан болно.” гэсэн байлаа. Мөн энэ үеэр УИХ-ын гишүүн асан, ХЕХ-ны гишүүн Д.Ганхуяг : "АН-ын гүйцэтгэх удирдлага дүрмээ ягштал мөрдөх ёстой. Гэтэл дүрмээ биелүүлэхгүй байна

1 022

АН: Оюутолгойгоос орж ирэх 3 их наяд төгрөг ногдол ашиг мөн үү гэдгийг нягтлах хэрэгтэй

Ардчилсан намын “4:11 мэдээллийн цаг” ээлжит хэвлэлийн бага хурал өнөөдөр /2026.11.05/ Төрийн ордонд болж, цаг үеийн асуудлаар мэдээлэл хийлээ. Хэвлэлийн бага хуралд Ардчилсан намын Дарга О.Цогтгэрэл, УИХ дахь Ардчилсан намын бүлгийн дарга Б.Түвшин, Ардчилсан намын Олон нийттэй харилцах бодлого хариуцсан Нарийн бичгийн дарга Г.Лхагвадорж нар оролцов. ​​​​​​​ Энэ үеэр Ардчилсан намын Дарга О.Цогтгэрэл: "Сүүлийн үед улстөрд өрнөөд байгаа олон асуудал бий

907

Ж.Баярмаа: Төрийн аль аль байгууллага дэргэдээ хэвлэл мэдээллийн хэрэгсэлтэй байгааг шалгана

УИХ дахь Ардчилсан Намын бүлгийн ээлжит хуралдаанаар хэлэлцсэн асуудлын талаар мэдээлэл өглөө. Өнөөдрийн хуралдаанаар хэвлэлийн эрх чөлөөний тухай асуудлыг хэлэлцсэн болохыг бүлгийн дарга Б.Түвшин танилцуулав

1 6437802185652519accb4c45

Х.Тэмүүжин : Шүүх аль эрт шүүх биш болоод, өөрөө яллагч болж хувирчихсаны шинж

Ардчилсан намын “4:11 мэдээллийн цаг” ээлжит хэвлэлийн бага хурал өнөөдөр боллоо. Энэ үеэр УИХ-ын гишүүн Х.Тэмүүжин "Монгол Улсын Үндсэн хуулийн 16 дугаар зүйлд байгаа шударгаар шүүлгэх эрх буюу иргэний үндсэн эрхийн заалт байна. Энэ шударгаар шүүлгэх эрх дотроо хоёр агуулгатай

1 083

УИХ-ын гишүүн Л.Гантөмөр: Төсвийн алдагдал тутамд төгрөг хэвлэгдэнэ

УИХ дахь Ардчилсан намын бүлгийн гишүүд Оюутолгойгоос орж ирэх гурван их наяд төгрөг болон 2027 оны төсөвтэй холбоотой асуудлаар хэвлэлийн хурал зохион байгууллаа. Энэ үеэр УИХ-ын гишүүн Л.Гантөмөр тус гурван их наяд төгрөгийг ард иргэдэд тарааж өгөх ёстой асуудлаар байр сууриа илэрхийлэв. Тэрбээр "Үнийн дарамтад байгаа монголчуудын төлөө УИХ, Засгийн газар юу хийж чадах вэ гэдэг асуултад хариулах цаг нь болсон. Тиймээс Оюутолгойгоос гурван их наяд төгрөгийн ногдол ашгийг авах хэрэгтэй

1 000


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.