2111-р сар, 2026Бямба гараг

ОХУ-д тагнуулын хэргээр саатуулагдсан Баян-Уул сумын иргэн тус улсын гаалийнхантай маргалдсаны улмаас баривчлагдсан хэмээн нутгийн иргэд таамаглажээ

3 сар 2. 12:104 мин унших

ОХУ-д тагнуулын хэргээр саатуулагдсан Баян-Уул сумын иргэн тус улсын гаалийнхантай маргалдсаны улмаас баривчлагдсан хэмээн нутгийн иргэд таамаглажээ

Дорнод аймгийн Баян-Уул сумын иргэн Ц.Ганболд ОХУ-д саатуулагдсан тухай мэдээлэл цахим орчинд цацагдсан. Тус иргэнийг тагнуулын хэрэгт сэжиглэж, Чита мужийн цагдан хорих байранд нэг сарын хугацаатай саатуулсан гэх мэдээлэл гараад буй юм. Бид уг хэргийн эргэн тойронд дараах мэдээллийг бэлтгэлээ.


Дорнод аймгийн Баян-Уул сумын иргэн Б-ээс тодрууллаа.

-Танай сумын иргэнийг тагнуулын хэрэгт сэжиглэн, ОХУ-д саатуулсан талаар ямар мэдээлэлтэй байна вэ?

-Ц.Ганболд ах бол тэгэх хүн биш дээ. Би гайхаад байгаа юм. Урьд нь УИХ-ын сонгуульд нэр дэвшиж байсан юм. Тэрнээс болоод харлуулах гээд л байна гэж манай сумынхан хардаад байгаа. Манай хүн чинь өөрөө ямар ч юманд шударга дуугарчихдаг. Буруу зөрүү, болохгүй байгаа зүйлийг шударгаар хэлчихдэг, их шударга хүн л дээ. Эхнэртэйгээ хамт Баян-Уул сумаас 50 км-ийн зайд Ульхан шалган нэвтрүүлэх цэгт амьдардаг. Мал маллахаас гадна цахилгааны монтёр хийдэг.

-Орос руу хилээр нэвтрэх үед ийм зүйл болсон хэрэг үү?

-Ер нь манай сумынхан хямд гээд хилээр гарч ойр зуурын юмаа цуглуулдаг юм л даа. Хүнсний бүтээгдэхүүн, зайлшгүй шаардлагатай зүйлсээ худалдаж авахын тулд Ульхан шалган нэвтрүүлэх цэгээр бараг долоо хоног бүр Орос руу ордог.Үүний адилаар цагаан сараас өмнөхөн, бараг долоо хоногийн өмнө хил давсан юм билээ. Тэр үед нь Оросын хууль сахиулах байгууллага саатуулсан гэж сонссон. Бүр гэр бүлд нь тагнуулын байж болзошгүй үйлдлийг шалгаж байгаа гэсэн шүү. Ар гэрийнхэн нь Гадаад хэргийн яаманд хандсан гэсэн. Ямартаа ч нэг сарын хугацаанд саатуулж, хорих болно гэж мэдэгдсэн юм шиг байна лээ. Гэхдээ Ц.Ганболд ах бол нутагтаа олон жил мал маллаж амьдарсан хүн хэзээ ч тагнуулын хэрэг мэтийн зүйлд холбоогүй байх гэж манай сумынхан ярьж байгаа. Нэр төрийг нь харлуулах зорилгоор л ийм зүйл явагдаж байгаа байх даа.

Мөн тус сумын иргэн Ц-ээс дараахь мэдээллийг авлаа.

