2111-р сар, 2026Бямба гараг

АН-аас урвасан “14” МАН-ын 30:38-ыг нэгтгэж хүчтэй сөрөг хүчин байх алтан боломжоо алдав

4 сар 6. 11:595 мин унших

Н.Учралын Засгийн газар бүрдэж

Н.Учралын Засгийн газрыг бүрдэхэд хилэнгээ барьж дийлээгүй Б.Пүрэвдорж тэргүүтнүүд өмнө нь Г.Занданшатарыг Засгийн газраа байгуулахад, дараа нь огцроод эргэн сэхэх үед нь ганц үг ганхийгээгүй нь тун хачирхалтай. Б.Пүрэвдорж, Баян Бажаа тэргүүтэй АН-ынхан Н.Учралын засгийг томилох УИХ-ын чуулганы хуралдаан дээр сөрөг хүчнийхээ хувиар оролцоогүйнх нь эхний шалтгаан энэ. Дараагийн шалтгаан нь сайд болоогүйдээ шаралхсан бухимдал.

Н.Учралын Засгийн газар бүрдэж, УИХ-д танилцуулдаг шөнө УИХ дахь АН-ын бүлгийн нэр бүхий гишүүд тун ууртай байв. УИХ-ын гишүүн Б.Пүрэвдорж “Харж байгаарай, 2028 оны сонгуульд АН ялаад та нарыг бүгдийг нь Мааньтын чанга дэглэмтэй хорих анги руу ногоон автобусаар чинь явуулна” гэж омгорхсон бол улстөрд мотордуулж орж ирсэн нялх Сэнгүмүүдийн нэг С.Эрдэнэболд Н.Учралын засагт орсон үе тэнгийн улстөрч рүүгээ “татаасаар орж ирсэн” гэх мэтээр “агсагнав”. Ц.Баатархүү, Ө.Шижир, MCS-ийн гэгддэг Ж.Баярмаа, АПУ-гийн П.Батчимэг нар хөмсгөө зангидаж, хоолойгоо цахиртуулан дуугаа өндөрсгөж юм юм л боллоо.

Үүнийг харсан А.Ариунзаяа гишүүн “Сөрөг хүчнийг сөрөг хүчнээр нь харах сайхан байна, та нар ямар удаж ирэв ээ” гэж тун хоржоонтой үг шидээтэхнэ лээ. Б.Пүрэвдоржтонгууд сөрөг хүчний байр сууринаас чуулганы танхимд орж ирээгүйг ёжилсон хэрэг л дээ. Цаг хугацааг багахан ухраая. Н.Учралын Засгийн газрыг бүрдэхэд хилэнгээ барьж дийлээгүй Б.Пүрэвдорж тэргүүтнүүд өмнө нь Г.Занданшатарыг Засгийн газраа байгуулахад, дараа нь огцроод эргэн сэхэх үед нь ганц үг ганхийгээгүй нь тун хачирхалтай. Б.Пүрэвдорж, Баян Бажаа тэргүүтэй АН-ынхан Н.Учралын засгийг томилох УИХ-ын чуулганы хуралдаан дээр сөрөг хүчнийхээ хувиар оролцоогүйнх нь эхний шалтгаан энэ. Дараагийн шалтгаан нь сайд болоогүйдээ шаралхсан бухимдал.

Засаг бүрдэхийн өмнө МАН дотроо 30:38 болоод хуваагдчихсан, хагарал нь туйлдаа хүрч байв. Парламентын засаглалын хүчийг сулруулахгүй талд бат зогсч буй 30-ынхан 38-ын талын тод төлөөлөл Хууль зүйн сайд асан Б.Энхбаярыг хувийн компаниас өчнөөн сая доллар авлигад авсан хэмээн мэдэгдэж, баримтынх нь зах зухаас дэлгэж эхлээд байлаа. АН-ын бүлгийн дарга О.Цогтгэрэл яг энэ агшинд ганган улстөр хийгээтэхсэн. УИХ-ын даргыг “авч хаясан” түүний акц бол УИХ дахь сөрөг хүчний хувьд яах аргагүй хүчирхэг тоглолт. О.Цогтгэрэлийн цаад том улстөр нь МАН-ын 30-тай нэгдэж эрх баригч намыг жинхэнэ утгаар нь “сүйрүүлэх” байсныг энэ дашрамд тодотгоё. Харамсалтай нь сайдын суудал горилсон АН-ын 14 гишүүн даргынхаа “ганган улстөр”-ийг сүйдэлчихлээ.

