2111-р сар, 2026Бямба гараг

Н.Учрал Засгийн газарт АН-ыг урихаар намынхаа Бага хурлыг товложээ…

5 сар 20. 9:594 мин унших

Эдүгээгийн Монголын бүх компанийн адил үйл ажиллагаа хумигдаж, орлого дундарч уу?

Эхлээд: Эрхэм захирал та компанийнхаа дансыг шалга, үйл ажиллагаагаа нэг нягтална уу. Хүндэт иргэн та халаасаа ух, түрийвчээ тэмтэр, хөргөгчөө ч онгойлгож үзнэ үү? Яаж вэ, яасан байна?

Эдүгээгийн Монголын бүх компанийн адил үйл ажиллагаа хумигдаж, орлого дундарч уу?

Хүн болгонтой ижил цалин орлого хүрэлцэхээ больж, түрийвч нимгэн, халаас хоосондуу болж уу?

Энэ бол: МАН угшилтай улстөрчдийн нэг жилийн турш хоорондоо зодолдсоны үр дүн.

Гэлээ гэхдээ бид энийг яс махандаа тултлаа хараахан мэдэрч амжаагүй байгаа.

Угтаа: Эдийн засаг ташраараа муудаж. Хүн амын амьжиргааны доод түвшнээсээ эхлээд хямарч байна. Эдүгээ захууд хүнгүй. Харин их дэлгүүрүүд хүний хөлтэй хэвээр байгаагаас тэгж дүгнэхээр байна. Өвдөнө, өлсөнө, их юм болно, цаашдаа. Ирэх өвөл хот хөлдөж, харанхуй болох нигууртай. Хөдөө ч мах үнэтэй, гурил ховордох шинжтэй.

Дашрамд дэмий: 12 онд байх аа, дэлхий сөнөнө гэж Монгол даяар юм болоод эдүгээгийн Ерөнхий сайд маань лаа чүдэнзээ базаагаад зуслан дээрээ хүлээж байв. Тэгэхэд дэлхий сөнөсөн бол ч…

Тэрнээс хойш 14 жил өнгөрч. Дэлхий хэвээрээ, гэлээ гэхдээ геополитикийн зөрчлөөс үүдсэн эдийн засгийн савлагаа болж байна. Гэтэл нь Монголд энийг тоож байгаа ч юм алга. Эрх мэдлийн төлөө бүтэн нэг жил зодолдлоо. Хажуунаас нь харах нь ээ: Эрх баригч улс төрийн хүчнийхний зодоон эдүгээ нэг төгсөх шат руугаа орж байх шиг.

Өнгөрсөн жилийн 5 дугаар сараас эхэлсэн энэ улс төрийн тогтворгүй байдал нь Дарга намаа авах гэснээс үүдсэн. Л.Оюун-Эрдэнийг цүнхээр, Д.Амарбаясгаланг Бор тээгээр зайлуулсан. Тэгээд өөрийнх нь үгийг үг дуугүй биелүүлдэг Ерөнхий сайд, УИХ-ын дарга томилсон. Өнгөрөгч бямба гарагт Х.Нямбаатарыг Туулын хурдны зам, нөөцийн махаар явууллаа. Экс хүргэн Хотын дарга боллоо. сая л нэг юм нам төр нэг гар дор орж ирэв. Энэ учир зорилгын дор өнгөрсөн нэг жилийн хугацаанд үргэлжилсэн зодооныг бид бүгд үзэж харлаа. Харамсалтай юм нь: Энэнээс болоод эдийн засгийг элгээр нь хэвтүүлж, иргэд аж ахуйн нэгжүүдээр тоглож дууслаа.

Өдөр болгон тодорхой тооны компаниуд дампуурч үүдээ барьж байна. Өдөр болгон тодорхой тоотой иргэд дунджаас улны хэсэг рүү гулсаж байна. Хэцүү, тэгээд эмгэнэлтэй.

Гэхнээ: Монголын улс төр сөрөг хүчинтэй ажээ.

УИХ-ын АН-ын бүлгийн гишүүд: Эдийн засаг муудсанд Н.Учрал хариуцлага хүлээх ёстой гэж ярьцгаагаад гарын үсэг цуглуулж эхэлж байна. Харин Н.Учрал сөрсөн базаа хийгээд эхэлж. Н.Учрал энийгээ эрт мэдэж байж. Дор хаяж 14 хоногийн өмнөөс АН-ын зарим гишүүнд: Засгийн газарт хамтаръя, зургаан сайд, УИХ-ын даргыг өгье гэх санал тавьж. Энэ зүг чиг Дарга нараас нь ирж. Мөнхүү: АН-аас хэсэгт нь энэ таалагдаж. Залгасан яриа АН-д бас явж байна. Хамтрах уу, яах уу гээд. Гэлээ гэхдээ МАН өнгөрөгч 5 дугаар сард Л.Оюун-Эрдэнийгээ зайлуулж Хамтарсан Засгийн газрыг тараахдаа: АН-тай л хамтрахгүй гэх шийдийг бага хурлаараа гаргасан. Эдүгээ тэр нь хүчинтэй хэвээр. Тиймийн учраас Н.Учрал энэ 5 дугаар сард багтааж бага хурлаа хуралдуулахаар болж. Өөрөөр: Н.Учрал Засгийн газарт АН-ыг урихаар намынхаа Бага хурлыг товложээ… Тэрээр намаа контролдож чадахаа больсон тул Дарга дэмжлэг үзүүлнэ. Дарга дэмжих тул МАН-ынхан: АН-тай Хамтарсан Засгийн газар байгуулъя, тэднийг урья гэж шийдвэр гаргана. Тэгэхлээр МАН гэхээсээ АН урилгыг яаж хүлээж авах нь одоо асуулт болно.

Базах нь ээ: Зарим нь, нэн ялангуяа улс төр орчмынхон Даргыг шүүмжлэхээс айдаг болж. Нэрийг нь хэлж ч зүрхлэхээ больж. Үнэндээ: Хятадын си Жиньпин, сингапурын Ли Куан Ю үнэмлэхүй удирдагч болохдоо танил тал, ойр дотныхноо улс төрөөс, төрийн өмчөөс улам холдуулсан. Харин манайд эсрэгээрээ тавигдаж байна. Эрдэнэт, Эрдэнэс Тавантолгой, Төмөр зам, Төрийн өмчийн хороо… Бүгдээрээ Даргын ойрынхон. Тэдгээр газарт төсвөөс гадуурх асар их мөнгө эргэлддэг. Хулгайлахад хуульгүй мөнгө. Гэтэл нь Монголын 3.6 сая иргэн төсөв хэмээх тавагтай жаахан хусмаар гол зогоох. Тэр нь хүрэлцэхгүй болж их хямралд сөхөрлөө. Өөрөөр: Эдүгээ Монголд улс төр цэцэглэн бадамлаж, эдийн засаг мөхөн сөнөлөө. Хаа байна, тэр Монголын заяа…

Ө.БАТБИЛЭГ

ӨДРИЙН СОНИН

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

393

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

598

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

782400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

567


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.