2111-р сар, 2026Бямба гараг

“Хэрэг” нь халуун дээрээ байгаа Д.Баясгалан хүрээд иржээ, хэрэг нь цайрах “эрх зүй”-тэй болсон Д.Эрдэнэбилэг зугтсаар байх уу?

4 сар 9. 9:373 мин унших

Д.Баясгалангийн “хэрэг” нь ид халуун дээрээ байна.

“Бодь групп”-ийн эзэн Д.Баясгалантай холбоотой учир нь олддоггүй зүйл олон байсан. Нэг нь л гэхэд, одоогоос долоон жилийн өмнө, 2019 оны нэгдүгээр сарын 21-нд АТГ-аас Д.Баясгаланг цагдан хорьж байв. Эх сурвалжуудын мэдээллээр “...Д.Баясгаланг Хууль зүйн сайд асан Д.Дорлигжавын хэрэгт холбогдуулан шалгаж эхэлсэн” гэсэн.

Учрыг ухвал, тухайн үед Хууль зүйн сайд асан Д.Дорлигжав нь Т.Ганболдын алдсан гэх гэх дөрвөн сая ам.долларын хэргээр Цагдан хорих 461 дүгээр ангид саатуулагдан шалгагдаж байсан юм. Д.Баясгалан дөрөв хоноод, 25-ны өдөр суллагдаж байв. Тэгснээ, тэр жилийнхээ арванхоёрдугаар сарын 9-нд Ерөнхийлөгч Х.Баттулгаас Гавьяат эдийн засагч цол шагнуулж байлаа. Сонин шүү, жилийн эхэнд хорьж саатуулаад, жилийн эцсээр нь шагнаж урамшуулаад байдаг. Гэхдээ, тэр хэдэн сарын хооронд Тавантолгой-Гашуунсухайтын төмөр замын гэрээ сэлт нь байгуулагдаад, ажил нь бараг эхэлчихсэн үе байв. Ер нь бол, уг гэрээний оффтейк хувилбартай нь холбоотой хардлага сэрдлэг анхнаасаа л байсан. 2022 оны сүүлчээр нүүрсний хулгай мандахад энэ яригдаж л байсан.

Тиймээс тухайн үеийн Засгийн газар гэрээнүүдийг нууцаас гаргаж байв. Тэгэхэд Д.Баясгалан гарч ирээд “...60 ам.долларын нүүрсний гэрээний үнийг индексээр гаргасан. Бид хамгийн хямд худалдан авагч нь биш, манайхаас хямд нүүрс авч байгаа Хятадын худалдан авагч олон байгаа” гэж байв. Харин өнөөдөр уг гэрээтэй нь холбоотой 110 сая ам.долларын авлигын асуудал босоод ирлээ. Д.Баясгалан хэд хоногийн өмнө Австралиас цахим сүлжээгээр холбогдож “...Энэ бол гүтгэлэг” гэсэн. Харин тэрээр Австралид гүрийж байж байгаад саяхан эх орондоо иржээ. Уржигдар “Монголын оюутны спортын VII наадам”-ын нээлтэд оролцсон тухай мэдээлэл цацуулсан байна. Уг нь, Д.Баясгалангийн “хэрэг” нь ид халуун дээрээ байна. АТГ ч шалгаад эхэлсэн. Гэхдээ тэр улс төрийн хамгаалалтдаа найдаж буй бололтой, хүрээд иржээ. Нөгөөтэйгүүр, 110 сая ам.долларыг авлигад тараасан гэгдэж буй Д.Баясгалан эх орондоо ирж болоод байхад “Эрдэнэт”-ийн 49 хувийг Оросоос авчирсан Д.Эрдэнэбилэг эх орноосоо яваад багагүй хугацааг өн­гөрөөлөө. 2023 оны эхээр Д.Эрдэнэбилэгийн өмгөөлөгч шүүхэд “...14 хоногийн хугацаанд Сингапур улсад эмчлүүлэх шаардлагатай. Хилийн хоригийг цуцалж өгнө үү” гэх хүсэлт гаргаж, шүүх гурван тэрбумын барьцаа тавиулаад тэр ёсоор нь шийдсэн. Суллагдаад ниссэн. Одоог болтол ирээгүй байгаа юм. Түүнийг “Эрдэнэт”, “Монголросцветмет”-ийн 49 хувь, Дарханы төмөрлөгийн үйлдвэр, Хөтөлийн цемент, шохойн үйлдвэрийг хууль бусаар хувьчилж авсан гэж буруутгадаг. Улмаар, дөрвөн их наядын хохиролтой “Эрдэнэт”-ийн 49 хувьтай холбоотой маргааныг 2019 оноос, 2.8 их наядын хохиролтой Дарханы төмөрлөгийн үйлдвэр, гурван тэрбумын хохиролтой Хөтөл цемент шохойн үйлдвэртэй холбоотой хэргийг 2020 оны эхнээс АТГ шалгаж эхэлсэн. 2022 оны сүүлчээр АТГ-аас хэргүүдийг прокурорт шилжүүлсэн байдаг. Харин сүүлийн үед Д.Эрдэнэбилэгийг буруут­гаад байсан асуудал нь эрх зүйн хувьд гацаанд ороод байна.

Саяхан ЗГХЭГ-ын дарга Б.Энхбаяр “...“Эрдэнэт”-ийн 49 хувийг буцааж авахтай холбоотой Цэц, Дээд шүүхийн гурван өөр шийдвэр гарсан. Тиймээс энэ асуудал гацаанд орчихоод байгаа” гэж мэдэгдсэн. Өөрөөр хэлбэл, Д.Эрдэнэбилэгтэй холбогдсон өмчүүдийг, ялангуяа “Эрдэнэт”-ийн 49 хувийг төрд авахыг заасан УИХ-ын тогтоолыг эцэслэн хэрэгжүүлэх боломжгүй болжээ. Товчхондоо, “Эрдэнэт”-ийн 49 хувийг эргүүлж авах боломж Д.Эрдэнэбилэгт үүсжээ. Тиймээс, “хэрэг” нь халуун дээрээ байгаа Д.Баясгалан хүрээд иржээ, хэрэг нь цайрах “эрх зүй”-тэй болсон Д.Эрдэнэбилэг зугтсаар байх уу гэмээр болоод байна. 

 

 

Б.ОЧИР

Эх сурвалж: “Зууны мэдээ” сонин

2026 ОНЫ ДӨРӨВДҮГЭЭР САРЫН 9. ПҮРЭВ ГАРАГ. № 67 (7809)

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

395

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

599

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

783400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

569


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.