2111-р сар, 2026Бямба гараг

Ч.Лодойсамбуу: Төсвийн хөрөнгөнөөс ₮500 тэрбумыг үрэн таран хийчихсэн хотын дарга Х.Нямбаатар сайн дураараа ажлаа өгөх ёстой

4 сар 30. 12:573 мин унших

Ч.Лодойсамбуу: Төсвийн хөрөнгөнөөс ₮500 тэрбумыг үрэн таран хийчихсэн хотын дарга Х.Нямбаатар сайн дураараа ажлаа өгөх ёстой

Ардчилсан намын 4/11 мэдээллийн цагаар нийслэл Улаанбаатар хотыг тойрсон улс төр, эдийн засгийн асуудлаар УИХ-ын гишүүн Ч.Лодойсамбуу мэдээлэл өглөө. 

Тэрбээр "УИХ дээр Х.Ганхуяг гишүүн санаачилга гаргаж, Туулын хурдны замын асуудлаар хянан шалгах түр хороо байгуулахаар гарын үсэг цуглуулж эхэлсэн. Гэтэл түр хороо байгуулах ажлаа татаж байна. Эх баригч намынхан үеийн үед ийм зүйл хийдэг. Чамайг ингэнэ шүү гэж гараа далайж үзүүлдэг, нөгөөх нь нумарвал хоорондоо ярилцдаг, гэдийвэл байлдаад эхэлдэг. 

Сүүлийн үед төрийн ажил сошиал медиагаар үнэн худал нь мэдэгдэхгүй мэдээлэл сэвнэ. Хууль хяналтын байгууллага ажлаа хийхээс өмнө сошиал шүүхээр оруулаад шийдвэл мөрдөн шалгах ажиллагаа явуулдаг буруу жишиг рүү орсон. 

Хэрэв хууль сахиулах байгууллага гэж байдаг бол улайм цайм Монголын хууль тогтоомж зөрчөөд төсвийн 500 тэрбум төгрөгийг үрэн таран хийчихсэн баримт байгаа. Туулын хурдны замыг хийх гэж буй Хятадын компанийн баталгааны хуудсыг санхүүгийн мэдлэгтэй хүн харахад л хууль тогтоомж зөрччихсөн байгаа. Ийм баталгааны хуудас аваад төсвийн мөнгөнөөс 500 тэрбумыг шилжүүлчихсэн нь бүлэг залилангийн гэмт хэрэг ил тод бэлэн байна. 

Ийм бэлэн гэмт хэрэг дээр МАН-ын хоорондын тулааныг хараад үйл ажиллагаагаа шударгаар хуулийн дагуу явуулж чадахгүй байгаа хууль сахиулах байгууллага ажлаа хийгээч ээ. 

Төсвийн хөрөнгөнөөс 500 тэрбум төгрөгийг үрэн таран хийчихсэн хотын дарга Х.Нямбаатар сайн дураараа ажлаа өгөх ёстой. Тэгэхгүй Т.Даваадалай гэх орлогч даргаа урдаа тавиад хаалт хийж буй дүр зураг харагдаж байна. Гэтэл асар том хохирол үүсгэчихсэн нь баримтаар ил байгаа үед хотын даргаа өөрөө ажлаа өгөөд шалгуулах нөхцөл бүрдсэн. 

Тендерийн хуулиар санхүүгийн баталгааг давхар даатгагч эсвэл банкнаас гаргадаг. Хотын удирдлагууд ямар ч хууль зөрчөөгүй, манай улсын даатгалын компани оролцсон гэж тайлбарладаг. Даатгалын бичгийг харахаар Мөнх даатгал гэдэг компани даатгалтай ерөөсөө оролцоогүй, санхүүгийн даатгалтай холбоотой мэдээллийг зуучлагч байдлаар оруулчихсан. China highway гэдэг компани юмаа хийж чадна гэдэг баталгааг Жанбан инженеринг гэдэг компаниар гаргуулчихсан. Энэ бол цэвэр залилан. 100 айл дээр би чадна гээд зогсож байдаг хүмүүстэй яг адилхан.

2016 онд нийслэлийн төсөв 550 тэрбум төгрөг байсан бол 2026 онд дөрвөн их наяд төгрөг болсон. Л.Оюун-Эрдэнэ ерөнхий сайд болсноос хойш нийслэлийн эрх мэдлийг онцгой нэмсэн. Эрх мэдэл, татвар, төсвийн орлого, зээл авдаг эрхээ нэмсэн. Өнөөдөр зөвхөн Улаанбаатарт хотын бонд 500 сая ам.доллар, олон улсын байгууллагын 500 сая ам.долларын зээл, дэд бүтцүүдэд өгсөн баталгаа 300-500 сая ам.доллар байна. Үндсэндээ долоон их наяд төгрөгийн өрийг тавьсан байна. 

Л.Оюун-Эрдэнэ үеэлээ хотын даргаар томилсноос хойш Улаанбаатар гэдэг улс байгуулаад, асар их эрх мэдэл мөнгөтэй болж дур зоргоороо аашилж байсан" гэв.

Энэ мэдээ танд ямар мэдрэмж төрүүлж байна?

