2111-р сар, 2026Бямба гараг

“ТӨРИЙН БАНК” ХК-ИЙН ТӨЛӨӨЛӨН УДИРДАХ ЗӨВЛӨЛИЙН ХАРААТ БУС ГИШҮҮНИЙ СОНГОН ШАЛГАРУУЛАЛТЫН ЗАР

5 сар 14. 10:436 мин унших

“ТӨРИЙН БАНК” ХК-ИЙН ТӨЛӨӨЛӨН УДИРДАХ ЗӨВЛӨЛИЙН ХАРААТ БУС ГИШҮҮНИЙ СОНГОН ШАЛГАРУУЛАЛТЫН ЗАР

2026 оны 5 дугаар сарын 14-ний өдөр

 

“Төрийн банк” ХК-ийн Төлөөлөн удирдах зөвлөлийн 4 (дөрөв) хараат бус гишүүний сонгон шалгаруулалтыг зарлаж байна.

 

Хараат бус гишүүнд тавигдах ерөнхий шаардлага:

 

Хараат бус гишүүнд нэр дэвшигч нь Банкны тухай хуулийн 32 дугаар зүйлийн 32.1.1-32.1.6 дахь заалт, 33 дугаар зүйлийн 33.3 дахь хэсэг болон холбогдох хууль тогтоомжид заасан шалгуур, шаардлагыг хангасан байна.

 

Хараат бус гишүүнд тавигдах тусгай шаардлага:

 

  • Компанийн зохистой засаглалын чиглэлээр сургалтад хамрагдсан гэрчилгээтэй байх;
  • Шүүхийн шийдвэрээр гүйцэтгэх өр төлбөргүй байх;
  • Тодорхой албан тушаал эрхлэх, үйл ажиллагаа явуулах эрхийг шүүхийн шийдвэрээр хасуулаагүй байх;
  • Сүүлийн 4 жилийн хугацаанд улс төрийн намын ажилтан, сонгуульт удирдах албан тушаалтан, улс төрийн албан хаагчаар ажиллаагүй байх;
  • Тухайн салбарын төрийн өмчит, төрийн өмчийн оролцоотой, эсхүл хувийн өмчийн хуулийн этгээдийн төлөөлөн удирдах зөвлөлийн гишүүнээр ажилладаггүй байх;
  • “Төрийн банк” ХК-ийн Төлөөлөн удирдах зөвлөлийн бусад гишүүн, гүйцэтгэх удирдлага, төрийн өмчийн хувьцаа эзэмшигчийн эрхийг хэрэгжүүлэгчийн холбогдох удирдах албан тушаалтантай нэгдмэл сонирхолтой этгээд биш, эсхүл тэдгээртэй төрөл, садангийн холбоогүй байх;
  • “Төрийн банк” ХК-ийн томоохон харилцагчийн хяналтын багц эзэмшигч, эцсийн өмчлөгч, эрх бүхий албан тушаалтан биш байх /нэг жилд тухайн харилцагчтай хийсэн хэлцлийн нийт дүн нь “Төрийн банк” ХК-ийн нийт активын 10-аас дээш хувьтай тэнцэж байвал томоохон харилцагч гэж үзнэ/;
  • Банкны өрсөлдөгч, банкны томоохон харилцагч, банкны тусгай зөвшөөрөлтэй үйл ажиллагаанд нөлөөлөхүйц хамаарал бүхий хуулийн этгээдийн эрх бүхий албан тушаалтан, хяналтын багц эзэмшигч, эцсийн өмчлөгч, эсхүл тэдгээрийн холбогдох этгээд биш байх.

 

Хараат бус гишүүнд нэр дэвшигч нь банкны дижитал шилжилт, финтек, мэдээллийн аюулгүй байдал, кибер эрсдэлийн удирдлага, тогтвортой болон ногоон санхүүжилт, байгаль орчин, нийгэм, засаглал /ESG/, төрийн өмчит болон нээлттэй хувьцаат компанийн засаглал, олон улсын банк, санхүүгийн байгууллагын үйл ажиллагааны чиглэлээр мэргэжлийн мэдлэг, мэргэшил, удирдлагын түвшний ажлын туршлагатай бол давуу тал гэж үзнэ.

