2111-р сар, 2026Бямба гараг

Ж.Баярмаа: Сонгогчдын саналыг худалдан авахын эсрэг хуулийн төсөл боловсруулж байна

2 сар 13. 8:263 мин унших

“Транспэрэнси Интернэшнл” байгууллагаас өнгөрсөн 2025 оны авлигын индексийг зарласан мэдээллээр тодорхой боллоо.

УИХ-ын гишүүн Ж.Баярмаа цаг үеийн асуудлаар байр сууриа илэрхийллээ.

-Монгол Улс авлигын индексээр 10 байраар ухарлаа.  Ардчиллын гол үзүүлэлтүүдийн нэг шүү дээ?

-Монгол Улс авлигатай тэмцэж байна гэж зарладаг ч үр дүн нь эсрэгээрээ явж буйг  “Транспэрэнси Интернэшнл” байгууллагаас өнгөрсөн 2025 оны авлигын индексийг зарласан мэдээллээр тодорхой боллоо. Зөвхөн нэг жилийн хугацаанд Монгол Улс дэлхийд авлигын индексээр 10 байраар ухарлаа, тун харамсалтай. Монгол Улс 12 жилийн өмнө буюу 2014 онд авлигын индексээр дэлхийн 180 улсаас 94 дүгээр байрт байсан.  2015 онд Ардчилсан нам Засгийн эрх барьж байхад авлигын индексээр 72 дугаар байрт орж, 22 байраар урагшлуулсан амжилт гаргасан.2016 онд Засгийн эрх солигдож, МАН 10 жил тасралтгүй засаглах болсон энэ хугацаанд авлигын индексээр 124 дүгээр байрт орж 52 байраар ухраасан. Энэ бол Ардын намын хийж хэрэгжүүлж байгаа ажлын үр дүн. Авлигаас болж хамгийн түрүүнд бизнесийн орчин хумигдсан. Бизнес хийхийн тулд авлига өгдөг тогтолцоо зайлшгүй болж хувирсан. Хоёрдугаарт, хуулийн засаглал. Монгол Улсад хуулийн засаглал байхгүй болсон. Сүүлийн үед дуулиан шуугиантай хэргүүдийг илрүүлж байна, хармсалтай нь хариуцлага тооцож байгаа зүйл алга.  Судалгаанаас харахад авлигын гомдол зөрчил асар ихээр ирдэг хэрнээ хэрэг болоод шүүхээр шийдэгдэж байгаа нь бага байна гэдгийн илрэл энэ. Албан тушаалтнуудад хүлээлгэх хариуцлага сул байгаагийн илрэл авлигын индексээр илэрч гарч байна. Авлигын индексийг гаргахдаа хууль, шударга ёс, эдийн засгийн индекс, ардчиллын индекс ордог. Судалгааны нийлбэр нь авлигын индекс болдог.

-Сонгогчдын саналыг худалдан авахын эсрэг хуулийн төсөл боловсруулж байгаа гэсэн.  Хуулийн төслийн гол үзэл баримтлал юу байх вэ?

-Улс төр дэх мөнгөний нөлөө асар их байна гэж олон улсын байгууллага үзэж байгаа.  Сонгуульд асар их мөнгө зарцуулж байна. Сонгогдоход зарцуулдаг мөнгө асар их байна гэж үздэг. Олон жил ярьж байгаа, сонгогчдын саналыг худалдаж авч байна гэж. Гарц шийдлийг боломжийнхоо хэрээр хайж олох хэрэгтэй.  Тийм учраас Сонгогчдын саналыг худалдан авахын эсрэг хуулийн төсөл боловсруулж байна. Авлигатай тэмцэх газар, Сонгуулийн ерөнхий хороо, судлаач, хуульчид, Цагдаагийн ерөнхий газраас холбогдох хүмүүс ороод ажиллаж байгаа. Энэ хууль суурь хууль. Англи улс бол ийм агуулгатай хуулийг 1883 онд баталсан бол Франц улс 1879 онд баталсан.  Монгол Улс 150-170 жилийн хоцрогдолтой явж байна гэсэн үг.Энэ хуулийн төсөл нь сонгогчдыг мөнгөөр, эд материалаар, аялал зугаалгаар, албан тушаал амлах, албан тушаал олгох байдлаар татдагийг таслан зогсоох зорилготой.Сонгогчдод тараагаад байгаа эд зүйлсийг улс төрийн онолд олон улсад улс төрийн болон сонгуулийн авлига гэж үздэг.Хуулийн төсөлд УИХ-ын гишүүн санал худалдан авах ажиллагааг дөрвөн жилийн туршид хэзээ нэгэн цагт хийсэн байх юм бол тэр нь эгүүлэн татагдах үндэслэл болохоос гадна Эрүүгийн хуулиар шийтгэгдэнэ.  Одоогийн хуулиар сонгуулийн жил эхэлмэгц эд бараа материал тараахыг хориглодог бол шинэ төслөөр бүхий л үед хориглоно. Өнөөдөр Ардын намын гишүүд тэргүүлээд цагаан сарын бэлэг тарааж байгаа, энийг зогсоох ёстой.УИХ-ын гишүүнээр сонгогдсоны дараа бэлэг тараасан, мөнгө тараасан нь нотлогдоод байхад буцааж татах боломж үүсдэггүй.  Яагаад гэхээр санал худалдан авахыг хориглосон зохицуулалтыг Зөчлийн тухай хуульд оруулсан байдаг. УИХ-ын гишүүнийг Зөрчлийн тухай хуулиар шийтгэж болохгүй, яагаад гэвэл энэ шийтгэл нь бараг 0-тэй тэнцдэг.  Тэгэхээр дээрх сонгуулийн авлигыг Зөрчлийн тухай хуулиас гаргаж Эрүүгийн хуульд оруулж байгаа.  Сонгуулийг авлигадаж, ялж засагладагийг болиулах төсөл дээр ажиллаад хаврын чуулганаар батлуулна гэж бодож байна. Ардчилсан намын бүлгийн гишүүдээс гадна бусад намын гишүүд дэмжиж байгаа. Удахгүй бүлгээрээ хэлэлцүүлнэ.

Эх сурвалж: “Зууны мэдээ” сонин

2026 ОНЫ ХОЁРДУГААР САРЫН 13. БААСАН ГАРАГ. № 31 (7773)

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

393

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

598

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

542

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

782400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

567


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.