Бүлгийн даргаа суудлаас нь огцруулж, сайдын суудал авахаар улайрсан АН-ын 14 дотор нийтлэлийн өмнө дурдсан Б.Пүрэвдорж тэргүүтнүүд бий. Шинэ засаг томилогдох чуулганы хуралдаанд ууртай үг шидэцгээсэн Б.Пүрэвдорж тэргүүтнүүд Н.Учралыг царайчилж явах үеэр хийсэн хоёр улстөрчийн мэдэгдлийг эргэн сануулъя. Н.Номтойбаяр “АН-ын гишүүд битгий МАН-ын дарга нарын өрөөгөөр гүйж ганц нэг зуу горьдоод яваад бай” гэж ёжилсон бол УИХ-ын гишүүн Ч.Лодойсамбуу “Г.Занданшатарын Засгийн газрыг огцруулдаг шөнө бүлгийн шийдвэрээ хэн, хэн дагаагүй, ирцдээ орохгүй байсан бэ гээд хөөвөл нэрс нь гараад ирнэ. Тэр наймаачид одоо дараагийн наймаагаа хийгээд бүлгийг задлахаар оролдож байна. Яг нэгдээд сөрөг хүчин шиг хүчтэй байя гэхээр ингэж байгаа нь айлын Засгийг хамгаалж үлдэх гэсэн үйлдэл” хэмээн мэдэгдэж албан тушаалын төлөө нүдээ ухаад өгөхөөс буцахгүй 14 гишүүний булайг дэлгэсэн юм.

Г.Занданшатарын Засгийн газрын эхний “уналт”-аас тайлбарлавал тун ойлгомжтой болно. 2025.10.17-нд УИХ-ын нэгдсэн чуулганаар Г.Занданшатарын Засгийн газрыг огцруулах эсэх асуудлыг хэлэлцэх үеэр АН-ын бүлэг “зугтаасан” юм. Тэд УИХ-ын нэгдсэн чуулганд суух үндсэн үүргээ таягдаж, тойрч зугтаасаар Г.Занданшатарын Засгийн газрыг аварч байв. Эрх баригч нам нь өөрөө Засгийн газраа унагаая гээд чуулган зарлаад байхад сөрөг хүчний гишүүд хуралдаа суухгүй, хуулийн хугацааг өнгөрөөж байв. Үүнийхээ ашгийг Ч.Лодойсамбуугийн хэлдгээр ил далдаар хүртсэн нь гарцаагүй.

Товчхондоо АН-ын 14-ийн энэ нохойтол хоёр тал болчихсон байсан МАН-ын 30:38-ыг нэгтэж хүчтэй сөрөг хүчин байх алтан боломжоо алдав. Н.Учралын Засгийн газарт ХҮН, Үндэсний эвсэл нэгдлээ. Н.Учрал үүнийгээ “Намын дотоод зөрчил, эв нэгдлийг харж, хамтрах нам эвслийг сонгосон” гээд зарлачихна лээ. Ухаалаг үг, уран нүүдэл.

Давтан онцлоход АН жинхэнэ сөрөг хүчин шиг байсан бол тэдэнд алтан боломж гарч ирээд байсан юм. МАН хоёр хуваагдан задарч, хоёр талд хулгай луйвраа ээлжлэн илчилж байлаа. Энэ бол зөвхөн АН-аар тогтохгүй олон нийтийн хувьд ч эрх баригч намын хулгай луйврыг ил харах, цаашлаад хариуцлагад татах боломж болж байв. Нөгөө талаар зөвхөн АН талаас илүү эрх баригч намын хуваагдал, тэр дундаа 30-ын бүлэг гэгддэг Д.Амарбаясгалан, Л.Оюун-Эрдэнэ нар парламентын ардчиллыг хамгаалах, Б.Энхбаяр нарын авлигын сүлжээг зарлаж байгааг хамгаалах учиртай юм. Харин АН-ын 14 гишүүн эртнээс 38-ын талд үйлчилж, яв гэсэн газар явж, зогс гэсэн газар нь зогссоор өнөөдөр ийнхүү МАН-ын хуваагдлыг нэгтгэж, хулгай луйвраа илчилж байсныг нь зогсоон, далд хэлбэрт шилжүүлчихлээ.

Дахин хэлэхэд эрх баригч намын дарга Н.Учрал тун уран нүүдэл хийлээ. Түүний эсрэг яаж ч зогсож чадах бүхэл бүтэн 42 гишүүнтэй АН-ыг задалж, эцэст нь сөрөг хүчин “бөлдөгдүүлсэн” мэт юу ч хийж чадахгүй үлдэж байгааг л нийтээрээ харлаа. Б.Пүрэвдорж шорон ярьж, С.Эрдэнэболд “Зарим сайд нарыг шалгуулж” гэж бачимдсан нь сөрөг хүчний дуу хоолой бус, дүр эсгэсэн чарлаан байлаа. Үүнийг олон нийт мэдэх учиртай.

Өнөөдөр аль нэг намын гишүүд сайд болох нь ард түмэнд чухал бус ард түмний боломж, төсвийн мөнгө, баялгийг хулгайлсан, баримтууд яригдсаар байгаа эзэд, эрх мэдэлтэй, албан тушаалтай үлдэж, хулгай луйвар дарагдаж байгаа нь хамгийн их хорлонтой явдал юм. Ардчилал, хүний эрх, эрх чөлөөг хамгийн их ярьж, УИХ-д суудалтай болсон АН-ын залуус ээлжит, ашигт улс төрөө гүйцэлдүүллээ. Үр дагавар нь нийгэм, олон нийт, ард түмний тарчиг амьдралаар илэрдэг нь гашуун үнэн.

 

Д.БАТБОЛД

ӨДРИЙН СОНИН

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

393

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

598

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

782400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

567


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.