 

Хараат бус гишүүнд нэр дэвшигчийн бүрдүүлэх материал:

 

Д/д

Бүрдүүлэх материал

Тайлбар

1.             

Сонгон шалгаруулалтад оролцох тухай хүсэлт

Сонгон шалгаруулалтад оролцох хүсэлтэд Төлөөлөн удирдах зөвлөлийн үйл ажиллагаанд өөрийн мэдлэг, ур чадвар, туршлага, хувь нэмрээ хэрхэн оруулах тухай товч илэрхийлнэ.

2.             

Төрийн албан хаагчийн анкет

Өөрийн гарын үсгээр баталгаажуулсан байна.

3.             

Нэр дэвшигчийн гарын үсгээр баталгаажуулсан мэдэгдэл, баталгаа, зөвшөөрлийн маягт

 

Хараат бус гишүүний ажил үүргийг хэрэгжүүлэхэд ашиг сонирхлын зөрчил, саад байгаа эсэх тухай

Ёс зүйн болон бизнесийн нэр хүнд нь банкийг удирдахад харшлахгүй тухай

Холбогдох хууль тогтоомж, журам, хараат бус гишүүнд нэр дэвшигчид тавигдах нийтлэг, тусгай шаардлагыг хангах эсэх тухай

Сахилгын арга хэмжээ авч байсан эсэх тухай

Өмнө нь томилогдож байсан итгэлцлийн болон үүнтэй адилтгах бусад харилцааг зөрчлийн улмаас дуусгавар болгож байсан эсэх тухай

Шаардлага хангаагүй шалтгаанаар эрх бүхий албан тушаал, захирал, удирдах албан тушаалаас нь чөлөөлж байсан эсэх тухай

Сүүлийн 4 жилийн хугацаанд улс төрийн намын ажилтан, сонгуульт удирдах албан тушаалтан, улс төрийн албан хаагчаар ажиллаагүй тухай болон төрийн, улс төрийн болон төрийн жинхэнэ албан тушаал хашдаг эсэх тухай

“Төрийн банк” ХК-д сүүлийн 5 (таван) жилийн хугацаанд төлөөлөн удирдах зөвлөлийн хараат бус гишүүнээс бусад эрх бүхий албан тушаалтан, сүүлийн 3 (гурван) жилийн хугацаанд бусад ажилтнаар тус тус ажиллаж байсан эсэх, эсхүл ажиллаж байсан этгээдийн холбогдох этгээд эсэх тухай

“Төрийн банк” ХК-ийн төрийн өмчийн хувьцаа эзэмшигчийн эрхийг хэрэгжүүлэгчийн холбогдох албан тушаалтантай нэгдмэл сонирхолтой этгээд эсэх, эсхүл тэдгээртэй төрөл садангийн холбоотой эсэх тухай

Салбарын төрийн өмчит, төрийн өмчийн оролцоотой, эсхүл хувийн өмчийн хуулийн этгээдийн төлөөлөн удирдах зөвлөлийн гишүүнээр ажилладаг эсэх тухай

Банкны өрсөлдөгч, банкны томоохон харилцагч, банкны тусгай зөвшөөрөлтэй үйл ажиллагаанд нөлөөлөхүйц хамаарал бүхий хуулийн этгээдийн эрх бүхий албан тушаалтан, хяналтын багц эзэмшигч, эцсийн өмчлөгч, эсхүл тэдгээрийн холбогдох этгээд эсэх тухай

Нэр дэвшигчдэд тавигдсан шаардлагын талаар шаардлагатай лавлагааг холбогдох байгууллагаас авах зөвшөөрөл

4.             

Цээж зураг /2 хувь/

Өнгөт, 3х4 хэмжээтэй.

5.             

Эзэмшсэн мэргэжил, боловсрол, мэргэшлийн зэрэг, эрхийг нотлох диплом, үнэмлэх

Нотариатаар гэрчлүүлсэн хуулбар хувь.

Гадаад улсад боловсрол эзэмшсэн бол диплом, гэрчилгээний баталгаат орчуулга.

6.             

