2111-р сар, 2026Бямба гараг

Дүүргүүдийн цагдаагийн газрыг хэн удирдаж байна вэ?

2 сар 26. 11:523 мин унших

Дүүргүүдийн цагдаагийн газрыг хэн удирдаж байна вэ?

Нийслэлийн дүүргүүдийн Цагдаагийн газрыг хэн удирдаж байгаа талаарх мэдээллийг “ЗМ-ний лавлах” буландаа нэгтгэн хүргэж байна.

 

Баянгол

 

Баянгол дүүргийн цагдаагийн газрын даргаар хурандаа Ч.Алтанхуяг ажиллаж байна. Тэрээр дүүргийн хэмжээнд гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах үйл ажиллагааг удирдаж ажилладаг. Ч.Алтанхуяг өмнө нь Төв аймгийн Цагдаагийн газрын даргаар ажиллаж байсан албандаа тууштай зүтгэж яваа нэгэн юм.

 

Баянзүрх

 

Тус дүүргийн цагдаагийн газрын даргаар дэд хурандаа П.Нэмэхбаяр ажиллаж байна. Тэрээр хууль сахиулах салбарт олон жил ажилласан туршлагатай офицер бөгөөд Улаанбаатар хотын Цагдаагийн удирдах газар, Гэмт хэргээс урьдчилан сэргийлэх, Дүүргийн цагдаагийн хэлтсүүдэд ажиллаж байсан байна. Түүний удирдлага дор 2024 онд Баянзүрх дүүрэг дэх Цагдаагийн газар"Тэргүүний хамт олон"-оор шалгарч, ажлын үр дүнгээ өндрөөр үнэлүүлсэн байдаг. 

 

Сүхбаатар

 

Тус газрын даргаар цагдаагийн хурандаа Г.Давааням ажиллаж байна. Тэрээр цагдаагийн байгууллагад олон жил үр бүтээлтэй ажиллаж буй туршлагатай удирдах ажилтан юм. Тэр дундаа мансууруулах эм, сэтгэцэд нөлөөт бодистой тэмцэх, урьдчилан сэргийлэх чиглэлээр мэргэшсэн байна. Хурандаа Г.Давааням нь одоогийн албан тушаалдаа 2024 оноос томилогдон ажилласан. Өмнө нь ЦЕГ-ын Хар тамхитай тэмцэх газрын хэлтсийн дарга зэрэг албан тушаалуудад томилогдон ажиллаж байсан.

 

Сонгинохайрхан

 

Цагдаагийн Ерөнхий газрын даргын 2019 оны А/182 тоот тушаалаар Сонгинохайрхан дүүрэг дэх цагдаагийн газар байгуулагдсан түүхтэй. Одоо тус цагдаагийн газрын даргаар, цагдаагийн хурандаа Г.Байдраг ажиллаж байна. Тэрээр өмнө нь тус дүүргийн цагдаагийн газрын нэгдүгээр хэлтсийн даргаар ажиллаж байсан. Тэрээр дүүргийн хэмжээнд гэмт хэргээс урьдчилан сэргийлэх, иргэдэд үзүүлэх тусламж үйлчилгээний хүртээмжийг нэмэгдүүлэх, алба хаагчдын сахилга бат, ур чадварыг дээшлүүлэх чиглэлээр идэвхтэй ажилладаг туршлагатай албан хаагч юм.

 

Хан-Уул

 

Монгол Улсын Үндсэн хуулийн дагуу УИХ-ын 1992 оны 18 дугаар тогтоолоор районыг татан буулгаж, Хан-Уул дүүрэг болгон өөрчилснөөр цагдаагийн хэлтэс нь дүүргийн статустайгаар шинэ зохион байгуулалтад орсон түүхтэй. Одоо тус дүүргийн цагдаагийн газрын даргаар Хурандаа Д.Дашням ажиллаж байна. Тэрээр өмнө нь Хан-Уул дүүргийн Цагдаагийн нэгдүгээр хэлтсийн даргаар ажиллаж байсан юм.

 

Чингэлтэй

 

Дүүргийн цагдаагийн газрын даргаар цагдаагийн хурандаа Т.Баатар ажиллаж байна. Тэрээр дүүргийн хэмжээнд гэмт хэргээс урьдчилан сэргийлэх, ялангуяа цахим залилантай тэмцэх чиглэлээр үйл ажиллагааг идэвхтэй удирдан чиглүүлж ажилладаг байна. Хурандаа Т.Баатар нь цагдаагийн байгууллагад эрүүгийн төлөөлөгчөөс эхлэн ажиллаж, Баянзүрх дүүрэг дэх цагдаагийн хэлтсийн дарга, Мөрдөн байцаах албаны хэлтсийн дарга зэрэг хариуцлагатай албан тушаалуудыг хашиж байжээ.

 

Багануур

 

Багануур дүүрэг дэх Цагдаагийн хэлтэс нь анх 1978 онд Багануурын нүүрсний уурхайг түшиглэн байгуулагдсан түүхтэй. Одоогоор Эрүүгийн цагдаа, Мөрдөн байцаах, Нийтийн хэв журам хамгаалах, Тээврийн цагдаа зэрэг төрөлжсөн нэгжүүдтэйгээр үйл ажиллагаагаа явуулж байна. 2024 оноос тус дүүргийн Цагдаагийн хэлтсийн даргаар цагдаагийн хурандаа Н.Батхишиг томилогдон ажиллаж байна. Тэрээр цагдаагийн байгууллагад олон жил үр бүтээлтэй ажиллаж буй туршлагатай удирдах ажилтан юм. Өмнө нь Дархан-Уул аймаг дахь Цагдаагийн газрын Нийтийн хэв журам хамгаалах тасгийн (НХЖХТ) даргаар цагдаагийн дэд хурандаа цолтойгоор ажиллаж байсан.

 

Налайх

 

Налайх дүүрэг дэх Цагдаагийн хэлтсийн даргаар цагдаагийн хурандаа Ч.Мөнхбаатар ажиллаж байна. Өмнө нь Экологийн цагдаагийн албанд (ЭЦА) цагдаагийн дэд хурандаа цолтойгоор удирдах албан тушаал хашиж байсан туршлагатай. Түүний удирдлага дор Налайх дүүргийн цагдаагийн хэлтэс 2025 онд гэмт хэргийн гаралттай тэмцэх чиглэлээр өндөр үзүүлэлт гаргасан байна.

 

Багахангай

 

Тус дүүрэг дэх Цагдаагийн хэлтсийн даргаар цагдаагийн хурандаа Т.Лхагвасүрэн ажиллаж байна. Түүний удирдлага дор тус хэлтэс нь дүүргийн нутаг дэвсгэр болон хил залгаа Төв аймгийн Баян, Сэргэлэн, Баянцагаан, Баянжаргалан зэрэг сумын нутагт гэмт хэрэгтэй тэмцэх, нийгмийн хэв журам хамгаалах үүргийг гүйцэтгэдэг.

 

 

Чулуунхүү БЯМБАХАЖИД

Эх сурвалж: “Зууны мэдээ” сонин

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 361

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

669


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.