Санал болгох

Хошууч генерал Б.Хурц: Нам минь болохоо байлаа гээд залуучууд маань нэгдэж өнөөдрийн "ОНЦ" их хурлыг зарлалаа. Нөгөө талаас МАН өглөө болгон бидэнд бэлэг барьдаг боллоо.

Хошууч генерал Б.Хурц: Нам минь болохоо байлаа гээд залуучууд маань нэгдэж өнөөдрийн "ОНЦ" их хурлыг зарлалаа

1 077

Хяналтын байгууллага нь намын удирдлагаа огцруулах ямар ч боломжгүй тул С.Баярцогт АН-ын ЕНБДарга хэвээрээ

Ардчилсан Намын Хяналтын Ерөнхий Хороо өнгөрсөн Баасан гарагийн орой яаран хуралдаж, АН-ын Ерөнхий Нарийн Бичгийн Дарга С.Баярцогтыг огцруулж байна гэх мэдээлэл хийв. Тэдний гаргасан албан мэдээнд: "Хяналтын Ерөнхий хорооны 15 гишүүнээс 13 гишүүн оролцож, 100 хувийн саналаар С.Баярцогтыг АН-ын ЕНБДаргаас чөлөөллөө. “Ардчилсан намын дотоод сонгуультай холбоотой гарсан будлианы улмаас АН-ын зарим хороон дээр дахин сонгууль явуулах шийдвэр гаргаж, АН-ын ХЭЕГ, түүний удирдлага буюу ЕНБДаргад чиглэл өгсөн хэдий ч удаа дараа өгсөн үүргийг биелүүлэлгүй олон сар болсон учраас Ардчилсан намын гишүүдийн гомдол, саналыг биелүүлэхгүй байгаа ЕНБД С.Баярцогтыг албан тушаалаас нь чөлөөлөх шийдвэр гаргасан болно.” гэсэн байлаа. Мөн энэ үеэр УИХ-ын гишүүн асан, ХЕХ-ны гишүүн Д.Ганхуяг : "АН-ын гүйцэтгэх удирдлага дүрмээ ягштал мөрдөх ёстой. Гэтэл дүрмээ биелүүлэхгүй байна

1 022

АН: Оюутолгойгоос орж ирэх 3 их наяд төгрөг ногдол ашиг мөн үү гэдгийг нягтлах хэрэгтэй

Ардчилсан намын “4:11 мэдээллийн цаг” ээлжит хэвлэлийн бага хурал өнөөдөр /2026.11.05/ Төрийн ордонд болж, цаг үеийн асуудлаар мэдээлэл хийлээ. Хэвлэлийн бага хуралд Ардчилсан намын Дарга О.Цогтгэрэл, УИХ дахь Ардчилсан намын бүлгийн дарга Б.Түвшин, Ардчилсан намын Олон нийттэй харилцах бодлого хариуцсан Нарийн бичгийн дарга Г.Лхагвадорж нар оролцов. ​​​​​​​ Энэ үеэр Ардчилсан намын Дарга О.Цогтгэрэл: "Сүүлийн үед улстөрд өрнөөд байгаа олон асуудал бий

907

Ж.Баярмаа: Төрийн аль аль байгууллага дэргэдээ хэвлэл мэдээллийн хэрэгсэлтэй байгааг шалгана

УИХ дахь Ардчилсан Намын бүлгийн ээлжит хуралдаанаар хэлэлцсэн асуудлын талаар мэдээлэл өглөө. Өнөөдрийн хуралдаанаар хэвлэлийн эрх чөлөөний тухай асуудлыг хэлэлцсэн болохыг бүлгийн дарга Б.Түвшин танилцуулав

1 6437802185652519accb4c45

Х.Тэмүүжин : Шүүх аль эрт шүүх биш болоод, өөрөө яллагч болж хувирчихсаны шинж

Ардчилсан намын “4:11 мэдээллийн цаг” ээлжит хэвлэлийн бага хурал өнөөдөр боллоо. Энэ үеэр УИХ-ын гишүүн Х.Тэмүүжин "Монгол Улсын Үндсэн хуулийн 16 дугаар зүйлд байгаа шударгаар шүүлгэх эрх буюу иргэний үндсэн эрхийн заалт байна. Энэ шударгаар шүүлгэх эрх дотроо хоёр агуулгатай

1 083

УИХ-ын гишүүн Л.Гантөмөр: Төсвийн алдагдал тутамд төгрөг хэвлэгдэнэ

УИХ дахь Ардчилсан намын бүлгийн гишүүд Оюутолгойгоос орж ирэх гурван их наяд төгрөг болон 2027 оны төсөвтэй холбоотой асуудлаар хэвлэлийн хурал зохион байгууллаа. Энэ үеэр УИХ-ын гишүүн Л.Гантөмөр тус гурван их наяд төгрөгийг ард иргэдэд тарааж өгөх ёстой асуудлаар байр сууриа илэрхийлэв. Тэрбээр "Үнийн дарамтад байгаа монголчуудын төлөө УИХ, Засгийн газар юу хийж чадах вэ гэдэг асуултад хариулах цаг нь болсон. Тиймээс Оюутолгойгоос гурван их наяд төгрөгийн ногдол ашгийг авах хэрэгтэй

1 000


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.