Компанийн зохистой засаглалын чиглэлээр сургалтад хамрагдсан гэрчилгээ

Хуулбар хувь.

7.             

Мэргэжлээрээ болон банк, санхүүгийн байгууллагын эрх бүхий албан тушаалтнаар ажиллаж байсан ажлын туршлагатайг илэрхийлэх нотлох баримт

Ажиллаж байсан байгууллагын тодорхойлолт, томилсон, чөлөөлсөн шийдвэрийн хуулбар, албан тушаалын тодорхойлолт, бусад нотлох баримт

8.             

Зөрчлийн улмаас банкны тусгай зөвшөөрөл хүчингүй болох үед эрх бүхий албан тушаалтнаар ажиллаж байсан эсэх талаарх тодорхойлолт

Монголбанкны тодорхойлолт

/Сүүлийн 3 сарын дотор авсан байх/

9.             

“Эрх бүхий албан тушаалтнаар  ажиллаж байсан хуулийн этгээд дампуурсан, төлбөрийн чадваргүй болсон нь тухайн этгээдээс аливаа хэлбэрээр шалтгаалсан эсэх тухай” тодорхойлолт

Санхүүгийн зохицуулах хорооны тодорхойлолт

/Сүүлийн 3 сарын дотор авсан байх/

10.          

Өөрийн болон нэгдмэл сонирхолтой гэж тодорхойлсон этгээдийн хувьцаа эзэмшлийн тухай лавлагаа, нотлох баримт

Үнэт цаасны төвлөрсөн хадгаламжийн төвөөс лавлагаа авах

/Сүүлийн 3 сарын дотор авсан байх/

11.          

Банкны Төлөөлөн удирдах зөвлөлийн хараат бус гишүүний тодорхойлолт

Монголбанкны Ерөнхийлөгчийн 2021 оны А-86 дугаар тушаалын хавсралтаар батлагдсан “Банкны Төлөөлөн удирдах зөвлөлийн хараат бус гишүүнийг нэр дэвшүүлэх, томилох, чөлөөлөх журам”-ын хавсралт 1, 2

12.          

Банкны Төлөөлөн удирдах зөвлөлийн хараат бус гишүүнд нэр дэвших этгээдийн мэдүүлэг

13.          

Банкны эрх бүхий албан тушаалтны тодорхойлолт

Монголбанкны Ерөнхийлөгчийн 2023 оны А-146 дугаар тушаалын хавсралтаар батлагдсан “Банк байгуулах зөвшөөрлийн нөхцөл, шаардлагыг тогтоох, хэрэгжүүлэх журам”-ын хавсралт 2, 3

14.          

Банкны нөлөө бүхий хувьцаа эзэмшигч болох этгээд, банкны Төлөөлөн удирдах зөвлөлийн дарга, гишүүн, банкны гүйцэтгэх удирдлагад томилогдох этгээдийн асуулга

15.          

“И-Монгол” цахим системээс авах лавлагаа, тодорхойлолт

 

Нийгмийн даатгалын шимтгэл төлөлтийн лавлагаа

/сүүлийн 10 жил/

Хугацаа хэтэрсэн зээлийн өртэй эсэх лавлагаа

Хуулийн этгээд бүртгэлгүй тухай лавлагаа

Хуулийн этгээдийн бүртгэлтэй тохиолдолд Хуулийн этгээдийн дэлгэрэнгүй лавлагаа

Иргэнд олгох тодорхойлолт /Татварын ерөнхий газар/

Шүүхийн шийдвэрээр бусдад өр төлбөргүй эсэх тодорхойлолт

Иргэний үнэмлэхийн хуулбар эсхүл иргэний үнэмлэхийн лавлагаа

Иргэний оршин суугаа газрын хаягийн бүртгэлийн лавлагаа

Иргэний эрүүгийн хариуцлага хүлээж байгаа эсэх тухай  тодорхойлолт

Иргэний эрүүгийн хариуцлага хүлээж байсан эсэх тухай  тодорхойлолт

16.          

Банкны Төлөөлөн удирдах зөвлөлийн хараат бус гишүүнд тавигдах шаардлагыг хангаж байгаа эсэх талаарх холбогдох бусад баримт бичиг.

