2111-р сар, 2026Бямба гараг

Монгол Улсын Хүний эрхийн үндэсний комисс “Ажлын байрны бэлгийн дарамтыг” “Ажлын байрны найрсаг харилцаа” гэж тодорхойлов

4 сар 10. 12:283 мин унших

ШЕЗ-ийн Гүйцэтгэх нарийн бичгийн дарга Б.Эрдэнэтулга гэдэг нөхөр ямар үйлдэл үзүүлдэг тухай шүгэл үлээгч эмэгтэй

ШЕЗ-ийн газрын даргын үүрэг гүйцэтгэгч Ч.Ханддулам "Өдрийн сонин"-д ярилцлага өгч шүгэл үлээсэн. Тэрбээр ярилцлагадаа ажлын байран дээрээ бэлгийн дарамтад өртсөн талаараа дурдсан. Тэгвэл ажлын байрны бэлгийн дарамт гэж юуг хэлдэг талаарх тодорхойлолтыг та бүхэнд харуулъя.

Ажлын байрны бэлгийн дарамт гэдгийг: Бусдыг хүсээгүй байхад нь бэлгийн сэдлээ үг хэлээр, биеэр буюу өөр хэлбэрээр илэрхийлсэн, эсвэл хурьцал үйлдэхээс аргагүй байдалд оруулсан, мөн бэлгийн сэдлийн улмаас ажил, албан тушаал, эд материал, сэтгэл санааны болон бусад байдлаар хохироох үр дагавар бүхий тэвчишгүй орчин үүсгэх, айлган сүрдүүлэх, тулган шаардах зэрэг үйлдэл, эс үйлдэхүйг хэлнэ гэж заажээ.

ШЕЗ-ийн Гүйцэтгэх нарийн бичгийн дарга Б.Эрдэнэтулга гэдэг нөхөр ямар үйлдэл үзүүлдэг тухай шүгэл үлээгч эмэгтэй дараах зүйлийг ярьжээ Ажлын томилолтоор гадагшаа манайхан явахаар яригдах үеэс “Надтай ойр яваарай” гээд сануулж эхлэх болсон. Түүнчлэн биед хүрч, сануулах болсонд эвгүйцэж эхэлсэн. Сүүлдээ би энэ гадаад томилолтод явахаа хүртэл больдог юм бил үү гэж бодож эхэлсэн. Архи үнэртүүлчхээд өрөөний гаднаас чанга хашхирч дуудах, ажилтнуудын асуудлын өмнөөс дуудаж загнах үйлдэл байнга гарах болсон. Үүрэг даалгавар, мэдэгдэх хуудас, шийтгэл гээд олон юмны дараа хамт олноороо шинэ жилийн баяраа тэмдэглэж байхад тэврээд “Чи намайг хөгшин болохоор тоохгүй байгаа юм уу” гэж, бас “Надтай сөргөлдвөл эвгүй гэдгийг мэдэрсэн биз дээ” гэснийг дарамт гэж үзэхгүй байхын аргагүй. Манай төрийн байгууллагуудад энэ мэтээр ажилтнууддаа ханддаг хүмүүс байдаг. Үүнийгээ хэвийн харилцаа гэж ойлгодог байж болохгүй. Гэхдээ ийм байдал эмэгтэй хүмүүст ямар тавгүй байдал үүсгэдгийг хүмүүс тэр бүр ойлгохгүй байж магад. Хүсээгүй байхад ойртон дотносох, бэлгийн дарамтын утгатай үг хэлэх, шөнө оройгүй зурвас илгээх, хувийн орон зайд халдах, эрх мэдлээр далайлгах зэрэг үйлдэл нь ажлын орчныг айдастай, дарамттай болгож хувиргадаг... гэжээ. Ярьсан үг, дээрх тодорхойлолт хоёрыг зэрэгцүүлээд үзэхэд яаж ч бодсон энэ үйлдэл ажлын байрны бэлгийн дарамт юм гэж үзэхээр. Гэвч энэ бол бэлгийн дарамт биш байна гэж ХЭҮК үзсэн нь аймаар. Манай Хүний эрхийн эрхэм дарга нар үүнийг юу гэж үзсэнийг харцгаая. Энэ талаар шүгэл үлээгч:.. Би өөрийнхөө гомдлын хүрээнд шаардлагатай нотлох баримтууд, чатууд хавсаргаж өгсөн... Өргөдөл гомдол шийдэгдэхгүй гурван сар болж, бид өчнөөн хандаж байж хэрэг шалгалт эхлүүлсэн. Гэтэл асуудлын эзэн Б.Эрдэнэтулга даргын төрсөн ах нь ХЭҮК-т ажилладаг байсныг сүүлд мэдсэн л дээ. Энэ хэргийг хариуцаж авсан Хүний эрхийн комиссын гишүүн ажлын байрны бэлгийн дарамт гэж үзэхээр байгаа гэдэг талаар надтай уулзах үедээ хэлсэн ч уулзалтын төгсгөлд даргын чинь нэр хүнд яригдана гээд эвлэрүүлэх байр суурьтай хандаад байсны учир ч тэр болж таарсан.

Удалгүй дүгнэлт гарна гэж байсан хугацаандаа гараагүй, тэгээд шаардлага болж ирэхдээ ажлын бус шөнийн цагаар бичсэн чатыг найрсаг яриа өрнүүлсэн байна гэж дүгнэсэн байсан... гэжээ. За яах вэ ажил дээр ээ иймэрхүү маягаар маазардаг эрчүүдэд бол ёстой “аз-ны юм” гэж үзэхээр. Хүний эрхийн эрхэм дарга нарыг тэвэрч аваад үнсмээр. Гэвч дэлхий даяар дээрх үйлдлийг “Ажлын байрны бэлгийн дарамт” гэж үздэг. Монгол Улсын Хүний эрхийн үндэсний комисс бол “Ажлын байрны найрсаг харилцаа” гэж үздэг аж. Харин та үүнийг уншаад юу гэж бодож байна.

 

Ө.ТӨР

ӨДРИЙН СОНИН 

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

542

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 360

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

668


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.