2111-р сар, 2026Бямба гараг

Ирэх сараас явган хүний замаар цахилгаан скүүтер, мопед явуулахгүй хэмээн мэдэгдлээ

3 сар 26. 15:132 мин унших

Ирэх сарын 10-наас хоёр дугуйт тээврийн хэрэгсэлтэй иргэд маань хөдөлгөөнд оролцож эхэлнэ.



Хүний эрхийн үндэсний комиссоос унадаг дугуй, скүүтер, цахилгаан дугуй мопед, мотоциклийн зохицуулалтын талаар мэдээлэл өглөө.

ТЦА-ны Урьдчилан сэргийлэх хэлтсийн ахлах мэргэжилтэн, цагдаагийн хошууч Г.Отгонтамир “Ирэх сарын 10-наас хоёр дугуйт тээврийн хэрэгсэлтэй иргэд маань хөдөлгөөнд оролцож эхэлнэ. Унадаг дугуйн замаар цахилгаан скүүтер, мопед зорчих боломжтой. Унадаг дугуйн зам байхгүй тохиолдолд зорчих хэсгийн баруун хөвөөгөөр явах дүрэмтэй. Явган хүний замаар цахилгаан скүүтер, мопедийг явуулахгүй.

2025 онд цагдаагийн байгууллагад унадаг дугуй, мопед, скүүтер, цахилгаан мопедтой холбогдсон 420 осол бүртгэгдсэн. Үүнээс цахилгаан мопедтой холбоотой 191, цахилгаан мотоцикл буюу сурронтой холбоотой 164, цахилгаан скүүтэртэй холбоотой 65 осол бүртгэгдсэн. Үүний улмаас 730 хүн хүнд болон хөнгөн хэлбэрээр бэртэл гэмтэл авсан.

Гэмтэл согог судлалын үндэсний төвөөс ирүүлсэн мэдээллээр осолд өртсөн хүмүүсийн дийлэнх нь хүүхдүүд байгаа бөгөөд ихэвчлэн гавал тархи, нуруу нугасандаа гэмтэл авч байна.

Эцэг эхчүүд хүүхдүүддээ 10-15 сая төгрөгийн үнэтэй суррон буюу цахилгаан мотоциклыг авч өгдөг. Өнгөрсөн онд сурронтой хөдөлгөөнд оролцож байгаад хоёр хүүхдийн амь нас хохирсон харамсалтай тохиолдол бүртгэгдсэн.

Түүнчлэн бага насны хүүхдийг урдаа зогсоогоод цахилгаан скүүтерээр хичээл, сургуульд нь авч явах тохиолдол маш их байна. Үүнд бид хатуу хяналт тавина.

Ирэх сараас эхлэн 16 нас хүрээгүй хүүхдэд цахилгаан скүүтер, мопед түрээслэхгүй байх эрх зүйн зохицуулалт хэрэгжиж эхэлнэ. Хэрэв энэ төрлийн зөрчил гаргасан бол торгуулийн арга хэмжээ авна" гэлээ.

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 360

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

668


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.