2111-р сар, 2026Бямба гараг

Нэгнээ дээрэлхэж, зодсон найман хүүхдэд холбогдох хэргийг прокурорын байгууллагад шилжүүлжээ

3 сар 17. 8:322 мин унших

хэргийг прокурорын байгууллагад шилжүүлсэн байна

Олон нийтийн сүлжээнд 2026 оны гуравдугаар сарын 9-ны өдөр цацагдсан өсвөр насны хүүхдүүд нэгнийгээ бүлэглэн зодож буй бичлэгийн мөрөөр Цагдаагийн байгууллагаас мөрдөн шалгах ажиллагаа явуулжээ. 

Уг хэрэгт төрийн болон хувийн хэвшлийн сургуулийн нийт 8 сурагч холбогдсон болохыг цагдаагийн байгууллагаас албан ёсоор мэдээлсэн юм. Өнөөдрийн байдлаар нэр бүхий хүүхдүүдэд эрүүгийн хэрэг үүсгэн, яллагдагчаар татах саналтайгаар хэргийг прокурорын байгууллагад шилжүүлсэн байна.

Мөн хэрэгт холбогдогч Д.С-г яллагдагчаар татаж Монгол Улсын хилээр гарахыг хязгаарлах таслан сэргийлэх арга хэмжээ авчээ. Тодруулбал Эрүүгийн хуулийн тусгай ангийн 13.5 дугаар зүйлийн 2 дахь хэсгийн 2.1 дэх заалт, 13.11 дүгээр зүйлийн 2 дахь хэсгийн 2.1 дэх заалтад үндэслэн яллагдагчаар татжээ.

Хууль хяналтын байгууллагын мэдээлж буйгаар өсвөр насныхны дундах үе тэнгийн дээрэлхэлт жил ирэх тусам нэмэгдэх хандлагатай байгааг дурдлаа. Тухайлбал, 2026 оны эхний хоёр сарын байдлаар 150 гаруй хүүхэд энэ төрлийн хүчирхийлэл, дээрэлхэлтэд өртсөн гэх тоо баримт гарчээ. Үүнтэй холбогдуулан төрийн болон хувийн хэвшлийн сургуулиуд сурагчдыг дээрэлхэлтээс хамгаалах, урьдчилан сэргийлэх ажлыг зохион байгуулж байна. Сургуулийн захиргаанаас сурагчидтай ил болон далд хэлбэрээр уулзалт зохион байгуулж, хүүхэд бүрийг дээрэлхэлтийн хохирогч болсон эсэхийг тогтоохоор ажиллаж байгаа аж. Тухайлбал, Баянзүрх дүүргийн 4 дүгээр хороонд байрлах 97 дугаар сургууль дээрэлхэлтийг илрүүлэх зорилгоор цахим асуулгыг сурагчдын дунд явуулж эхэлжээ.

Энэхүү цахим асуулга нь хүүхдүүд өөрт тохиолдсон болон бусдад ирж буй дарамт, шахалтын талаар далд хэлбэрээр мэдээлэх боломжийг тус сургуулиас нийт сурагчдад олгож байгаагаараа онцлог аж.

Мөн нийслэлийн ЕБС-ийн хүүхэд хамгааллын багийн зүгээс үе тэнгийн дээрэлхэлт, хүчирхийллийн аливаа асуудлыг Хүүхэд хамгааллын тухай хууль, сургуулийн дотоод журам болон холбогдох бусад хууль тогтоомжийн хүрээнд сургуулийн орчинд гарсан зөрчил, авч хэрэгжүүлж буй арга хэмжээний талаарх мэдээ мэдээллийг эцэг эх, асран хамгаалагч болон холбогдох талуудад нээлттэй хүргэж, хамтын ажиллагааг бэхжүүлэхэд анхаарч ажиллахаа илэрхийлэв.

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

545

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 364

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

670


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.