Нэр дэвшигч өөрөө шаардлагатай гэж үзсэн бусад баримт бичиг

 

Хараат бус гишүүнд нэр дэвших этгээд нь гадаадын харьяалалтай иргэн бол дараах баримт бичгийг нэмэлтээр бүрдүүлнэ:

 

  • Харьяалах улс, оронд зээл, батлан даалтын гэрээгээр хүлээсэн хугацаа хэтэрсэн аливаа өртэй эсэхийг нотлох баримт бичиг;
  • Харьяалах улс, орны шүүхийн шийдвэрээр гүйцэтгэх өр төлбөргүй болохыг нотлох баримт бичиг;
  • Харьяалах улс оронд аливаа ял шийтгэл хүлээгээгүй болохыг нотлох баримт бичиг;
  • Мөнгө угаах, терроризмыг санхүүжүүлэх, авлига, хээл хахууль, эдийн засгийн гэмт хэрэгт ял шийтгүүлж байгаагүйг нотлох баримт бичиг;
  • Гадаад хэл дээрх баримт бичгийн баталгаат орчуулга.

 

Сонгон шалгаруулалтын материал хүлээн авах газар, хугацаа:

 

“Төрийн банк” ХК-ийн Төлөөлөн удирдах зөвлөлийн хараат бус гишүүнд нэр дэвшигчийн сонгон шалгаруулалтад орох иргэний материалыг 2026 оны 5 дугаар сарын 22-ны өдрийн 17:00 цаг хүртэл “SBM_Shareholder@statebank.mn” цахим шуудангаар хүлээн авна.

 

Анхаарах зүйлс:

  • Материалыг гаргацтай сканердаж, PDF форматаар цахим шууданд хавсаргана.
  • Хугацаа хоцорсон материалыг хүлээн авахгүй.
  • Материал унших боломжгүй, дутуу, эсхүл шаардлагатай лавлагаа, мэдэгдэл, баталгаа хавсаргаагүй бол сонгон шалгаруулалтаас хасна.
  • Зөвхөн дараагийн шатны шалгаруулалтад оролцох нэр дэвшигчтэй холбоо барина.
  • Нэмэлт мэдээллийг “Төрийн банк” ХК-ийн Төлөөлөн удирдах зөвлөлийн дэргэдэх Нэр дэвшүүлэх хороотой 75071881 дугаарын утсаар холбогдон авч болно.

 

 

“ТӨРИЙН БАНК” ХК

ТӨЛӨӨЛӨН УДИРДАХ ЗӨВЛӨЛИЙН ДЭРГЭДЭХ

НЭР ДЭВШҮҮЛЭХ ХОРОО

Энэ мэдээ танд ямар мэдрэмж төрүүлж байна?

Санал болгох

Хэрэглээний бараа, үйлчилгээний үнэ улсын хэмжээнд 13.4 хувиар нэмэгджээ

Монгол Улсын нийгэм, эдийн засгийн 2026 оны эхний 10 сарын голлох үзүүлэлтүүдийг ҮСХ-ны Дотоод аудит, хяналт, шинжилгээ-үнэлгээний газрын дарга Н.Мөнхбаяр өнөөдөр /2026.11.17/ танилцууллаа. Хэрэглээний бараа, үйлчилгээний үнэ улсын хэмжээнд 13.4 хувиар өсөж, инфляцын түвшин өмнөх оны мөн үеэс нэмэгдсэн үзүүлэлттэй гарчээ. Инфляцад хүнсний бараа, ундаа, усны бүлгийн үнийн өсөлт хамгийн их нөлөөлсөн бөгөөд тус бүлгийн үнэ 19.8 хувиар өссөн байна. Мөн зочид буудал, нийтийн хоол, дотуур байрны үйлчилгээний үнэ 19.8 хувь, тээврийн бүлгийн үнэ 19.3 хувь, согтууруулах ундаа, тамхины үнэ 16.5 хувиар нэмэгджээ. Түүнчлэн боловсролын үйлчилгээний үнэ 17.7 хувь, даатгал, санхүүгийн үйлчилгээ 17.1 хувь, хувцас, бөс бараа, гутлын үнэ 8.5 хувь, гэр ахуйн тавилга, барааны үнэ 7.7 хувь, эм, тариа, эмнэлгийн үйлчилгээний үнэ 6.9 хувиар өссөн байна. Харин орон сууц, ус, цахилгаан, түлшний бүлгийн үнэ 5.9 хувь, амралт, чөлөөт цаг, соёлын бараа, үйлчилгээний үнэ 8.4 хувь, холбооны хэрэгсэл, шуудангийн үйлчилгээний үнэ 1.2 хувиар тус тус нэмэгдсэн үзүүлэлттэй гарчээ. Инфляцын түвшнийг бараа, үйлчилгээний бүлгээр авч үзвэл барааны бүлгийн үнэ 14.3 хувь, үйлчилгээний бүлгийн үнэ 11.1 хувиар өссөн байна. Монгол Улсын гадаад худалдааны нийт бараа эргэлт 2026 оны эхний 10 сарын байдлаар өмнөх оны мөн үеэс өссөн үзүүлэлттэй гарчээ