Тэрбээр ”Ц.Ганболд ахынхыг сайн мэдэх хүний хувьд хэлэхэд, өнгөрсөн намар Оросын хилээр орж гарах үеэрээ гаалийнхантай нь маргалдсан асуудал үүссэн юм билээ. Тухайн үед Оросын генерал ирсэн байсан юм уу даа. Ийм л асуудал үүсч. Түүнээс биш өөр сүртэй асуудал ерөөсөө үүсээгүй. Хоёрдугаар сарын 6-нд баривчилсан юм байна. Нэг сарын хугацаа нь ирэх сарын 6-нд дуусна гэсэн үг. Ар гэр, ойр хавийн хүмүүсээс нь сураглахад гуравдугаар сарын 6-нд суллагдахгүй бол өөр хэргээр дахиж шалгагдана гэсэн. Тэр үеэр мөн шүүх хурал болох шиг байна. Ц.Ганболд ахынх хил дээр байдаг болохоор Оросын тал зарим хүнийг хэд хоног тэгж хорьдог гэсэн сураг дуулдсан шүү. Ямартаа ч шүүх хурал болно гэсэн тайван мэдээ л байгаа болохоос биш одоогоор гаднаас хүнтэй уулзуулах ямар ч боломжгүй байгаа гэнэ. Ц.Ганболд ах өөрөө ямар ч орос хэлний мэдлэггүй гэсэн. Одоогоор манай сумынхан ингэж л ярьцгааж байна даа.

Ийнхүү Баян-Уул сумын Засаг дарга М.Баттулгатай холбогдож, дараахь мэдээллийг авлаа. Тэрбээр “Манай сумын иргэнийг тагнуул хийсэн хэргээр Орост баривчилсан. Чита хотын урьдчилан хорих төвд саатуулсан. Энэ иргэн төрийн албанд ажиллаж байгаагүй, зөвхөн тус суманд цахилгаанчин хийдэг. Цагаан сараас өмнөхөн саатуулсан. Гэр бүл нь Орос руу явж, мөрдөн байцаагчидтай уулзсан. Гэсэн хэдий ч тагнуулын хэрэг гэж мэдэгдсэн боловч ямар төрлийн тагнуулын талаар ярьж байгаа, юу болсныг тодорхойлоогүй. Гэр бүл нь Гадаад хэргийн яаманд хандсан. Гэхдээ одоогоор ар гэр нь дэлгэрэнгүй мэдээлэл өгөх боломжгүй гэж мэдээлсэн байгаа. Мөн буруу ташаа мэдээлэл цацагдаад, ОХУ-ын талд хүрчихвэл тус биш, ус болно гэж болгоомжилж байгаа”гэв. Одоогоор энэ асуудлыг Баян-Уул сумын Засаг даргаас гадна Дорнод аймгийн ЗДТГ-ын удирдлагууд хэлэлцэж, ар гэрийнхэнтэй нь холбогдож, шаардлагатай арга хэмжээг авч байгаа гэнэ.

Монгол Улсын Гадаад харилцааны яам тус иргэний талаарх мэдээллийг Улаан-Үд дэх Ерөнхий Консулын Газраар дамжуулан авсан бөгөөд иргэний ар гэр болон холбогдох байгууллагатай тогтмол холбоотой ажиллаж байгаа юм байна. Энэ талаар Гадаад харилцааны яамнаас тодруулахад “Ар гэрийнхэн нь хувь хүний нууцтай холбоотойгоор мэдээллийг нууцлахыг хүссэн. Бид шаардлагатай арга хэмжээг авч хэрэгжүүлж байгаа. Ямартаа ч манай улсын иргэн саатуулагдсан, шалгагдаж байгаа нь үнэн” гэв. ОХУ-ын Улаан-Үд хот дахь Ерөнхий консулын газраар дамжуулан Гадаад харилцааны яамныхан Ц.Ганболдын асуудалд анхаарал хандуулж байгаа гэнэ. Мөн шаардлагатай албан бичиг, мэдээллийг хүргүүлжээ.

Бид тус иргэний ар гэрийнхэнтэй холбогдож мэдээлэл авах гэсэн боловч ямар нэгэн мэдээлэл өгөх боломжгүй гэсэн хариу өгсөн юм.

 

Г.БАЛГАРМАА

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

554

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 365

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

675


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.