2111-р сар, 2026Бямба гараг

“Эрдэнэс критикал минералс” захирлаа “зайлуулдаг” матаасчинтай болсон уу?

4 сар 15. 9:543 мин унших

УИХ-ын гишүүн асан Д.Тогтохсүрэн УИХ-ын 2024 оны сонгуулийн дараа “Эрдэнэс критикал минералс” ТӨҮГ-ын захирлаар томилогдсон. Энэ компани бол 2016 онд “Монголиан коппер корпорэйшн” ХХК-ийнхан “Эрдэнэт”-тэй хамт 49 хувийг нь Оросоос авчирсан “Монголросцветмет” л дээ.

Өнгөрсөн жил Засгийн газраас нэрийг нь өөрчилсөн юм. Д.Тогтохсүрэнгийн хувьд Өвөрхангай аймгийн Засаг даргаар олон жил ажилласан, МАН-ын 2017 оны хагарлын дараа УИХ дахь бүлгийнх нь даргаар томилогдсон зэрэг он жилүүд нь түүнийг улс төр, хууль, аж ахуйн ажилд хэр зэрэг туршлагатай, тогтвортой, тулхтай хүн бэ гэдгийг тодорхойлдог. Гэвч, АТГ-аас өчигдөр олон нийтэд хүргэсэн Д.Тогтохсүрэнд холбогдох хэргийн талаарх мэдээллийг өглөө. Яахын аргагүй баримт дурдсан мэдээллээс, “…Тэрээр “Эрдэнэс критикал минералс” компанийн захирлаар ажиллах үедээ асуудал үүсгэсэн” гэдэг нь ойлгомжтой болж ирэв. АТГ-аас Д.Тогтохсүрэнд холбогдох хэргийг прокурорт шилжүүлжээ. Удахгүй шүүх рүү явж, тэнд түүний буруу, зөвийг тогтооно.

Гэхдээ, энд нэг анхаарах ёстой зүйл байна. Юу гэвэл, энэ том ТӨҮГ-ын удирдлад суух нь хэн бүхэнд олдоод байхгүй ховор боломж юм. Яг үүнтэй холбоотойгоор “Эрдэнэс критикал минералс” ТӨҮГ-ын захирлын төлөөх өрсөлдөөн ил, далд байнга өрнөж байдаг. Ганцхан алхаад захирал болчих боломж байсан ч өөр хүн томилогдож очоод хор шарыг нь малтаад байдаг явдал тэнд байгаа бололтой. Тиймээс, Д.Тогтохсүрэнг “зайлуулчих” хүсэлтэй нэгэн жил гаруйн өмнөөс элдэв хов матаасыг дээш нь хүргэсээр ирсэн байх юм. Үр дүн нь ч гарсан. Алдаа гаргаж авлигад холбогдоод хуулийн хариуцлага хүлээхээр буугаад явсан. Гэсэн ч, хүслээр нь болж тэр хүнийг “Эрдэнэс критикал минералс” ТӨҮГ-ын захирлаар томилоогүй байна. Баянхонгор аймгийн Засаг дарга асан, сүүлд 2025 оны арванхоёрдугаар сараас Ерөнхий сайдын ажлын албанд ажиллах болсон Д.Мөнхсайханыг томилжээ. Д.Мөнхсайханы хувьд, 1999 онд МУТИС-ийн КТМС-ийг бизнесийн удирдлага, 2002 онд Удирдлагын академийг төрийн удирдлага мэргэжлээр тус тус төгссөн. Улмаар, 2000-2001 онд аймгийн ЗДТГ-ын Хүний нөөцийн ажилтан, 2001-2003 онд “Дэлхийн зөн” Олон улсынын байгууллагад салбарын зохицуулагч, 2003-2005 онд “Монгол шуудан” ХХК-ийн салбарын захирал, 2007-2012 онд Баянхонгор аймгийн Мэргэжлийн хяналтын газрын дарга, 2012-2018 онд “Их богд зам” ХХК-ийн захирал, 2018-2020 онд “Эрдэнэс Монгол” ХХК-ийн санхүүгийн газрын захирал, 2020-2024 онд Баянхонгор аймгийн Засаг даргаар ажиллаж иржээ. Мөн, тэрээр Баянхонгор аймгийн ИТХ-ын төлөөлөгчөөр гурав дахь удаагаа сонгогдсон байна. Мөн 2020-2024 онд аймгийн Засаг даргаар ажилласан бөгөөд түүнийг 2024 онд улираан томилсон байдаг.

Гэвч, Д.Тогтохсүрэнд дургүй байсан тэр нэг матаасчинд Д.Мөнхсайхан бас л таалагдсангүй бололтой. Хэвлэлээр “…Нэг авлигачныг явуулаад дахиад нэг авлигачныг томиллоо” гэх шүүмж өрнөөд эхлэв. Түүнийг “…2022 онд 320 сая төгрөгийн хэргээр АТГ-т шалгагдаж байсан” гээд эхэллээ. Эндээс үзвэл, “Эрдэнэс критикал минералс” ТӨҮГ-ын захирлаар томилогдоод удаагүй Д.Мөнхсайханы талаарх таагүй мэдээлэл тун удахгүй “дээшээ” хөвөрч мэдэхээр л байна.

 

 

Эх сурвалж: “Зууны мэдээ” сонин

2026 ОНЫ ДӨРӨВДҮГЭЭР САРЫН 15. ЛХАГВА ГАРАГ. № 71 (7813)

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 361

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

669


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.