769

ҮНЭ ХАНШ: Үхрийн махны үнэ нэмэгджээ

Үндэсний статистикийн хорооноос /ҮСХ/ долоо хоног тутамд гол нэрийн бараа бүтээгдэхүүний зах зээлийн үнийг судалж гаргадаг. Энэхүү судалгаагаар бараа бүтээгдэхүүний үнэ өмнөх сараас хоёр хувиар өсөж, өмнөх долоо хоногоос 0.4 хувиар тус тус өссөн үзүүлэлттэй гарчээ

1 304

Оюу толгойн ногдол ашгийг ард түмэн бид ам.доллараар авъя!

“Алаагүй баавгайн арьсыг арав хувааж булаацалдана” гэж ярьдаг шиг аваагүй байгаа Оюу толгойн ногдол ашгийг бэлнээр авъя, хуримтлалдаа хийе, томоохон төсөл, хөтөлбөрөө санхүүжүүлье гэсэн санал дээр нийгэм талцаж байна. Нийгэм ч юу байхав дээ, ард түмний хувьд дийлэнх нь санал нэгтэйгээр уг ногдол ашгийг хувь, хувийнхаа дансанд авъя л гэж байгаа юм

1 253

Хэрэглээний зээлээ 48 сар хүртэл сунгах боломжтой боллоо

Санхүүгийн хүндрэлд орсон иргэд хэрэглээний зээлийнхээ хугацааг нийт 48 сар хүртэл сунгах боломжтой боллоо. Монголбанкны Мөнгөний бодлогын хороо арваннэгдүгээр сарын 3-ны хуралдаанаараа эл шийдвэрийг гаргасан. Сунгалт нь банк нэмэлт зээл олгохгүйгээр зээлд бүтцийн өөрчлөлт хийх тохиолдолд хамаарна. Ийм үед өр, орлогын харьцааны хязгаарлалтыг мөрдөхгүй гэв. Өөрөөр хэлбэл, орлого нь буурсан зээлдэгч сарын төлбөрөө бууруулж, хугацаагаа уртасгах боломж нээгдэх юм байна. Мөн хуралдаанаар бодлогын хүүг 12.5%-д хэвээр үлдээсэн

1 370400256365b9db8d707224

ҮНЭ ХАНШ: Гурил, сүү, өндөг, төмс, лууван, ногоон цай, шатахуун, дизелийн үнэ нэмэгджээ

Улаанбаатар хотод 2026 оны аравдугаар сарын 26-ны байдлаар гол нэрийн зарим барааны үнэ өмнөх сараас 4.2 хувиар, өмнөх 7 хоногоос 2.0 хувиар тус тус өссөн хэмээн ҮСХ-ноос мэдээллээ. Үнийн өсөлтөд гурил, сүү, өндөг, ногоон цай, төмс, лууван, шатахуун, дизель үнэ нэмэгдсэн нь голлон нөлөөлжээ. Захуудад үхрийн мах ястай нь нэг килограмм нь 27,000-37,800 төгрөгийн үнэтэй байгаа бол ясгүй цул нь 29,000-42,800 үнэтэй байна

1 621


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.