2111-р сар, 2026Бямба гараг

"Бид ямар ч байсан оршуулгын тодорхой хэмжээний зардлыг зохицуулахаар хуулийн төсөлд тусгаж байгаа"

5 сар 7. 15:213 мин унших

Дэлхийн эрүүл мэндийн практикт 1963 оноос амьгүй донор


УИХ-ын чуулганы өнөөдрийн хуралдаанаар Эрхтэн, эд, эс шилжүүлэн суулгах тухай болон хамт өргөн мэдүүлсэн хуулийн төслүүдтэй холбогдуулан боловсруулсан “Хууль баталсантай холбогдуулан авах арга хэмжээний тухай” Улсын Их Хурлын тогтоолын төсөл болон Засгийн газрын тусгай сангийн тухай хуульд өөрчлөлт оруулах тухай хуулийн төслүүдийн анхны хэлэлцүүлгийг явууллаа.

Энэ үеэр холбогдох албаны хүмүүс амьгүй донорын гэр бүлд олгох оршуулгын тэтгэмжийн талаар мэдээлэл өглөө.

Эрүүл мэндийн хөгжлийн төвийн Эд, эс эрхтэн шилжүүлэн суулгах албаны зөвлөх П.Батчулуун: Дэлхийн эрүүл мэндийн практикт 1963 оноос амьгүй донороос эрхтэн шилжүүлэн суулгах эмчилгээг эхлүүлсэн. Манай улсын хувьд энэ эмчилгээг 2018 оноос эрчимтэй хөгжүүлж яваа. Амьгүй донорын гэр бүлд оршуулгын зардал өгснөөр эрхтэн шилжүүлэн суулгах эмчилгээ нэмэгдэнэ гэж үзэж байгаа. 

Турк, Солонгос улсад амьгүй донорын үйл ажиллагааг идэвхжүүлэх, тусламж үзүүлэхийн тулд гэр бүлд оршуулгын зардал өгөх асуудлыг дэвшүүлээд эрүүл мэндийн практикт хэрэгжсэн. Тиймээс бид энэ асуудлыг хуульдаа тусгасан. 

Нэгдүгээр төв эмнэлгийн хашаанд Эрхтэн, эд эс шилжүүлэн суулгах, эмчилгээ үйлчилгээ явуулах төв 2019 оноос хойш баригдаж байгаа. 

Эрхтэн, эд эс шилжүүлэн суулгах үйл ажиллагааг зохицуулах төрийн байгууллага нь мэргэжлийн төв байх ёстой. Бодлогоо баримтлаад хэрэгжилтэд хяналт тавиад, үр дүнг Эрүүл мэндийн яам, Үндэсний аюулгүй байдлын зөвлөлд өгдөг байх учиртай. Төсөв болон санхүүжилт нь улсын төсвөөс хангагдах байх.

Эрүүл мэндийн хөгжлийн төвийн Эд, эс эрхтэн шилжүүлэн суулгах албаны дарга Б.Алтантулга: Амьгүй донор болсон тохиолдолд түүний гэр бүлд оршуулгын тэтгэмжийг Засгийн газрын тусгай сангийн хуульд заасны дагуу дэмжих сангаас олгоно гэж заасан. Амьгүй донорын гэр бүлд оршуулгын тэтгэмж өгдгийг Засгийн газрын хоёр сангаас олгож буйг нэг сангаас олгох нь зүйтэй гэж ажлын хэсэг ярилцсан.

Амьгүй донорын гэр бүлтэй уулзаж, донор болох хүсэлт тавьж зөвшөөрөл авдаг. Энэ тохиолдолд амьгүй донорын хамгийн ойр дотнын гэр бүлийн гурван гишүүнээс амьгүй донорын зөвшөөрлийн хуудсанд гарын үсэг зурж баталгаажуулдаг. 

Манай алба 2018 онд байгуулагдсанаас хойш 75 гэр бүлд амьдрал бэлэглэсэн. Энэ хуулийн төсөл батлагдсанаар амьгүй донорын илрүүлэг болон эрхтэн шилжүүлэн суулгах эмчилгээ хэд дахин нэмэгдэнэ.

Оршуулгын тэтгэмж өгөх асуудал 2023 оноос хэрэгжиж эхэлсэн. Энэ хүрээнд нийгмийн даатгалын халамжийн сангаас 2023 онд нэг хүн, 2024 онд дөрвөн хүн, 2026 онд нэг хүн гээд нийт 22 сая төгрөгийн оршуулгын тэтгэмж олгосон байна.

Даатгуулагч, төлөгч биш тохиолдолд Эрүүл мэндийг дэмжих сангаас 2023 онд нэг хүнд оршуулгын тэтгэмж өгөх асуудал шийдэгдсэн. Оршуулгын тэтгэмжийг жилд хамгийн багадаа 10 амьгүй донор гарч болно гэж бодоод хөдөлмөрийн хөлсний доод хэмжээг арав дахин нэмэгдүүлсэнтэй тэнцэх хэмжээний мөнгөн дүн гэж тооцоолсон. Жилд ойролцоогоор 70 орчим сая төгрөгийн зардал гарна гэж тооцсон. 

Солонгос улсад амьгүй донор болсон тохиолдолд оршуулгын зардлыг бүрэн даадаг тогтолцоотой. Бид ямар ч байсан оршуулгын тодорхой хэмжээний зардлыг зохицуулахаар хуулийн төсөлд тусгаж байгаа. Монгол Улсад оршуулгын зардал хамгийн багадаа зургаан сая төгрөгөөс эхэлдэг. Тэгэхээр оршуулгын тэтгэмжийг хөдөлмөрийн хөлсний доод хэмжээг арав дахин нэмэгдүүлсэнтэй тэнцэх хэмжээ гэж тооцсон.

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

542

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 360

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

667


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.