2111-р сар, 2026Бямба гараг

АИ-92 автобензин 40 хоногийн нөөцтэй болжээ

3 сар 18. 17:082 мин унших

АИ-95 72 хоногийн нөөцтэй

Газрын тосны зах зээлийн нөхцөл байдал, Монгол Улсын шатахууны хангамж, үнийн хэлбэлзлийн талаарх танилцуулгыг Аж Үйлдвэр, Эрдэс Баялгийн Яам(АҮЭБЯ) Засгийн газрын өнөөдрийн хуралдаанд танилцуулжээ.

Дэлхийн зах зээл дээрх газрын тосны үнэ 2026 оны эхний хоёр сард харьцангуй тогтвортой, дунджаар 2.5 хувийн өсөлттэй байсан бол АНУ, Израилиас Иранд явуулж буй цэрэг, дайны үйл ажиллагаатай холбоотойгоор энэ сарын эхнээс тогтмол өсөж Брент маркийн газрын тосны үнэ энэ сарын 8-нд хамгийн өндөр буюу баррель нь 108.23 ам.долларт хүрч өссөн бол өчигдрийн байдлаар баррель нь 102.99 ам.доллар болоод байна.

Аж үйлдвэр, эрдэс баялгийн дэд сайд Б.Энхтүвшин "Өнөөдрийн байдлаар Монгол Улсад дизелийн түлш 27 хоногийн нөөцтэй, АИ-92 40 хоногийн нөөцтэй, АИ-95 72 хоногийн нөөцтэй, онгоцны түлш 22 хоногийн нөөцтэй, шингэрүүлсэн шатдаг хий 35 хоногийн нөөцтэй байна. 

Өнгөрсөн долоо хоногт үнийн зөвлөл хуралдаж, гуравдугаар сард үнийг тогтвортой байлгах зөвлөмж гаргасан.

Мөн Стратегийн бүтээгдэхүүний хангамж, нийлүүлэлтийг дэмжих тухай хуулийг эрчимжүүлэх чиглэлээр өнгөрсөн долоо хоногт Монголбанк болон арилжааны 17 банкны төлөөлөл, бизнес эрхлэгчидтэй уулзсан. Манай яам энэ ондоо багтан 150,000 метр.куб багтаамжтай нефть бүтээгдэхүүн хадгалах сав барьж ашиглалтад оруулахаар төлөвлөөд байна. Бүтээн байгуулалтын улирал эхлэхээр энэ ажил эрчимжинэ. Одоогоор 20 гаруй аж ахуйн нэгж саналаа ирүүлсэн. Үүнийг эрэмбэлээд бид Монголбанк болон арилжааны банкуудад хүргүүлнэ" гэлээ.

Түүнчлэн Засгийн газрын Хэвлэл мэдээлэл, олон нийттэй харилцах газраас "ОХУ-аас манай улсад нийлүүлэх шатахууны хил үнэ дэлхийн зах зээл дээрх газрын тосны үнэтэй шууд хамааралтай. Дэлхийн зах зээл дэх газрын тосны үнийн өсөлтөөс шалтгаалан Монгол Улсын дотоодын зах зээл дэх шатахууны жижиглэн борлуулалтын үнэд нөлөөлөхөөр байна" гэж мэдэгдэв.

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

542

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 360

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

667


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.